WENÉNÉ LÉ LUK A GYE (Évangile selon Luc) 6:20 - Kazambale lé Sebe Sauunu 1979

²⁰ Yé Jézu é yuɛ vɔ é zuomunu ta yé é léma: ’Kaa nyanégyɛmunu, ka a bɛan ’bɛ gi bɛ, ’bɛ a é zima kazé nya, naa, Kazambale a é plale ka nwiin.

WENÉNÉ LÉ LUK A GYE (Évangile selon Luc) 6:20 ပူးပေါင်းရင်းမြစ်များ

Lɛrɛvɔ Sɛbɛ 37:16

Mi tegele lé fɛ sɛné fila vɔ É mini mi nyanénu kiɛre lé fɛ di yele ta;

Wegɔnévɔlenu 16:19

Kɛlɛle bo kiénézan nya bo kiénézannu va fila vɔ é mini gulizarafɛnu gulile ta boblɛnzannu va.

Wegɔnévɔlenu 19:1

Nyanégyɛzan lé éé tawoo é dɔbɛ wéiin gi, azé fila vɔ é mini ’léé nyané vɔzan lé é ke ’tugyɛzan nya, a ta.

Ézai 29:19

Wenaanébɔmazannu gi nanale lɛ é dan si lɛ Gakelebale lé we ma, yé Izraɛl lé Mi Sauun é dan kɛlɛ lɛ nyanégyɛzannu lé ginanamazan nya.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Sofoni 3:12

Migɔnɔ kiéné lé wobo kɛla kiéné, ’té woo yɔɔna yé Gakelebale tɔ gi bɛ, maa dan wo vo lɛ ka va.

Zakari 11:11

Maa ’bɛ sɛrɛ ’bɛ yi la, yé nyanaizénla ’blanu lé wo yuɛ vo an va bɛ, wa gi dɔɔ ’bɛ zo léé, Gakelebale dére lé.

Matio 11:5

yuɛwiizannu a yɛrɛ yena, tunbozannu a tawona, pantɛn a sina pantɛngyɛmunu ma, tɔnéwiizannu a we ’mana, gazannu a nwana gale va, yé wa wenéné fena nyanégyɛzannu lɛ.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 5:1

Jézu mi gu yé aan wo é go gɔ nwiin, yé é nyana, yé a zuomunu bié a sɔnɔ.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

WENÉNÉ LÉ LUK A GYE (Évangile selon Luc) 13:28

Abraam koo, Izak koo, Jakɔb koo, balelayemunu faa koo, bléyian va lé ka dan wo ye lɛ Kazambale lé fuatɛrɛ la ’té wo ka vuli béera, ’bɛ bléyi va ka dan wuvɔ lɛ yé ka dan ka suiɛ la ble lɛ.

WENÉNÉ LÉ LUK A GYE (Évangile selon Luc) 14:15

Munu lé wa fɛ zi, wo va mi do dére ’konu ’ma aan wo, é lé Jézu lɛ léé: Mi lé é dan fɛble lɛ Kazambale lé fuatɛrɛ la, ’bɛzan zé a é zima.

WENÉNÉ LÉ LUK A GYE (Évangile selon Luc) 16:25

Abraam lé a lɛ léé: Anlé né, i ’ilé fɛ zinnu ye ilé tɛrɛla bléyi va, yé Lazaa nyané ye ézé bléyi va, ’bɛ saan i gii? Sin wa ’bɛ tɔrɔ paana ’ko, yé bii a nyané blena.

WENÉNÉ LÉ LUK A GYE (Évangile selon Luc) 4:18

Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

Kelewenu 14:22

Yé wo zuomunu bli ta dɔ plɛplɛ, yé wo we pla wo lɛ léé, ’wo dɔ Bale lé we gi gligli, yé wo léé, é a lé ko wɔra nyané kiɛre blele nya Kazambale lé fuatɛrɛ la.

2 Korɛnt Munu 6:10

woo ko yé bélé ko a bligikyɛdɔzannu nya, dɔlé ’té ko gi a é nanale yifaama; woo ko yé bélé nyanégyɛzannu zo, dɔlé ’té ko fuafɛnu nɔ mi kiɛre lɛ; woo ko yé bélé fɛ do kpen ’ka ko lee lo, dɔlé ’té fɛ faa a ko lee.

2 Korɛnt Munu 8:2

Nyanénu lé wa ble, é wo gi dan é baba; naa, duowo, wo gi nana yé é gié é glɛ la, ’té woo blɛ kɛla mi kiɛre lɛ dɔlé ’té nyané wobozen gyɛ.

2 Korɛnt Munu 8:9

Ka Kaazan Jézu Krist lé zin dɔɔ; yee lé ke fuablezan nya, é ’ébozen kɛlɛ nyanégyɛzan nya kalé we ma, léé, alé nyanégyɛle gi ka kɛlɛ fuablezannu nya.

1 Tɛsalɔnik munu 1:6

Yé ka kinin ko valé Mizan zuosonazannu nya. Ka Bale dére nyi si, yé ka nyané ble é baba alé we ma, ’té Léli Sauun éé ka gi nanaan duowo.

2 Tɛsalɔnik munu 1:5

We ’ko a gɔɔn tɔmase nya léé, Kazambale éé mi vaboo é zua, yé é a ye léé, a yara a ka yara léé, ka kɛlɛ Kazambale lé fuatɛrɛ la munu nya, amalé ka ke nyané blena bɛ.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

Wegɔɔnle 2:9

Maa ilé kleblele valé nyané lé i gyɛle dɔɔ, naa, i a fua nya duowo. Munu lé wo ’wobo laan Juifinu, ’té wo ’ka a nya lo, ’té wo ke Satan lé zén‐ékevamunu nya bɛ, maa gi dɔɔ léé, wa i tɔ sɛrɛna.

1 Samuɛl 2:8

Éé nyanégyɛzan sié vun va, Éé lee korozan sié bli la, Wo nyanale mi blɛnnu va we gi, Éé nyanana zima no wo lɛ wozé nya. Naa, tɛrɛ lé wɛyili a Gakelebale lee, Yé wo ta lé é tɛrɛ dɔra.