WENÉNÉ LÉ LUK A GYE (Évangile selon Luc) 21:6 - Kazambale lé Sebe Sauunu 1979

⁶ A yi é dan bɔ lɛ yé kɔnnu lé ka wo yé, wolé gɔlɛ lé é dan vo lɛ é ke ta, ’té wo ’ka dan ’bɛ zana lɛ lo, ’bɛ gɔlɛ ’ka lo.

WENÉNÉ LÉ LUK A GYE (Évangile selon Luc) 21:6 ပူးပေါင်းရင်းမြစ်များ

Jérémi 26:18

Juda nwiinzan Ézékia bléyi va, Morésɛt zan Misé balelawe fe Juda munu faa lɛ léé: Lai sunyanu lé Gakelebale léma: Wo dan Siɔn fun‐an lɛ bélé bwi zo, Jérusalɛm é dan kɛlɛ lɛ é ’bin nya, Yé gɔ blɛn lé wo Bale lé kɔn dɔ a nwiin bɛ, pɔrɔ é dan kɛlɛ lɛ ana.

Jérémi 26:6

’té wean maa kɛlɛ Silo lɛ, yee duo lé maa dan a kɛlɛ lɛ munu ’ko lɛ, yé maa dan fla ’ko kɛlɛ lɛ balepama fla nya tɛrɛla bɛnnu faa yuɛ gi.

Jérémi 26:9

Mɛmalé i balelawe fe Gakelebale tɔ gi léé: Kɔn ’ko é dan kɛlɛ lɛ bélé Silo zoo? yé wo dan fla ’ko guru zana lɛ a gi, té mi do kpen ’ka dan vo lɛ ana loo? Munu faa zén ékeva Jérémi zi, Gakelebale lé kɔn gi.

Jérémi Lé Wuvɔ Sɛbɛ 4:1

Yé ’té mɛ léé? Kyan ’ka bié nyananyana é dɛrɛ lo; Wo kyan tegele vɔɔ fɛ bɛnu nya. Wo fɛna sauun lé gɔlɛnu fwila Yé wo wo nwɛɛn zi blannu faa ta.

Jérémi Lé Wuvɔ Sɛbɛ 5:18

Yee lé ke léé, Siɔn kɛlɛ é ’bin nya, ’Té gwenu éé bɔrɔwoo ana.

Misé 3:12

Bɛwemalé, kalé we ma lé wo dan Siɔn kuu lɛ bélé féi bli zo; Jérusalɛm é dan kɛlɛ lɛ gɔlɛzun nya, yé pɔrɔ é dan vɔ lɛ Balekɔn dɔna gɔ nwiin.

Zakari 11:1

Liban‐oo, ’i zi nɔ munu lɛ Yé kyɛ ’é ilé sɛdrɛyilinu ble ma.

Zakari 14:2

Maa dan bɛngɔnɔnu faa zén lɛ ékeva, yé wo guli dan Jérusalɛm va. Wo dan fla ’ko si lɛ, wo dan kɔnnu gi puo lɛ, yé wo dan zɔwɛ gyɛ lɛ ana lomu ta. Flamunu lɛ do é dan go lɛ luu gi, naa, wo ’ka dan a pɔnénu gyɛ lɛ lo.

Matio 24:2

É lé wo lɛ léé: Ka ’bɛ faa yee? Wo va gɔlɛ lé é dan vo lɛ é ke ta ’té wo ’ka dan ’bɛ zana lɛ lo, ’bɛ gɔlɛ ’ka lo. Maa fe ka lɛ.

Maak 13:2

Jézu lé a lɛ léé: I kɔn blɛn ’konu yee? Wo va gɔlɛ lé é dan vo lɛ é ke ta, ’té wo ’ka dan ’bɛ zana lɛ lo, ’bɛ gɔlɛ ’ka lo.

WENÉNÉ LÉ LUK A GYE (Évangile selon Luc) 21:7

Wa laa a lee léé: Kozan, ’bɛ é dan bɔ lɛ mɛ yi laa? We ’konu pélisiale tɔmase a mɛ fɛ nyaa?