WENÉNÉ LÉ LUK A GYE (Évangile selon Luc) 22:19 - Kazambale lé Sebe Sauunu 1979

¹⁹ ’Bɛ zuo, é buru si, yé Bale bɔvɔle zuo é a bɔi yé é a nɔ wo lɛ a fele nya léé: An kɔlɛ lé maa a nɔ kalé we ma, yee lé ke ’ko. ’Ka we ’ko kɛlɛ an sele dɔle ka gi we ma.

WENÉNÉ LÉ LUK A GYE (Évangile selon Luc) 22:19 ပူးပေါင်းရင်းမြစ်များ

Lɛrɛvɔ Sɛbɛ 111:4

A kɛlɛwe blɛnblɛn sele a munu gi, Gakelebale nyanai éé zén‐é yé é mi mawe dɔɔ.

Wegɔné Ma Lɛrɛ 1:4

’I an sia ana yé ’an go i zuo; ’ko vlanburu. Minwiinzan blɛn go an nya ’é yiana. Ko gi vo drɔɔ ékeva; yé ko gi nana é baba ilé we ma; Ko sɔle i lɛ tɔ éé bɔa é mini dɔrɔ ta. I sɔle ko lɛ yara lé.

Ézékiɛl 37:11

É lé an lɛ léma: Blami be, mi wɔlɛ ’konu a Izraɛl munu faa nya. Bé ye, wo léé, ’wo wɔlɛnu a é gale, ’wo bli ’ka we lɛ é dɛrɛ lo, ’wa é sanle.

Ézékiɛl 5:5

Mizan Gakelebale léma: Jérusalɛm lé maa a pa bɛnnu méléna tɛrɛnu guru la, yee lo.

Daniɛl 2:38

blaminu koo, bwi gi winu koo, lagi mianénu koo, dé wa fɛofɛana, é wo bɛ pa i lee, yé é i pla wo faa nwiin. Bii ɛ ke miyili ’wuo lé ke kyan nya, a nya.

Matio 14:19

Yé é lé mi gu lɛ léé: ’Ka nyana lu ta. Yé é buru soru valé pɔ fié si, yé é yara nwa lagi zia yé é Kazambale bɔ vɔ. Yé é buru bɔi yé é a nɔ é zuomunu lɛ, yé wa guli mi gu ma.

Matio 15:36

Yé é buru sɔrafié valé pɔnu si yé é Kazambale bɔ vɔ, yé é a bɔi yé é a nɔ é zuomunu lɛ, yé wa guli mi gu ma.

WENÉNÉ LÉ LUK A GYE (Évangile selon Luc) 22:17

É ’yiminikana do si aan wo, é Bale bɔ vɔ yé é léé: ’Ka kana ’ko si yé ’ka a gifɛ guli ka ke ma;

WENÉNÉ LÉ LUK A GYE (Évangile selon Luc) 22:20

A zo duo lé dé wo fɛ ble faa é ’yiminikana si yé é a nɔ wo lɛ a fele nya léé: Fɛ lé ke ’yiminikana ’ko gi, an nyɛ lé; é a gipawe dɛrɛ dɔ plɛplɛ nyɛ lé é zana kalé we gi, a nya.

WENÉNÉ LÉ LUK A GYE (Évangile selon Luc) 24:30

Bléyian va lé wa fɛblele zi Jézu buru si; yé dé é Bale bɔ vɔ é a bɔi yé é a nɔ wo lɛ.

WENÉNÉ LE JAN A GYE (Évangile selon Jean) 6:23

Naa, ’yitagoro bɛnu si Tibériad yé fɛana lé munu buru ble Mizan lé Bale bɔvɔle zuo, wo bɔ ’bɛna sɔnɔ;

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

1 Korent munu 10:16

Jézu nyɛ tɔmase miniégikana lé éé kaa drɔɔ voo bɛ, ’té kaa Bale bɔ vɔa alé we ma bɛ, dé kaa fɛ mini a gi, ’té kaazé ’ka Krist nyɛ va loo? Buru lé kaa a bɔié bɛ, dé kaa blé, ’té kaazé ’ka Krist kɔlɛ va loo?

1 Korent munu 10:4

yé Balenɔyi lé wo faa a mini. Balenɔgɔlɛ lé é tawo wo zuo, a gi ’yi lé wo faa a mini. Yé gɔlɛ ’ko a Krist nya. Bwenu, we ’ko sele ’é dɔ ka gi ma.

Galasi munu 1:4

Naa, Krist ébozen nɔ kaalé wenyanénu ma, kaa sile bléyi nyané ’ko gi we ma. É ébo nɔ kaalé wenyanénu ma kaa Ti Bale lé blibɔmawe nya.

Galasi munu 4:25

Naa, Agaa ’ko, é a Sinai gɔ nya Arabi tɛrɛ la. Jérusalɛm lé é ke ana sin, é a ’bɛ tɔmase nya. Yee valé élé nénu a luunu nya ’bɛna.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

1 Tɛsalɔnik munu 5:18

Wean é sɔ Kazambale lɛ léé, ka a kɛlɛ Jézu Krist gi, yee lé ke ’ko: ’ka Kazambale bɔ vɔ we faa gi.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.