WENÉNÉ LÉ LUK A GYE (Évangile selon Luc) 6:49 - Kazambale lé Sebe Sauunu 1979

⁴⁹ Naa, mi lé é a maan yé azan ’ka a tawenu kɛla lo, éé kɛla bélé mi lé é kɔn dɔ tɛrɛ yuɛ la ’té a gane ’ka é vɔle lo, a zo. ’Yiyoro plɛplɛ zén kɔn ma; tɔɔn, a guru zana a gi, yé é sɛrɛ tata.

WENÉNÉ LÉ LUK A GYE (Évangile selon Luc) 6:49 ပူးပေါင်းရင်းမြစ်များ

Wegɔnévɔlenu 28:18

Mi lé éé tawoo é dɔbɛ wéiin nya é dan si lɛ we gi, naa, mi lé éé tawoo zi plinle fié ta, é dan dia lɛ a do ta.

Ézékiɛl 33:31

Yé wo go i va mi gu blɛn nya, yé anlé munu éé nyanaan i ’lɛ; woo ’wo tɔné dɔa i dérenu lɛ, naa, wo ’ka wo ta ta do kpen woo lo. Naa, woo wo ma we nanaan, yé woo wobo no blibɔle fɛ ma lɛ.

OZÉ (Osée) 4:14

Maa ’ka dan we lɛdɔ lɛ ka lunu gi wolé bɔrɔdɛ kɛlɛle ma lo; maa ’ka we lɛdɔa ka be nanu gi wolé gɔnéginile we ma lo, naa, kaboen éé goo bɔrɔdɛ lomu zuo, ’té ka valé tɛrɛgyɛwe kɛlɛlomu, ka yo baan ékeva. Tavozannu éé vlanburuwo ’wo saanna.

Matio 23:3

Amalé, we faa lé wa fé ka lɛ, ’ka a ’ma ma, yé ’ka a kɛlɛ ma, naa, té ka tawo wolé tawobɛ zo lo. Woo we fé yé wo ’ka a kɛla lo.

Matio 24:10

É ziin, mi kiɛre é dan diéra lɛ, yé wo dan ’wo ke liwo lɛ yé wo dan ’wo ke za pa lɛ.

Maak 4:17

naa, wo suni ’ka goo baa lo; wo ’ka yara paan we la lo, yé dé we tɔntɔn bɔle wo ma léé, ɛɛ, dé munu lé nyané pale wo ta Bale dére lé we ma léé, tɔɔn, éé kɛla wo diérawe nya.

WENÉNÉ LÉ LUK A GYE (Évangile selon Luc) 12:47

Mi leezan lé ézan lé blibɔmawe dɔɔ, yé é ’ka fɛ do kpen ma’lɛrɛ lɛ lo, yé é ’ka alé blibɔmawe kɛlɛ lɛ lo, wo dan ’bɛzan bla lɛ kaii.

WENÉNÉ LÉ LUK A GYE (Évangile selon Luc) 19:14

A za a élé tɛrɛlamunu gi, amalé dé é go faa wo munu nwunvɔ a zuo a fele we gi léé: Mi ’ko plale ko nwiin ’ka sɔ lɛ ko lɛ lo.

WENÉNÉ LÉ LUK A GYE (Évangile selon Luc) 19:27

Naa, an nyanézannu lé an plale wo nwiin ’ka sɔ lɛ wo lɛ lo, ’ka da wo nya ’ko, yé ’ka wo bɔrɔ bo an yuɛ va.

WENÉNÉ LÉ LUK A GYE (Évangile selon Luc) 6:46

Mɛmalé ka an laan Mizan, Mizan, yé ka ’ka tawoo an dére ta loo?

WENÉNÉ LÉ LUK A GYE (Évangile selon Luc) 6:48

É a bélé mi lé é ke kɔn dɔna, yé é kɔngane vɔna guru bo baa, yé é kɔngane vɔ gɔlɛ ta, a zo. ’Yi fan yé ’yiyoro plɛplɛ zén kɔn ’ko ma yé é ’ka zana lɛ lo; wa dɔ é zima, azama.

WENÉNÉ LÉ LUK A GYE (Évangile selon Luc) 7:1

Jézu we ’konu faa fele lɛ sɔɔ aan wo, munu lé wo ke ’wo tɔné dɔna a lɛ, wo lɛ, yé é go Kapɛnaum.

WENÉNÉ LE JAN A GYE (Évangile selon Jean) 15:2

An bɛ faa lé wo ke an ma yé wo ’ka baan lo, éé wo kinié an ma, yé an bɛnu faa lé woo baan éé wo ma bɔié yé wo va ’é kɛlɛ é sésé, wo taa baale é ziin wo ma we gi.

Kelewenu 20:29

Maa gi dɔɔ léé, an gole zuo, glau nyanénu é dan wɔra lɛ ka méléna, yé wo ’ka dan trubɛgimi do kpen vo lɛ lo.

Kelewenu 26:11

Gɔnɔ kiɛre nya an we lɛdɔ wo gi bazorokɔnnu faa gi, yé an gla kɛlɛ wo va léé, ’wo sɔn vɔ ’wozé Bale zuozi ma. An bli flile wo ma bɛ nyané zi an nyané pa wo ta fɔɔ bɛn bɛnu lé flanu ta.

1 Tɛsalɔnik munu 3:5

Amalé dé an ’ka bɔa we ’ko vole lɛ ’ko zo lo, an Timoté pa ka lɛ zia léé, dé kalé blipale a kaa? ’é da ’é a zuo fe an lɛ. Kana a an gi léé, dé migidanzan ka gi dan mii? yé nyanama lé ko pa, dé é vo é plaa?

2 Piɛri 2:20

Dé tɛrɛlawe tiridɔlenu si munu lee Mizan, mi Bélizan Jézu Krist dɔɔle we ma, ’bɛ zuo dé wo ’bɛnu sia é ziin yé ’bɛnu wo kele, wo vobɛ voéla a naané é mini a vininzan ta.

1 Jan 2:19

Wo si kaa méléna, naa, wo ’ka kaazé nya lo. Dé é vo léé, kaazé lé é ke wo nya, ’té wo vo kaa va kɔɔn. We ’ko kɛlɛle ma lé munu faa a gi dɔɔ léé, wo faa ’ka kaazé nya lo.