WENÉNÉ LÉ LUK A GYE (Évangile selon Luc) 7:16 - Kazambale lé Sebe Sauunu 1979

¹⁶ Kana zén munu faa gi yé wo Kazambale tɔ bɔ a fele nya léé: Balelayezan blɛn bɔra ko méléna, yé Kazambale da élé munu va.

WENÉNÉ LÉ LUK A GYE (Évangile selon Luc) 7:16 ပူးပေါင်းရင်းမြစ်များ

Lɛrɛvɔ Sɛbɛ 65:9

Munu lé wo ke é nyanale tɛrɛ glɛ sina, ilé we blɛnnu kɛlɛle éé kana zén‐é wo gi; Yé yirinwanazia munu valé yirivɔnazia munu, i wo faan ginanale blɛn nya.

Fwile 4:31

Yé munu bli vo a lɛ. Wa ’ma léé, Gakelebale da Izraɛl lé nénu va, yé é wolé nyanéblele ye; yé wo ’wuo tua yé wo dia ’wo bli la.

Jérémi 33:9

Fla ’ko é dan kɛlɛ lɛ anlé ginanalafla koo, an tɔbɔla fla koo, anlé fua tɔbɔla fla koo, wo nya, tɛrɛla bɛnnu faa va. We zinnu faa lé maa dan a kɛlɛ lɛ wo lɛ, bɛnnu é dan a ’ma lɛ; dé wo an ye bɛ ma wolowolozan nya Izraɛl munu vazia, wo gi é dan vuru lɛ, ’té éé kɔɔan wo bli gi.

Matio 15:31

Munu bobogyɛzannu ye we fena, yé wo bɛgazannu valé ganegazannu ye é bélile, yé wo tunbozannu ye tawona, yé wo yuɛwiizannu ye yɛrɛ yena, yé wo gi vuru yé wo Izraɛl lé Bale tɔ bɔ.

Matio 21:11

Mi gunu léé: Balelayezan Jézu lé; é si Nazarɛt, Galilé tɛrɛ la.

Matio 28:8

Wo si gɔlɛkoro ’léé é kele, kanale valé gi nanale blɛn nya, yé wo vlan si we ’ko zuo fele a zuomunu lɛ we ma.

Matio 9:8

Naa, mi gu ’bɛ ye aan wo, kana zén wo gi, yé Bale lé é se ’ko kɛlɛ munu lɛ, wa tɔ zin bɔ.

WENÉNÉ LÉ LUK A GYE (Évangile selon Luc) 1:65

Kana zén wo punma munu faa gi, yé wo we ’konu faa glewo Judé tɛrɛ la gɔ faa nwiin.

WENÉNÉ LÉ LUK A GYE (Évangile selon Luc) 1:68

Mizan, Izraɛl zé Bale da élé munu va yé é wo tabo, Amalé a drɔɔ ’é vo ma.

WENÉNÉ LÉ LUK A GYE (Évangile selon Luc) 19:44

Wo dan i guru zana lɛ a gi tata, bii valé i ta munu nya. Bléyian va lé an da ka va, ka ’ka a gi dɔɔ lɛ lo, amalé wo ’ka dan i gɔlɛ do kpen vo lɛ é ke ta lo.

WENÉNÉ LÉ LUK A GYE (Évangile selon Luc) 2:20

Yé ’blatabinmunu diéra wo pa gi, Kazambale tɔ bɔle valé a tɔ zin fele nya, we faa lé wa ’ma yé wa ye, a ma, yé é kɛlɛ fɛan zo lé wa fe wo lɛ, a zo.

WENÉNÉ LÉ LUK A GYE (Évangile selon Luc) 24:19

Yé é lé wo lɛ léé: Mɛ we léé? Yé wo lé a lɛ léé: We lé é kɛlɛ Nazarɛtzan Jézu lɛ, yee lé. É a balelayezan lé é ke plɛplɛ we kɛlɛle valé dére fele gi Kazambale valé munu faa yuɛ va, a nya.

WENÉNÉ LÉ LUK A GYE (Évangile selon Luc) 5:26

Munu faa gi vuru yé wo Kazambale tɔ bɔ; yé kana zén wo gi yé wo léé: Ko givuruwenu ye kyɔ.

WENÉNÉ LÉ LUK A GYE (Évangile selon Luc) 5:8

Simɔn Piɛri ’bɛ ye aan wo, é ’wuo wɔra Jézu gane wuo yé é léé: Mizan, maa a wenyanékɛlɛzan nya, amalé ’i si an sɔnɔ.

WENÉNÉ LÉ LUK A GYE (Évangile selon Luc) 7:15

Yé gazan nyana, yé é kun wefele ma. Jézu a nɔ é bu lɛ.

WENÉNÉ LÉ LUK A GYE (Évangile selon Luc) 7:39

Farizimi lé é Jézu laa, é ana ye aan wo, é lé é bli gi léé: Dé é vo léé, mi ’ko a balelayezan nya, ’té le ’ko lé ’bɛ é bɛ mane a ma bɛ, ’té dé le kaa léé? ’té é ’bɛ dɔɔ yé ’é a gi dɔɔ léé, é a wenyané kɛlɛ le nya.

WENÉNÉ LÉ LUK A GYE (Évangile selon Luc) 8:37

Kana blɛn zén Jérazé tɛrɛlamunu faa gi, amalé wo faa lé Jézu lɛ léé: ’I go, té i vo ko va ’ko lo. Jézu vɔ ’yitagoro gi yé é nɔla é pa gi.

WENÉNÉ LÉ LUK A GYE (Évangile selon Luc) 9:19

Wa zi pa a lɛ léé: Wo léé, bii a mi batizéwozan Jan nya; mi kenu léé, bii a Éli nya; yé a koɛnu léé, bii a balelayezan vinin do lé é nwa gale va, a nya.

WENÉNÉ LE JAN A GYE (Évangile selon Jean) 1:21

Yé wa laa a lee léé: I a de ɛ nyaa? Éli lé i nyaa? Yé é léé: Maa ’ka ’bɛ nya lo. Yé wo léé: Balelayezan‐o bɛ, bii ɛ ke a nyaa? Yé é léé: Gba.

WENÉNÉ LE JAN A GYE (Évangile selon Jean) 1:25

Yé ’bɛnu we laa a lee léé: Dé i ’ka Krist nya lo, dé i ’ka Éli nya lo, dé i ’ka balelayezan‐o ’bɛ nya lo, mɛmalé i munu batizéwoo?

WENÉNÉ LE JAN A GYE (Évangile selon Jean) 4:19

Lezan lé a lɛ léé: Mizan, maa a ye léé, bii a balelayezan nya.

WENÉNÉ LE JAN A GYE (Évangile selon Jean) 6:14

Gyɛzorowe lé Jézu a kɛlɛ bɛ, dé munu ’konu a ye, wo léé: Balelayezan lé, wo léé, é dan da lɛ tɛrɛ la, yee lé é ke mi ’ko nya webozen nya.

WENÉNÉ LE JAN A GYE (Évangile selon Jean) 9:17

Yé wo lé yuɛwiizan lɛ léé: Bii lé é i yuɛ fuo, bii lé ’bɛ gi nɔɔ? É léé: Balelayezan lé.

Kelewenu 5:5

Ananias dére ’konu ’ma aan wo, é dia yé é ga. Yé kana blɛn zén ana munu gi.

Kelewenu 7:37

Moizi ’ko ɛ we fe Izraɛl benu lɛ léé: Kazambale é dan mi do nwa lɛ ka lɛ ka bwenu méléna balelayezan nya bélé ’yee zo.

Galasi munu 1:24

Yé wo vo Kazambale tɔ bɔna anlé we ma.

Bélidɔwesɛbɛ Fiézan 18:15

Gakelebale, kalé Bale é dan balelayezan do nwa lɛ ka bwenu méléna bélé maa zo; ’ka tɔné dɔ ’bɛ lɛ.