WENÉNÉ LÉ LUK A GYE (Évangile selon Luc) 24:44 - Kazambale lé Sebe Sauunu 1979

⁴⁴ A zuo yé é lé wo lɛ léé: Bléyian va lé maa ke yi la ka va, maa a fe ka lɛ léé, we lé wa gyɛ an ma we nya Moizi lé bélidɔwe koo, balelayemunu lé sɛbɛnu koo, lɛrɛvɔ sɛbɛ koo, wo gi, é a lé wo faa lɛ é sɔɔ. Yeean é kɛlɛ ’ko loo?

WENÉNÉ LÉ LUK A GYE (Évangile selon Luc) 24:44 ပူးပေါင်းရင်းမြစ်များ

Wepélisiananu 14:18

Salɛm mununwiinzan lé wa laama Mɛlkizédɛk, é da buru valé nwɛ nya. É a Lagibale banzan nya.

Wepélisiananu 22:18

I an dére lɛdɔma, amalé tɛrɛla bɛnnu faa drɔɔ é dan vo lɛ i kulu pli zi.

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

Lɛrɛvɔ Sɛbɛ 118:22

Gɔlɛ lé kɔndɔmunu sɔn vɔ a ma, É kɛlɛ kɔnsungɔlɛ nya.

Ézai 28:16

Bɛwemalé, Mizan Gakelebale léé: Ka ye, maa Siɔn gane vɔ gɔlɛ do nya. Wo gɔlɛ ’ko nagini, yé wa ye kɔnsungɔlɛ zin nya yé é a é vɔle gligli. Mi lé é gɔlɛ ’ko si ’é dɔlafɛ nya, é ’ka dan fwi lɛ lo.

Ézai 52:13

Ka ye, we faa nyian é dan wo lɛ an wuozan ma, É dan nwa lɛ, é dan kɛlɛ lɛ blɛn, é dan kɛlɛ lɛ blɛn é baba.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Jérémi 23:5

Gakelebale léma: Ka ye, a yinu é dan bɔ lɛ yé maa dan David punla nɛɛ lɛ mi tegele do nya yé é dan pla lɛ munu nwiin, yé fɛ kiɛre é dan nyian wo lɛ a ma, yé é dan we tegele valé we drɔle kɛlɛ lɛ tɛrɛ ’ko la.

Jérémi 33:14

Gakelebale léma: Ka ye, a yinu é dan bɔ lɛ yé dére zinnu lé maa a fe Izraɛl munu valé Judamunu ma, maa dan wo lɛ sɔɔ lɛ.

Ézékiɛl 17:22

Mizan Gakelebale léma: Maa, maa dan sɛdrɛyili blɛn do nwiin bɔi lɛ yé maa a pla; maa dan a bɛ boroné do bɔi lɛ a nwiin, yé maa dan a suru lɛ gɔ blɛn torole nwiin.

Ézékiɛl 34:23

Maa dan wo pa lɛ wo pazan do kpen lee, yee lé ke an leezan David nya. Yee ɛ dan wo pa lɛ, yé é dan kɛlɛ lɛ wo pazan nya.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Daniɛl 7:13

Yuɛziwenu lé maa wo ye é béli, maa a wo naginina aan wo, ’té mi do lé é ke bélé blami be do zo, ’té é dan latinu nya, yé é bié mi kwa lé ke yinu ’lɛ, a vazia, yé wa bié a sɔnɔ.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Zakari 12:10

Yé maa dan bli zin valé zantévɔ?-?bli vɔ lɛ David lé munu valé Jérusalɛm munu gi, yé maa lé wo an fɔn, wo dan ’wo yara nɔla lɛ an vazia. Yé wo dan an wuvɔ lɛ bélé néwɔlɛ do kpen wuvɔle zo, yé wo dan an wuvɔ lɛ kaii bélé né vininzan wuvɔle zo.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Zakari 14:4

’Bɛ yi nya a ganenu é dan dɔra lɛ ɔlivigɔ lé ke Jérusalɛm yara yirinwanazia, a nwiin, ɔlivigɔ fén é dan gyɛ lɛ é méléna, é sia yirinwanazia yé é bɔ yirivɔnazia yé a worona é dan kɛlɛ lɛ blɛn. Gɔ ’ko fee do é dan bié lɛ yirinwana bɛbolazia, yé a fee do é dan bié lɛ yirinwana bɛyilazia.

Zakari 6:12

Bé fe a lɛ léma: Lai sunyanu lé Gakelebale léma: Bé ye, mi do lé a tɔ ke mipunla, é dan nɛɛ lɛ élé fɛna, yé é dan Gakelebale lé kɔn dɔ lɛ.

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

Mi Nɔnɔle 21:8

Gakelebale lé Moizi lɛ léé: ’I méné suiɛ yaale foto kɛlɛ, yé bé dun yiliblan do ’léé; dé miomian méné suiɛ dɔ a ma, dé é méné foto ’ko nagini, é dan béli lɛ.

Mi Nɔnɔle 35:25

É a lé munu é migyɛzan si mi nyɛ lɛgipazan lee, yé wa pa zia é ziin yɔɔlafla lé é go a ta bɛ, ana, yé é vo ’bɛna fɔɔ yé Balebanmunu ’lɛzan lé wo Bale ’lɛnyɔnɔ zén a nwiin, yé ’bɛ é ga.

Matio 1:22

’Bɛ faa bɔ, dérenu lé Mizambale a fe balelayezan lɔlu nya, a lɛsɔɔle we gi. É léé:

Matio 16:21

É sia ’bɛ bléyi va, Jézu kun we gɔɔnle ma wo lɛ, yé é léé: É a lé an go Jérusalɛm, é a lé an nyané ble mi segelenu valé Balebanmunu segelenu valé sɛbɛgifemunu lee; é a lé wo an gyɛ yé yi fié a yaazan nya yé an nwa gamunu va.

Matio 26:54

Naa, dé maa kɛlɛ ’bɛ zo, Kazambale lé sɛbɛnu lé wo we ’konu fe wo gi, wo lɛ é dan sɔɔ lɛ kaa?

Matio 26:56

Naa, we ’konu faa bɔ, we lé balelayemunu a gyɛ Kazambale lé sɛbɛ gi, a lɛsɔɔle we ma. ’Bɛ zuo Jézu zuomunu si ’é zi vlan nya.

Maak 9:31

Yé é we paa é zuomunu gi, yé é lé wo lɛ léé: Wo dan maa blami Be pa lɛ munu lee, yé wo dan an gyɛ lɛ, yé dé wo an gyɛ faa, yi fié a yi yaazan nya an dan nwa lɛ é ziin.

WENÉNÉ LÉ LUK A GYE (Évangile selon Luc) 21:22

Naa, ’bɛ yinu é dan kɛlɛ lɛ we lɛgi pa yinu nya, we faa lé wa gyɛ sɛbɛ gi, a lɛsɔɔle we ma.

WENÉNÉ LÉ LUK A GYE (Évangile selon Luc) 22:37

Naa, maa lé ka lɛ léé, dére ’ko lé wa gyɛ sɛbɛ gi é a lé a lɛ é sɔɔ an nya; é léé: Wa nɔnɔ wenyanékɛlɛzannu va. An ma we lé wa gyɛ sɛbɛ gi, é vo sɛné yé a faa kɛlɛle lɛ é sɔɔ.

WENÉNÉ LÉ LUK A GYE (Évangile selon Luc) 24:46

Yé é lé wo lɛ léé: A zo lé wa gyɛ léé: Krist é dan nyané ble lɛ yé é dan nwa lɛ gamunu va yi fié a yaazan nya,

WENÉNÉ LÉ LUK A GYE (Évangile selon Luc) 9:22

Yé é we taa fe léé: É a lé maa blami Be, an nyané ble é baba; é a lé mi segelenu koo, Balebanmunu segelenu koo, sɛbɛgifemunu koo, wo sɔn vɔ an ma; é a lé wo an gyɛ yé yi fié a yaazan nya yé an nwa gamunu va.

WENÉNÉ LÉ LUK A GYE (Évangile selon Luc) 9:44

’Kaanu, ’ka tɔné dɔ we ’ko lɛ é zima ma: wo dan maa blami Be pa lɛ munu lee.

WENÉNÉ LE JAN A GYE (Évangile selon Jean) 3:14

Yé fɛan zo lé Moizi méné dun bwi gi, a zo duo lé é a lé wo maa blami Be dun é ziin,

WENÉNÉ LE JAN A GYE (Évangile selon Jean) 5:39

É a ka gi léé, vole é yuɛma lé a glɛ ’ka lo, a ’wuo a Kazambale lé sɛbɛ nya, amalé ka ke a gi kulina. Kazambale lé sɛbɛ ’ko, ’bɛ ɛ an gɔɔn‐an ka lɛ.

WENÉNÉ LE JAN A GYE (Évangile selon Jean) 5:46

Naa, Moizi anlé we gyɛ sɛbɛ gi, bɛwemalé dé ka a é pale Moizi ta weboen nya, ’té ka dan pa lɛ an dére ta é ziin.

Kelewenu 13:33

Kazambale a lɛ sɔɔ, kaa lé kaa ke wolé nénu nya, kaa lɛ, Jézu nwale gamunu va nya, we lé ke é gyɛle Lɛrɛvɔ sɛbɛ a kuru fiézan gi, a yɛrama; wo léé: Bii ɛ ke an be nya. Maa i yaa kyɔ.

Kelewenu 13:40

Bɛwemalé ’ka yuɛ pa kabo va, we lé wa gyɛ balelayemunu lé sɛbɛ gi, dé é da bɔ ka ma; wo léé:

Kelewenu 2:27

Naa, i ’ka dan an boen vo lɛ gamunu nyanana lo, Yé i ’ka dan dɔ lɛ a nyi wuo léé, ilé Mi Sauun é vɔn lo.

Kelewenu 3:18

Naa, wenu lé Kazambale a fe é kyɛn élé balelayezannu faa lɔlu nya léé, é a lé ’élé Krist é nyané ble, ’ko zo lé é a faa lɛ sɔɔ.

Kelewenu 7:37

Moizi ’ko ɛ we fe Izraɛl benu lɛ léé: Kazambale é dan mi do nwa lɛ ka lɛ ka bwenu méléna balelayezan nya bélé ’yee zo.

Ébrunu 10:1

Bélidɔwe a bélé fɛfoto zo. Mi ’ka tɛlɛ tɛlama wezin boen yé a gi lo. Bélidɔwe ɛ fe léé, ’wo sarakanu duo bo lɛɛ do do faa ma, naa, munu lé woo Kazambale bɔa ’bɛ zo, bélidɔwe ’ka gun sié wo ma lo.

Ébrunu 3:5

Naa, Moizi kɛlɛ yarapawelazan nya Kazambale lé kɔn faa gi bélé miwuozan zo, yé we lé Bale é dan a fe lɛ, é kɛlɛ a gi wenayezan nya;

Ébrunu 7:1

Mɛlkizédɛk ’ko, é a Salɛm munu nwiinzan nya, yé é a é ziin Bale lé é ke lagi loru, a banzan nya. Bléyian va lé Abraam si minwiinzannu kelena guli ma, Mɛlkizédɛk go a si lɛ zia yé é a drɔɔ vo.

Ébrunu 9:8

We ’ko nya Léli Sauun a gɔɔn léé, bléyian va lé sɔkɔn vininzan ke é dɔle, ’té fɛna sauun tinle lé zi lɛ ’ka tan so lɛ lo.

1 Piɛri 1:11

Krist lé nyanéblelenu valé fua lé é dan a ble lɛ ’bɛ zuo, Krist Léli lé ke balelayemunu gi, é a ’bɛ gɔɔnna aan wo wo lɛ a bléyi ’lɛ, amalé wo kwa kuli léé, wa kɛlɛbléyi valé a ma we kénékénénénu faa dɔɔ.

Wegɔɔnle 19:10

Yé maa dia a gane ma a bɔle we gi, naa, é lé an lɛ léé: Té bé kɛlɛ lo. Bii valé i bwenu lé woo Jézu lé we fé, maa a ka vazan do nya. ’I Kazambale ɛ bɔ. Jézu lé we a balelawefele pun nya.