WENÉNÉ LÉ LUK A GYE (Évangile selon Luc) 22:20 - Kazambale lé Sebe Sauunu 1979

²⁰ A zo duo lé dé wo fɛ ble faa é ’yiminikana si yé é a nɔ wo lɛ a fele nya léé: Fɛ lé ke ’yiminikana ’ko gi, an nyɛ lé; é a gipawe dɛrɛ dɔ plɛplɛ nyɛ lé é zana kalé we gi, a nya.

WENÉNÉ LÉ LUK A GYE (Évangile selon Luc) 22:20 ပူးပေါင်းရင်းမြစ်များ

Fwile 24:8

Moizi nyɛ si yé é a nwɛɛn munu ta a fele nya léé: Gipawe lé Gakelebale a kɛlɛ ka va dére ’konu faa yɛrama, a dɔ plɛplɛ nyɛ lé ke ’ko.

Jérémi 31:31

Gakelebale léma: Ka ye, a yi é dan bɔ lɛ, yé maa dan gipawe dɛrɛ do kɛlɛ lɛ Izraɛl valé Juda munu va.

Zakari 9:11

Bii Izraɛl, gipawe lé é ke é dɔle gligli nyɛ nya, Alé we ma lé maa dan ilé luugimunu si lɛ guru lé ’yi ’ka a gi lo, a wɔlɛ ma.

Matio 26:28

naa, é a an nyɛ nya; gipawe dɔ plɛplɛ nyɛ lé é zana mi kiɛre lé we ma, wo ma we vole wolé wenyanénu ma we gi, yee lé.

Maak 14:24

Yé é lé wo lɛ léma: Fɛ ’ko, an nyɛ lé. Gipawe dɔ plɛplɛ nyɛ lé é zana mi kiɛre lé we ma, yee lé.

1 Korent munu 11:25

’Bɛ zo duo lé, fɛblele zuo, é ’yiminikana si yé é léé: Fɛ lé ke kana ’ko gi, an nyɛ lé é gipawe dɔ plɛplɛ, yee lé. Dé ka a fɛ minina a gi yian nya, ’ka we ’ko kɛlɛ an sele dɔle ka gi we ma.

2 Korɛnt Munu 3:6

Yé é bɔ ko va é ziin yé ko bɔ kɛlɛle lɛ gipawe dɛrɛ gi nyanamapazannu nya léli yɛrama, naa, sɛbɛ yɛrama kaan lo; sɛbɛ éé fɛ gya, yé Léli éé fɛ bélié.

Ébrunu 12:24

Jézu lé é ke gipawe dɛrɛ gizan nya, yee koo, Jézu nyɛ lé é nwɛɛn yé a zuowe fila vɔ é mini Abɛl zé ta bɛ, yee koo, wo sɔnɔ lé ka ke é biéle.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,

Ébrunu 9:15

We ’ko ma lé Krist kɛlɛ gipawe dɛrɛ gizan nya; wenyanénu lé munu a kɛlɛ bléyian va lé wo ke gipawe vininzan va, é ga wo sile wo lee we gi, munu lé Bale wo laa, tɔnɔ lé é ’ka nyaan lo, ’té Bale a fe léé, é dan a nɔ lɛ wo lɛ bɛ, wolé a blele we gi.

Ébrunu 9:17

Woo zaragulisɛbɛ la we kɛla mi gale zuo; dé sɛbɛgyɛzan ’ka tan ga lɛ lo, ’té yee sɛbɛ tawe lɛ ’ka tan sɔɔ lɛ lo.