WENÉNÉ LÉ LUK A GYE (Évangile selon Luc) 6:21 - Kazambale lé Sebe Sauunu 1979

²¹ ’Kaa lé, lɔrɔ ke ka gyɛna, ka a bɛan ’bɛ gi bɛ, ’bɛ a é zima kazé nya, naa, Bale é dan lɔrɔ si lɛ ka ma. ’Kaa lé ka ke wuvɔna, ’ka a bɛan ’bɛ gi bɛ, ’bɛ a é zima kazé nya, naa, ka dan yéri si lɛ.

WENÉNÉ LÉ LUK A GYE (Évangile selon Luc) 6:21 ပူးပေါင်းရင်းမြစ်များ

Wepélisiananu 17:17

Abraam dia é bli la; é yéri si yé é lé é bli gi léé: Gɔné lé a lɛɛ bɔ yɔ soru ’naan, ’bɛ é dan né yaa lɛɛ? Yé Sara lé ’bɛ lɛɛ bɔ yɔ ziɛn wɔlɛ vu ’naan, ’bɛ é dan né yaa lɛ kaa?

Wepélisiananu 21:6

Sara léé: Kazambale ginanawe kɛlɛ an lɛ. Dé miomian é anlé yéri sile ’ma, é dan yéri si lɛ an va gi nanale nya.

Lɛrɛvɔ Sɛbɛ 107:9

Naa, mi boen lé ’yiminilɔrɔ ke a gyɛna, é a si a ma, Yé mi boen lé, lɔrɔ ke a gyɛna, é a kan fɛ zima nya.

Lɛrɛvɔ Sɛbɛ 119:136

Wo ’ka ilé bélidɔwenu kɛla lo, Amalé an yuɛyi éé yoroan bélé ’yi zo.

Lɛrɛvɔ Sɛbɛ 143:6

Maa an bɛnu soian i vazia; I lɔrɔ an boen gya bélé ’yiminilɔrɔ zo. Ka ye do.

Lɛrɛvɔ Sɛbɛ 17:15

Naa, dé é a maa nya, we ’ka an nwiin lo, yé an dan i yara ye lɛ, Dé an vuo tɔɔn, dé maa i ye, ’bɛ anzé bɔ.

Lɛrɛvɔ Sɛbɛ 28:7

Gakelebale a anlé plɛplɛ valé an takuunzan nya, An bli a a lɛ, yé éé bɔa an va; Ginanale lé éé giéan é glɛ ta, é a an bli gi, Yé maa a tɔ zin fé anlé lɛrɛvɔlenu nya.

Lɛrɛvɔ Sɛbɛ 65:4

Dé weplenu ko kele, ’I ko ma we vo;

Ézai 25:6

Lai sunyanu lé Gakelebale a fɛti ma’lɛrɛna munu faa lɛ, gɔ ’ko nwiin; nɛnɛ mlanvɔfɛnu koo, dɔrɔ kwa koo, wi zunnu koo, dɔrɔ kwa sésé koo, wo faa lé é a ma’lɛrɛna a fɛti kɛlɛfɛ nya.

Ézai 30:19

Iin, ’kaa Siɔn munu lé ka ke é nyanale Jérusalɛm, ka ’ka dan wuvɔ lɛ é dɛrɛ lo. Dé ka siaa Bale lɛ, é dan zin kɛlɛ lɛ ka lɛ; dé é ka dére ’ma tɔɔn, ’té é we é kwakwa.

Ézai 66:10

’Kaa faa lé Jérusalɛm sɔ ka lɛ, Ka gi ’é nana a tamunu va ma, ’É kɛlɛ ka ginanamazan nya. ’Kaa faa lé ka a gyɛ bo, Ginanale ’é ka kun a va, léé,

Jérémi 13:17

Dé ka ’ka ka tɔné dɔ lɛ an lɛ lo, Maa dan wuvɔ lɛ kyeen gi kalé boblɛn lé we ma. An yuɛyi é dan yoro lɛ, Wo go Gakelebale lé trubɛnu nya luu gi, azama.

Jérémi 31:25

Naa, munu lé ’yiminilɔrɔ wo vo tɔɔtɔɔ, maa dan ’yiminilɔrɔ si lɛ wo ma, yé munu lé lɔrɔ blɛn wo fuu si wo ta, maa dan wo kan lɛ.

Jérémi 31:9

Woo dan wuvɔle nya, naa, woo bazoroan bléyian va, ’té an goo wo nya; Maa goo wo nya ’yi yoronmu vazia, Zi do lé mi ’ka vɔa a ’léé danké danké lo, ana. Naa, maa a Izraɛl munu ti nya, Yé Éfraim a anlé né vininzan nya.

Jérémi 9:1

Yiba! dé é kɛlɛ kɔɔn léé, an ’wuo a é fanle ’yi nya, Dé an yuɛ a kɔɔn ’yibɔna zo, ’Té maa dan anlé munu galenu wuvɔ lɛ, Bladi nyanadi.

Ézékiɛl 7:16

Dé mi kenu vlanburuoo, ’té wa gɔnu nwiin bélé pɛnguru gi plawuonu zo. Wo faa do do woo dunnuan wobo lé weplenu ma.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Matio 5:4

Gikyɛdɔmunu a bɛan ’bɛ gi bɛ, ’bɛ a é zima wozé nya, naa, Bale é dan wo tɔrɔ paa lɛ.

Matio 5:6

Munu lé, we tegele lɔrɔ ke wo ma bélé ’yiminilɔrɔ zo, wa bɛan ’bɛ gi bɛ, ’bɛ a é zima wozé nya, naa, Bale é dan lɔrɔ si lɛ wo ma.

WENÉNÉ LÉ LUK A GYE (Évangile selon Luc) 1:53

É lɔrɔgyɛmunu kan Yé é fuazannu pa zia lɔrɔ nya.

WENÉNÉ LÉ LUK A GYE (Évangile selon Luc) 6:20

Yé Jézu é yuɛ vɔ é zuomunu ta yé é léma: ’Kaa nyanégyɛmunu, ka a bɛan ’bɛ gi bɛ, ’bɛ a é zima kazé nya, naa, Kazambale a é plale ka nwiin.

WENÉNÉ LÉ LUK A GYE (Évangile selon Luc) 6:22

Dé wo ka za paoo, dé wo ka bin?-?oo, dé wo ka sɔnɔoo, dé wo sɔn vɔ ka tɔ ma fɛ naané zo‐oo, maa blami Be lé we ma, ka a bɛan gi bɛ, ’bɛ a é zima kazé nya.

WENÉNÉ LÉ LUK A GYE (Évangile selon Luc) 6:25

’Kaa lé ka ke é kanle, ka gale nyɔ, naa, lɔrɔ é dan ka gyɛ lɛ. ’Kaa lé ka ke yéri sina, ka gale nyɔ, naa, gyɛ é dan bɔ lɛ ka ta yé ka dan wuvɔ lɛ.

WENÉNÉ LE JAN A GYE (Évangile selon Jean) 11:35

Jézu wuvɔ.

WENÉNÉ LE JAN A GYE (Évangile selon Jean) 4:10

Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

WENÉNÉ LE JAN A GYE (Évangile selon Jean) 6:35

Jézu lé wo lɛ léé: Maa lé ke mibéliburu nya. Mi lé é da an va, lɔrɔ ’ka dan a gyɛ lɛ monomono lo, yé mi lé a bli vo an lɛ, ’yiminilɔrɔ ’ka dan a gyɛ lɛ monomono lo.

1 Korent munu 4:11

Fɔɔ bléyi ’ko va, ko vo nyané blena lɔrɔ koo, ’yiminilɔrɔ koo, porole koo, wolé we ma, ’té wo ko blaan, ’té ko nyanana tegele ’ka lo;

2 Korɛnt Munu 11:27

Maa nyanama pa, yé maa nyané ble; an vo é yuɛma é béli gɔnɔ kiɛre; lɔrɔ valé ’yiminilɔrɔ an gyɛ; an lɔrɔ sɔn gɔnɔ kiɛre; dunu an gyɛ; an vo é porole.

2 Korɛnt Munu 12:10

Bɛwemalé an tɔɔtɔɔnu koo, an sɔnɔle koo, diri kinile an lɛ koo, nyanéblele koo, kleblele koo, an dɔle wo wuo Krist lé we ma é a an ginanawe nya; naa, dé maa a tɔɔtɔɔ, ’té maa a plɛplɛ.

2 Korɛnt Munu 6:10

woo ko yé bélé ko a bligikyɛdɔzannu nya, dɔlé ’té ko gi a é nanale yifaama; woo ko yé bélé nyanégyɛzannu zo, dɔlé ’té ko fuafɛnu nɔ mi kiɛre lɛ; woo ko yé bélé fɛ do kpen ’ka ko lee lo, dɔlé ’té fɛ faa a ko lee.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

Wegɔɔnle 21:3

Yé maa dére plɛplɛ do ’ma, é si webleblin va yé é léé: Kazambale nyanana kɛlɛ munu va sin. É dan vo lɛ wo va, yé wo dan kɛlɛ lɛ alé munu nya, yé Kazambale bozen é dan kɛlɛ lɛ wo va.

Wegɔɔnle 7:16

lɔrɔ ’ka dan wo gyɛ lɛ é dɛrɛ lo, ’yiminilɔrɔ ’ka dan wo gyɛ lɛ é dɛrɛ lo, yiri valé kyɛsan do kpen ’ka dan wo gyɛ lɛ é dɛrɛ lo.