WENÉNÉ LÉ LUK A GYE (Évangile selon Luc) 6:19 - Kazambale lé Sebe Sauunu 1979

¹⁹ Plɛplɛ do a sina a gi yé é a wo faa bélina, amalé mi gu faa a kwa kulina léé, ’wo bɛ mane a ma.

WENÉNÉ LÉ LUK A GYE (Évangile selon Luc) 6:19 ပူးပေါင်းရင်းမြစ်များ

2 Minwiinzannu 13:21

Wa mi do pana tɔɔn yé wo palunu ’ko va palu do ye, yé wo mi gale vuli Élizé pana. Mi gale mane Élizé wɔlɛnu ma yé é nwa é yuɛma é ziin yé é dɔ loru.

Matio 14:36

Wo zanté vɔ a lɛ léé, ’wo bɛ mane alé sɔ lɔlu ma é pla. Yé wo faa lé wo bɛ mane a ma, wo béli.

Maak 3:10

É mi kiɛre béli, amalé munu lé gyɛ ke wo gyɛna, wo ’wobo dia a wuo, wo bɛ manele a ma we gi.

Maak 5:30

Kele tɔɔn Jézu a gi dɔɔ é bli gi léé, élé plɛplɛ do nyanama pa, yé é nɔla munu méléna, yé é léé: De ɛ é bɛ mane anlé sɔ maa?

Maak 6:56

Dé é bɔ fɛofɛana, dé é a féi nyaoo, dé é a fla kiéné nyaoo, dé é a fla kuru ’léé nyaoo, woo gyɛgyɛmunu plaan fla vuun la, yé woo zanté vɔa a ma léé, ’wo bɛ mane ilé sɔ lɔlu ma é pla. Yé wo faa lé wo bɛ mane a ma, wo béli.

Maak 8:22

Yé wo go Bɛtsaida, yé munu da yuɛwiizan do nya Jézu va, yé wo zanté vɔ Jézu ma léé, ’é bɛ mane a ma.

WENÉNÉ LÉ LUK A GYE (Évangile selon Luc) 5:17

Yi do nya Jézu a we paana munu gi. ’Té Farizimunu valé bélidɔwedɔɔmunu a ’bɛna é nyanale. Wo si Galilé tɛrɛ la fla faa koo, Judé tɛrɛ koo, Jérusalɛm koo, wona; yé wo Mizambale lé plɛplɛ ye munu bélina.

WENÉNÉ LÉ LUK A GYE (Évangile selon Luc) 6:18

Munu lé yo tiridɔlenu nyané pa wo ta, é wo béli.

Kelewenu 19:12

yé sɔnu valé misɔrɔnu lé wa mane a kɔlɛ ma, wo go wo nya yé wa mane gyɛgyɛmunu ma, ’té gyɛnu éé sié ’bɛnu ma, ’té yonu éé sié wo gi.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.