WENÉNÉ LÉ LUK A GYE (Évangile selon Luc) 3:11 - Kazambale lé Sebe Sauunu 1979

¹¹ É lé wo lɛ léé: Mi lé sɔ fié ke a lee, ’é a do nɔ mi lé sɔ ’ka a lee lo, ’bɛzan lɛ; yé mi lé blefɛ ke a lee, a zo duo lé ’bɛ ézé kɛlɛ.

WENÉNÉ LÉ LUK A GYE (Évangile selon Luc) 3:11 ပူးပေါင်းရင်းမြစ်များ

Ézékiɛl 18:7

’té é ’ka yaan mi ta lo, ’té mi bɛ bɛfɛ ’ka voo a lee lo, ’té é ’ka glawe kɛla lo, ’té éé fɛblele no lɔrɔgyɛzan lɛ, yé ’té éé sɔ zén‐é mi porole ta, ’té é ’ka vɛɛn paan mi ma ézé tɔnɔ yele we ma lo,

Daniɛl 4:27

Bɛwemalé, minwiinzan blɛn, anlé we plale i lɛ ’é sɔ i lɛ ma. ’I daan ilé wenyané kɛlɛle ma; ’i we tegele kɛlɛ. ’Ilé weplenu vo yé i nyanai ’é zén nyanaizénlazannu ta; dé bé kɛlɛ a zo, i dan vo lɛ zin yena.

Matio 25:40

Maa minwiinzan é dan a zi pa lɛ wo lɛ léé: Maa lé ka lɛ webozen nya léé, yi faa‐an nya lé ka we ’konu kɛlɛ an zuané kiiénénu va mi do lɛ, ka a kɛlɛ maa ɛ lɛ.

WENÉNÉ LÉ LUK A GYE (Évangile selon Luc) 11:41

Fɛ lé é ke kana gi, ’ka blɛ kɛlɛ nyanégyɛmunu lɛ a nya yé fɛnu faa gi é dan bɔ lɛ ka lɛ.

WENÉNÉ LÉ LUK A GYE (Évangile selon Luc) 18:22

Jézu ’bɛ ’ma aan wo yé é lé a lɛ léé: Ilé we do vo é ziin. ’Ilé fɛnu faa dan, yé bé mafɛ guli nyanégyɛmunu ma, yé i dan fɛwezan ye lɛ la gi. Dé i nyaa a nya faa ’i da an zuo.

WENÉNÉ LÉ LUK A GYE (Évangile selon Luc) 19:8

Naa, Zasé dɔ Mizan ’lɛ yé é lé a lɛ léé: Mizan, maa dan anlé fuafɛ lɛ do nɔ lɛ nyanégyɛmunu lɛ, yé dé maa mian kyeenwo, maa dan a lɛgi nɔ lɛ a lɛ gɔnɔ ziɛn.

WENÉNÉ LE JAN A GYE (Évangile selon Jean) 13:29

Gɔɔlipabala a Judas lee, bɛwemalé é dɔ mi kenu gi léé, Jézu lé a lɛ é wo léé: Fɛ lé ko mawe ke a gi fɛti zé nya, bé lɔ; taa, dé é lé é wo a lɛ lee, ’é fɛ nɔ nyanégyɛzannu lɛɛ?

Kelewenu 10:2

Mi ’ko a Bale lé zisɔlɛzan nya, yé yee valé élé kɔngimunu faa éé kanaan Bale lee. Éé blɛ kiɛre kɛla nyanégyɛmunu lɛ, ’té éé bazoroan Bale lɛ yifaama.

Kelewenu 10:31

Kɔɔnéi, Bale ilé bazorole ’ma yé ilé blɛ kɛlɛle sele dɔ Kazambale gi.

Kelewenu 10:4

É ’bɛ nagini téiin kana nya é gi yé é léé: Anzan, mɛ léé? Yé lanje lé a lɛ léé: Kazambale ilé blɛ kɛlɛle ye yé é ilé bazorole ’ma, yé wo i sele dɔ a gi.

Éfez munu 4:28

Mian é kyeenwo é kyɛn, té é kyeenwo é dɛrɛ lo; naa, ’é nyanama pa yé ’é wezin kɛlɛ é bɛnu nya, mi lé, a mawe ke fɛ do gi, fɛ nɔle ’bɛzan lɛ we gi.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

1 Timoté 6:18

’I we pla wo lɛ léé, ’wo wezin kɛlɛ; wo kɛlɛwe zinnu ’é kɛlɛ kiɛre kiɛre; ’wo kɛlɛ drɔɔkɛlɛzannu valé bɛ ma wolowolozannu nya.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

SEBE LÉ JAK A GYE (Épitre de Jacques) 1:27

Mi lé éé bɔa ti valé bugalanénu koo, gyɛzaralomu koo, wo va, wolé nyanéblele gi, ’té é ’ka tɛrɛlamunu lé mitiridɔwe kɛla lo, kaa Ti Bale yuɛ gi, ’bɛzan a bazorozi tegele boen ta tawona.

SEBE LÉ JAK A GYE (Épitre de Jacques) 2:14

An bwenu, mi lé é ke a fena léé, ’é bli a é pale, yé a kɛlɛwenu ’ka lo, ’bɛ tɔnɔ lé ke mɛ fɛ nyaa? ’Bɛ zo blipale éé bɔa a sile lɛ we gii?

1 Jan 3:17

Dé tɛrɛlafɛnu a mi do lee, yé é a ye léé, é bwe mawe a fɛ do gi yé é bli lɛ tan a ma, Kazambale va sɔlɛle a ’bɛzan gi kaa?

1 Jan 4:20

Dé mi do a fe léé, Kazambale sɔ ’é lɛ, yé a bwe za a a gi, ’té ’bɛzan a viéwona. A bwe lé éé ’bɛ yé, dé ’bɛ ’ka sɔa a lɛ lo, Kazambale lé é ’ka ’bɛ yé lo, ’té ’bɛ éé sɔa a lɛ kaa?