WENÉNÉ LÉ LUK A GYE (Évangile selon Luc) 5:22 - Kazambale lé Sebe Sauunu 1979

²² Wenu lé wa bɔrɔna wo bɔn gi, Jézu a dɔɔ aan wo é kun wefele ma wo lɛ yé é léé: Mɛmalé bɔn‐in bɔrɔle ’konu ke ka gii?

WENÉNÉ LÉ LUK A GYE (Évangile selon Luc) 5:22 ပူးပေါင်းရင်းမြစ်များ

Minwiinzannu lé Wezuofe Sɛbɛ 28:9

Yé bii, an be Salomɔn, ’i i ti Bale dɔɔ ma, bé kun i bɛ fié nya, bélé nyanama pa i bli faa nya ma, naa, Gakelebale éé mi faa bli gi ginian fɔɔ yé é bɔ a wɔlɛ ma, yé é mibligiwe valé mi lé gibɔrɔlenu faa dɔɔ. Dé bé nagini, é dan zi nɔ lɛ i lɛ léé, i ’é ye; dé i sɔn vɔ a ma é dan sɔn vɔ lɛ i ma yifaama.

Lɛrɛvɔ Sɛbɛ 139:2

Dé an nyanaoo, dé an nwaoo, i ’bɛ dɔɔ; Dé i a baaoo, i an ’wuogibɔrɔle dɔɔ;

Wegɔnévɔlenu 15:26

Gibɔrɔ naané a é lɛrɛlɛrɛ Gakelebale yuɛ gi, naa, dére zin gi a é bɔle a yuɛ gi.

Ézai 66:18

Maa wo kɛlɛwenu valé wo bɔn‐in bɔrɔle dɔɔ. Bɛn faa zén ékeva bléyi bɔ, wo valé dére faa gimunu nya; wo dan da lɛ yé wo dan anlé fua tɔbɔle ye lɛ.

Ézékiɛl 38:10

Mizan Gakelebale léma: ’Bɛ yi la, ’wuogibɔrɔlenu é dan dɔ lɛ i ’wuo gi, yé i dan i bɔn gi nyané bɔrɔ lɛ.

Matio 12:15

Naa, Jézu a gi dɔɔ aan wo, é si fɛkona. Mi gu blɛn go a zuo. Yé é gyɛgyɛmunu faa béli,

Matio 12:25

Jézu wo gi bɔrɔle dɔɔ yé é lé wo lɛ léma: Tɛrɛ faa lé, alé munu ke é kinile ékema, éé voo é ’bin nya, yé dé é a fla nyaoo, dé é a kɔn nyaoo, dé a gimunu kini ékema, wo ’ka dan vo lɛ ana lo.

Matio 9:4

Jézu wolé gi bɔrɔlenu dɔɔ, yé é léé: Mɛmalé gi bɔrɔle naané ’ko ke ka bli gii?

Maak 8:17

Jézu a ’ma aan wo, é léé: Mɛmalé ka a ka va we blena léé, buru ’ka ’wo lee lo, ’bɛ we maa? Ka bɔn‐in ’ka ka ma loo? Ka ’ka we gi maan loo? Ka tɔné gi a yuyuu?

WENÉNÉ LÉ LUK A GYE (Évangile selon Luc) 24:38

Naa, Jézu lé wo lɛ léé: Mɛmalé ka gi vuruu? Mɛmalé gi bɔrɔle ’ko zo ke ka bli gii?

WENÉNÉ LÉ LUK A GYE (Évangile selon Luc) 5:21

Sɛbɛgifemunu valé Farizimunu kun ’wo va weblele ma yé wo léé: Yee mi ’ko lé éé Bale sɔnɔan, de ɛ ke a nyaa? Dé é ’ka Kazambale do kpen nya lo, de ɛ bɔa mi ma we vole lɛɛ?

WENÉNÉ LÉ LUK A GYE (Évangile selon Luc) 5:23

Dé maa fe a lɛ léé: Maa i ma we vo ilé wenyanénu ma, ’bɛ a do; dé maa fe a lɛ léé: ’I nwa, ’i tawo, ’bɛ a do, ’naan, a kyɛnzan ɛ ke we blɛn nya é mini é bɔluzan taa?

Kelewenu 5:3

Piɛri lé a lɛ léé: Ananias, mɛwemalé Satan i bli fan fɔɔ yé i viéwo Léli Sauun lɛ, ’té féi ma gɔɔli ke vo i lee?

Ébrunu 4:12

Naa, Kazambale dére a é yuɛma, yé a ’lɛ a, yé a ’lɛ mini gwɔun‐o gwɔun‐an a ’léé ke fié, a ta, yé éé wɔraan fɔɔ yé éé mi boen valé é léli kini‐é ékema, yé éé mi wɔlɛ vɔna é ke ’léénu valé mi zununu kinié ékema yé éé migiblinu lé we valé mi bɔn‐in bɔrɔlenu lé we va sié.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.