WENÉNÉ LÉ LUK A GYE (Évangile selon Luc) 4:18 - Kazambale lé Sebe Sauunu 1979

¹⁸ Mizambale Léli a maa ta Yé é nyɔnɔ zén an nwiin anlé wenéné fele nyanégyɛmunu lɛ we gi; É an pa zia munu lé blikyɛdɔwe blɛn bɔ wo ma, wo va, wo bélile koo, Luugimunu vole woboma valé Yuɛwiimunu yuɛ fuole koo, Munu lé woo yaan wo ta, wo vole woboma valé

WENÉNÉ LÉ LUK A GYE (Évangile selon Luc) 4:18 ပူးပေါင်းရင်းမြစ်များ

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

2 Minwiinmunu lé Wezuofe Sɛbɛ 34:27

Mi guru zana a gi dére valé bale pa mi ma dére lé maa a fe tɛrɛ ’ko valé a tamunu ma, bé ’ma aan wo, i bli kyɛ dɔ yé i ibo kɛlɛ kiéné Bale ’lɛ; i ilé sɔnu fia yé i wuvɔ an ’lɛ, bɛwemalé maa é ziin, maa ’ma. Yee lé Gakelebale a fe.

Lɛrɛvɔ Sɛbɛ 102:20

Naa, Gakelebale a élé fɛna sauun lé é ke la gi loru baa bɛ, ana, ’Té éé tɛrɛ la naginian,

Lɛrɛvɔ Sɛbɛ 147:3

Munu lé wo bli kyɛ dɔ é baba, éé fu vɔa wo bli ma, Yé éé wo tuonanu paan.

Lɛrɛvɔ Sɛbɛ 2:2

Mɛmalé tɛrɛ la minwiinzan blɛnnu éé nwaan ’Té mi blɛnnu woo péli vɔa wo va do Gakelebale valé élé nyɔnɔzénnwiinzan maa?

Lɛrɛvɔ Sɛbɛ 2:6

’Té éé a fé léé: Maa ɛ nyɔnɔ zén anlé minwiinzan blɛn nwiin, Siɔn, gɔblɛn sauun nwiin.

Lɛrɛvɔ Sɛbɛ 34:18

Dé mi tegelenu siaa, Gakelebale a maan, Yé éé wo sié wolé kleblelenu faa gi.

Lɛrɛvɔ Sɛbɛ 45:7

Baleoo, Bale, wo ’ka dan ilé webleblin si lɛ i lee monomono lo; Ilé pla mi nwiin soowolivwii a we tegele vwii nya.

Lɛrɛvɔ Sɛbɛ 51:17

Mizan, ’i an ’léé fuo, Yé an dan i tɔ zin fele zana dɔɔ lɛ.

Ézai 32:3

Munu lé woo fɛna yé wo yuɛ nya, gunu ’ka dan dɔra lɛ wo yuɛi é dɛrɛ lo, yé munu lé wo tɔné éé we maan, wo dan ’wo tɔné dɔ lɛ flee.

Ézai 35:5

Yé yuɛwiimunu yuɛ é dan fuo lɛ, Yé tɔnéwiimunu tɔné é dan fuo lɛ;

Ézai 42:7

Yuɛwiimunu yuɛ fuole koo, Luugimunu sile bokɔn gi koo, Munu lé woo nyanaan gunuti va bwati gi, wo bɔrale a gi koo, ’bɛ faa we ma.

Ézai 45:13

Maa ɛ Sirus nwa ka sole we lee we ma, Yé maa dan alé zinu faa ta bɔ lɛ ékema; É dan anlé fla pa lɛ é ziin, yé anlé munu lé wo ke luu gi, é dan wo vo lɛ woboma, ’Té maa ’ka wo tabofɛ valé wo ma blɛ kɛlɛ lɛ lo. Lai sunyanu lé Gakelebale ɛ fe.

Ézai 49:9

Yé i dan a fe lɛ luugizannu lɛ léé: ’Ka bɔra, Yé munu lé wo ke gunutinu va, i dan a fe lɛ wo lɛ léé: ’Ka bɔra a gi. Wo dan fɛ ble lɛ zinu ta, Yé wo dan fɛblele ye lɛ gɔpanénu faa nwiin.

Ézai 50:4

Mizan Gakelebale é dére néné nɔ an lɛ, léé, Mi lé a fuu si a ta, an bɔ a va an dére nya; Éé an tɔné lɛ soo bladi faa do do ma, Léé, maa tɔné dɔ we lɛ bélé mizuo?-?zan zo.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Ézai 59:21

Gakelebale léé: An dan gi pa lɛ wo va ’ko zo: An Léli lé ke ka ta, ’bɛ valé an dére lé maa pa ka ’léé, wo ’ka dan si lɛ ka ’léé lo, wo ’ka dan si lɛ kalé nénu ’léé lo, wo ’ka dan si lɛ ka nénénu ’léé lo; é sia bléyi ’ko va, fɔɔ a glɛ ’ka lo. Gakelebale ɛ fe.

Ézai 61:1

Mizan Gakelebale Léli a an ta, Naa, Gakelebale an suu nyɔnɔ nya, anlé wenéné fele we tɔntɔn?-?bɔmazannu lɛ we ma. É an pa zia, munu lé blikyɛdɔwe blɛn bɔ wo ma, wo bélile we ma; A fele luugimunu valé bokɔngimunu lɛ léé, Wo vo woboma.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Sofoni 3:12

Migɔnɔ kiéné lé wobo kɛla kiéné, ’té woo yɔɔna yé Gakelebale tɔ gi bɛ, maa dan wo vo lɛ ka va.

Zakari 11:11

Maa ’bɛ sɛrɛ ’bɛ yi la, yé nyanaizénla ’blanu lé wo yuɛ vo an va bɛ, wa gi dɔɔ ’bɛ zo léé, Gakelebale dére lé.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Matio 11:5

yuɛwiizannu a yɛrɛ yena, tunbozannu a tawona, pantɛn a sina pantɛngyɛmunu ma, tɔnéwiizannu a we ’mana, gazannu a nwana gale va, yé wa wenéné fena nyanégyɛzannu lɛ.

Matio 12:18

An wuozan lé maa a si a va, yee le ke ’ko. Yee ɛ sɔ an lɛ kaii, yé alé we an gi nanaan. An Léli é dan vɔ lɛ a ta, Yé é dan we tegele fe lɛ bɛn bɛnu lɛ.

Matio 12:20

É ’ka dan gyan yélile ’wii lɛ lo, Kyɛbɔ bale lé a goi ke dɔna, é ’ka dan a diri lɛ lo, Fɔɔ yé é we ’wuo vo we tegele lɛ,

Matio 4:16

Munu ’ko, wa é nyanale gunutinu va yé wo san blɛn ye; Yé wo lé wo ke é nyanale ga furɔ wuo, ga tɛrɛ la, san nwɛɛn wo ta.

Matio 5:3

Munu lé wo ’ka ’wobo yé ’wo bli gi mi nya lo, wa bɛan ’bɛ gi bɛ, ’bɛ a é zima wozé nya, naa, Kazambale a é plale wo nwiin.

WENÉNÉ LÉ LUK A GYE (Évangile selon Luc) 4:17

yé wo balelayezan Ézai lé sɛbɛ nɔ a lɛ. É sɛbɛ fuo yé fɛana lé we ’ko ke é gyɛle, é ana ye; é a ta fe léé:

WENÉNÉ LÉ LUK A GYE (Évangile selon Luc) 6:20

Yé Jézu é yuɛ vɔ é zuomunu ta yé é léma: ’Kaa nyanégyɛmunu, ka a bɛan ’bɛ gi bɛ, ’bɛ a é zima kazé nya, naa, Kazambale a é plale ka nwiin.

WENÉNÉ LÉ LUK A GYE (Évangile selon Luc) 7:22

Yé é lé wo lɛ léé: ’Ka go yé wenu lé ka wo ye yé wenu lé ka wo ’ma, ’ka wo zuo fe Jan lɛ, léé: Yuɛwiizannu a yɛrɛ yena, tunbozannu a tawona, pantɛn a sina pantɛngyɛzannu ma, tɔnéwiizannu a we ’mana, gazannu a nwana gale va, yé wa wenéné fena nyanégyɛzannu lɛ.

WENÉNÉ LE JAN A GYE (Évangile selon Jean) 1:41

Dé é si Jézu va é go é bwe Simɔn va tegelee, yé é lé a lɛ léé: Ko Mɛsi ye, ’bɛ gi léé, Krist.

WENÉNÉ LE JAN A GYE (Évangile selon Jean) 12:46

Maa ɛ ke san nya, yé maa ɛ da tɛrɛ la léé, dé miomian bli vo an lɛ, é ’ka vo gunutinu va lo.

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

Kelewenu 10:38

Kazambale Léli Sauun valé plɛplɛ zén Nazarɛtzan Jézu ta fɛan zo, ka ’bɛ gi dɔɔ. Kazambale a Jézu va, amalé é gié flanu ta wezin kɛlɛle valé munu lé wo ke é plale yonufaatagɔné wuo, wo faa bélile nya.

Kelewenu 26:18

Maa a i nwunvɔna wo va wo yuɛ fuole we gi, yé ’wo si gunutinu va, yé ’wo nɔla san va, yé ’wo si é ziin Satan lé plɛplɛ wuo yé ’wo nɔla Kazambale va yé wo bli ’é vo an lɛ, yé maa wo ma we vo wolé wenyanénu ma, yé ’wo tɔnɔ ble Kazambale lé munu va.

Kelewenu 4:26

Tɛrɛ la minwiinzannu nwa yé tɛrɛzannu ’wo péli vɔ do Mizambale valé élé nyɔnɔzén?-?nwiinzan ma.

Kelewenu 4:27

Wezen lé, Érɔd koo, Pɔns Pilat koo, bɛnnu koo, Izraɛl munu koo, wo faa ’wo péli vɔ do fla ’ko la i wuozan sauun Jézu ma, ’té bii nyɔnɔ zén a nwiin bɛ, a ma,

Kolɔs munu 1:13

É kaa si gunuti lé plɛplɛ wuo, yé é kaa pla é sɔlɛbe wuo.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.