WENÉNÉ LÉ LUK A GYE (Évangile selon Luc) 5:21 - Kazambale lé Sebe Sauunu 1979

²¹ Sɛbɛgifemunu valé Farizimunu kun ’wo va weblele ma yé wo léé: Yee mi ’ko lé éé Bale sɔnɔan, de ɛ ke a nyaa? Dé é ’ka Kazambale do kpen nya lo, de ɛ bɔa mi ma we vole lɛɛ?

WENÉNÉ LÉ LUK A GYE (Évangile selon Luc) 5:21 ပူးပေါင်းရင်းမြစ်များ

Lɛrɛvɔ Sɛbɛ 103:3

Yee ɛ i ma we voo ilé weplenu faa ma, Yee ɛ i bélié ilé gyɛnu faa gi,

Lɛrɛvɔ Sɛbɛ 130:4

Naa, i mi ma we vo, léé, Mi ’é kana i lee.

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Lɛrɛvɔ Sɛbɛ 35:5

’Wo kɛlɛ bélé ’sapɛɛ lé fu a sian, a zo ma, Yé Gakelebale lé lanje ’é wo bin ma.

Ézai 1:18

Gakelebale léma: ’Ka da, kaa ana we fe. Dé kalé wenyané ka bli tié tiritiri bélé gla’yi zo‐oo, ka bli é dan kɛlɛ lɛ fu tata bélé glasépun zo; dé wo kɛlɛ sɔɔn bélé gulimagyan zo‐oo, ka bli é dan kɛlɛ lɛ fu tata bélé kununu lii zo.

Ézai 43:25

Maa, maa ɛ ilé bélidɔwe sɛrɛlenu fwi, an sɔ anbo lɛ, azama. Yé ilé wenyané sele ’ka dan dɔ lɛ an gi é dɛrɛ lo.

Ézai 44:22

Maa ilé bélidɔwe sɛrɛle fwian bélé lati fwile zo; Maa ilé wenyané fwian bélé lati borozan fwile zo; Maa i tabo, Amalé ’i da an va i pa gi.

Daniɛl 9:19

Mizan, ’i tɔné dɔ! Mizan, ’i ko ma we vo! Mizan, bé ’ma ma! Anzan Bale, bé kɛlɛ, té i mɔn lo, i tɔ kɛlɛle blɛn lé we ma! Naa, i tɔ a ilé fla valé ilé munu ma.

Daniɛl 9:9

Mizan, kozé Bale, ko nwa i ma, naa, bii a nyanaizénzan valé mimawe?-?vozan nya.

Lévinu 24:16

Mi lé é Gakelebale tɔ sɛrɛ, wo dan ga dɔ lɛ a nwiin; munu faa é dan gɔlɛ vuli lɛ a va. Dé é a bɛn bɛ gi mi nyaoo, dé é a flazan nyaoo, é dan ga lɛ; é Bale tɔ sɛrɛ, azama.

Misé 7:19

I nyanai é dan zén lɛ é ziin ko ta; i dan kolé weplenu pla lɛ i gane wuo, i dan kolé wenyanénu vuli lɛ wɛyi wɔlɛ ma.

Matio 26:65

Yé Balebanmunu ’lɛzan élé sɔ fia yé é léé: É Kazambale sɔnɔ! Ko mawe a é ziin wenayezan bɛ gii? Ka alé sɔnɔwodére ’ma sin. É dɔ ka gi kaa?

Matio 9:3

Sɛbɛgifemi kenu lé wo bli gi léé: Mi ’ko Kazambale sɔnɔ.

WENÉNÉ LÉ LUK A GYE (Évangile selon Luc) 3:8

We lé ka kɛla yé ’bɛ a gɔɔn léé, ka bli nɔla, ’ka ’bɛ kɛlɛ, yé té ka kun a fele ma ka bli gi léé, Abraam a ’wo tra nya, lo. Naa, maa lé ka lɛ léé, Kazambale é bɔalɛ léé, é gɔlɛ ’konu kinin Abraam gɔnɔlazannu nya.

WENÉNÉ LÉ LUK A GYE (Évangile selon Luc) 5:17

Yi do nya Jézu a we paana munu gi. ’Té Farizimunu valé bélidɔwedɔɔmunu a ’bɛna é nyanale. Wo si Galilé tɛrɛ la fla faa koo, Judé tɛrɛ koo, Jérusalɛm koo, wona; yé wo Mizambale lé plɛplɛ ye munu bélina.

WENÉNÉ LÉ LUK A GYE (Évangile selon Luc) 5:22

Wenu lé wa bɔrɔna wo bɔn gi, Jézu a dɔɔ aan wo é kun wefele ma wo lɛ yé é léé: Mɛmalé bɔn‐in bɔrɔle ’konu ke ka gii?

WENÉNÉ LÉ LUK A GYE (Évangile selon Luc) 7:49

Munu lé wo ke fɛblele zi a va, wo kun wefele ma wo bli gi léé: De ɛ ke mi ’ko nya yé é mi ma we voo?

WENÉNÉ LE JAN A GYE (Évangile selon Jean) 10:33

Juifinu lé a lɛ léé: Ko ’ka gɔlɛ vulina i va nyanama zin lé we ma lo; naa, i Kazambale sɔnɔ yé bii lé i ke mi nya, i ’ibo kɛlɛ Bale nya, amalé ko gɔlɛ vulian i va.

Rom munu 8:33

Munu lé Kazambale wo si a va ézé nya, de ɛ dan we dɔ lɛ wo nwiin? Kazambale ɛ mi kɛla tegele.