WENÉNÉ LÉ LUK A GYE (Évangile selon Luc) 4:6 - Kazambale lé Sebe Sauunu 1979

⁶ yé é léé: Plɛplɛ ’ko faa koo, bɛntɛrɛ ’konu lé fua koo, maa dan a nɔ lɛ i lɛ; wo wo nɔ an lɛ, yé mian é sɔ an lɛ léé, maa wo nɔ a lɛ, azan lɛ lé, maa wo no.

WENÉNÉ LÉ LUK A GYE (Évangile selon Luc) 4:6 ပူးပေါင်းရင်းမြစ်များ

Esitɛɛ 5:11

Aman élé fua tɔbɔle lé we fe wo lɛ, é benu ’léé fe, we faa lé minwiinzan blɛn a kɛlɛ a lɛ a tɔ nwale nya bɛ, é ’bɛ fe, yé dɔna lé minwiinzan blɛn a nɔ a lɛ, ’té é mini tɔzannu valé ’bɛ leemunu ta bɛ, é ’bɛ fe wo lɛ é ziin.

Ézai 23:9

Lai sunyanu lé Gakelebale ɛ fe, fɛ faa lé woo bié, wolé boblɛn yigale we gi, tɛrɛ la mi blɛnnu faa kɛlɛle kiéné we ma.

Ézai 5:14

Bɛwemalé gamunu nyanana é dan é lɛ so lɛ, ’té éé ’léé blé; yé Siɔn lé we blɛnblɛnnu valé alé fuafɛnu koo, mi gu lé wo vun ke wena, ’té wo gi éé nanaan, wo koo, wo dan zun lɛ a gi.

WENÉNÉ LÉ LUK A GYE (Évangile selon Luc) 4:7

Amalé dé i dia i bli la an ’lɛ, wo faa é dan kɛlɛ lɛ izé nya.

WENÉNÉ LE JAN A GYE (Évangile selon Jean) 12:31

Sin, tɛrɛlamunu lé weblebléyi bɔ yé wo dan tɛrɛ ’ko nwiinzan vuli lɛ béera.

WENÉNÉ LE JAN A GYE (Évangile selon Jean) 14:30

Maa ’ka dan we kiɛre fe lɛ ka lɛ é dɛrɛ lo. Tɛrɛlamunu nwiinzan blɛn a dana yé an kunmawe ’ka a gi lo.

WENÉNÉ LE JAN A GYE (Évangile selon Jean) 8:44

Ka ti a yonufaatagɔné nya, yé é sɔ ka lɛ léé, ka ka ti lé blibɔmawe kɛlɛle lɛ sɔɔ. A pélisia bléyi va fɔɔ kyɔ é a migyɛzan nya yé é ’ka dɔa wezen zuo lo. Wezen ’ka a gi lo, ’bɛzama. É a viéwozan nya, yé é a vié faa ti nya, bɛwemalé dé é a vié wona, ’té é a ébo dére vɔna.

2 Korɛnt Munu 11:14

Yé ’bɛ ’ka givuruwe nya lo; Satan bozen é ébo ma nɔlaan Bale lé lanje zo.

Éfez munu 2:2

’bɛ bléyi va ’té ka tawoo wo gi, ’té ka tawoo tɛrɛlamunu lé tawobɛ nya, ’té ka tawoo plɛplɛ lé ke la worona, a nwiinzan yɛrama, yee ɛ ke léli lé é ke nyanama pana sin tɔnégiplɛplɛzannu nya, a nya.

1 Piɛri 1:24

Naa, Mi faa a bélé lu zo, Yé mi lé fua faa a bélé lu vwi zo, Lu éé gaan yé a vwi éé diaan,

1 Jan 5:19

Kaa a gi dɔɔ léé, kaa a Kazambale zé nya, yé tɛrɛlamunu faa a Satan lé plɛplɛ wuo.

Wegɔɔnle 12:9

Dragɔn blɛn, méné kwakwa lé wa laama yonufaatagɔné valé Satan, ’té éé tɛrɛlamunu faa saan bɛ, wa vuli tɛrɛ va, yee valé élé lanjenu nya.

Wegɔɔnle 13:2

Wi lé maa a ye, é a bélé kua zo; yé a ganenu a bélé wi blɛn urisi gane zo, yé a ’léé a bélé golizra ’léé zo. Dragɔn lé plɛplɛ koo, alé webleblin koo, alé se blɛn koo, é wo nɔ wi lɛ.

Wegɔɔnle 13:7

Wa se kɛlɛ a lɛ léé, ’é guli dan Kazambale lé munu va yé ’é wo kele. Yé bɛn faa koo, migɔnɔ faa koo, dére faa koo, bɛntɛrɛ faa koo, Bale a pla wo nwiin.