WENÉNÉ LÉ LUK A GYE (Évangile selon Luc) 6:8 - Kazambale lé Sebe Sauunu 1979

⁸ Naa, é wolé gibɔrɔlenu dɔɔ, yé é lé bɛgazan lɛ léé: ’I nwa, ’i dɔ loru wo méléna bɛ. ’Bɛ nwa, yé ’bɛ dɔ loru.

WENÉNÉ LÉ LUK A GYE (Évangile selon Luc) 6:8 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Minwiinzannu lé Wezuofe Sɛbɛ 29:17

Oo, anlé Bale, maa gi dɔɔ léé, i mi bli gi ginian yé we drɔle sɔ i lɛ; é ziin, maa blɛ drɔɔnu ’ko faa nɔ i lɛ an bli gi drɔle nya, yé maa ye léé, ilé munu lé wo ke ’ko, wo blɛ ’konu kɛlɛ i lɛ bli drɔɔ nya, yé ’bɛ an gi nana.

JOB (Job) 42:2

Maa gi dɔɔ léé, i bɔa we faa kɛlɛle lɛ; We lé i gi bɔrɔan a ma, mi do kpen ’ka a za vɔa lo.

Lɛrɛvɔ Sɛbɛ 44:21

Dé é a kɔɔn léé, ko gi san kolé Bale tɔ ma, Yé ko ko bɛ soi bɛn bɛnu lé bale vazia,

Ézai 42:4

A fuu ’ka dan si lɛ a ta lo yé é ’ka dan nyana lɛ lo, Fɔɔ yé é wetegele dɔ tɛrɛ la gligli, Yé wɛyi worona tɛrɛ tamunu bli é vo alé bélidɔwe lɛ.

Matio 9:4

Jézu wolé gi bɔrɔlenu dɔɔ, yé é léé: Mɛmalé gi bɔrɔle naané ’ko ke ka bli gii?

Maak 3:3

Yé Jézu lé bɛgazan lɛ léé: ’I dɔ loru wo méléna.

WENÉNÉ LÉ LUK A GYE (Évangile selon Luc) 13:12

Jézu a ye yé é lé a lɛ léé: Lezan, i so i gyɛgyɛ lee,

WENÉNÉ LÉ LUK A GYE (Évangile selon Luc) 5:22

Wenu lé wa bɔrɔna wo bɔn gi, Jézu a dɔɔ aan wo é kun wefele ma wo lɛ yé é léé: Mɛmalé bɔn‐in bɔrɔle ’konu ke ka gii?

WENÉNÉ LÉ LUK A GYE (Évangile selon Luc) 6:9

Yé Jézu lé wo lɛ léé: Maa we do laan ka lee; a se a mi lɛ léé, é wezin kɛlɛ flinyi nya laa, taa, é wenyané ɛ kɛlɛɛ? É mi béli flinyi nya laa, taa, é mi gyɛɛ?

WENÉNÉ LE JAN A GYE (Évangile selon Jean) 21:17

É lé a lɛ a gɔnɔ yaazan nya léé: Jonas be Simɔn, an sɔ i lɛɛ? É a fe aan wo Piɛri lɛ a gɔnɔ yaazan nya léé: An sɔ i lɛɛ? yé Piɛri bli kyɛ dɔ. Yé é lé a lɛ léé: Mizan, i we faa gi dɔɔ. Bii a gi dɔɔ léé, i sɔ an lɛ. Jézu lé a lɛ léé: ’I fɛblele nɔ anlé ’blanu lɛ.

WENÉNÉ LE JAN A GYE (Évangile selon Jean) 9:4

Bléyian va lé fɛna a é kinile, mi lé é an pa zia, é a lé maa alé nyanama pa; béli a dana tan lɛ, ’té mi do kpen ’ka bɔa nyanama pale lɛ lo.

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

Kelewenu 26:26

Bii minwiinzan we ’konu dɔɔ yé maa wo fe i lɛ kpaklaa. We ’konu ’ka kɛlɛ lɛ kyeen gi lo, bɛwemalé maa gi dɔɔ léé, we ’konu va we do kpen ’ka é yɔɔle i ma lo.

Filip munu 1:28

’té di ’ka kinié ka gi ka nyanézannu lé we ma monomono lo. We ’ko, Bale a nɔ tɔmase nya ka nyanézannu lɛ léé, wa é sanle; naa, é a tɔmase nya léé, ka a é sile we gi.

Ébrunu 4:13

Kɛlɛfɛnu va fɛ do kpen ’ka é yɔɔle Kazambale lee lo, naa, wo faa a é porole, yé wo faa ta a é bɔrale mi lé é a lé kaa kaalé we zuo fe a lɛ, a yuɛ gi.

1 Piɛri 4:1

Krist nyané ble é kɔlɛ gi, bɛwemalé ka é ziin, gi bɔrɔle duo ’é kɛlɛ ka ’wuo gi ma. Naa, mian é nyané ble é kɔlɛ gi, é si wenyané zuo,

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.