WENÉNÉ LÉ LUK A GYE (Évangile selon Luc) 21:34 - Kazambale lé Sebe Sauunu 1979

³⁴ ’Ka yuɛ pa kabozen va, dé ka zuru bɛn é da dɔ fɛblele kiɛre koo, nwɛ tanle koo, tɛrɛ la gibɔrɔlenu koo, wo nya, yé ’bɛ yi é bɔra ka ma fiaa bélé pɔgyɛséli zanale zo pɔnu ta;

WENÉNÉ LÉ LUK A GYE (Évangile selon Luc) 21:34 ပူးပေါင်းရင်းမြစ်များ

Wepélisiananu 19:32

’I da, ’ko nwɛ nɔ ko ti lɛ yé é a mini, yé ko yi gyɛ a va, yé ko ti kulu ’é kɛlɛ.

Wepélisiananu 19:35

Wo nwɛ nɔ wo ti lɛ é ziin ’bɛ yi nya é béli, yé a lu voélazan go yi gyɛ lɛ a va; yé a ti ’ka we do kpen dɔɔ lɛ a yiale valé a nwale we gi lo.

Wepélisiananu 27:14

Jakɔb go wo si lɛ yé é da wo nya é bu lɛ, yé a bu a ti sɔlɛzian dɔne.

Lɛrɛvɔ Sɛbɛ 35:8

’Wo ga za ma ma, ’té wo ’ka we do dɔɔa a gi lo, Yé séli lé wa vɔ, ’é wo kun ma. ’Wo dia a gi yé ’wo ga za ma ma.

Wegɔnévɔlenu 21:4

Mi ginile é yuɛ zuo valé bliile blɛn ɛ ke mi naané lé kyɛbɔ nya, é a wenyané saa nya.

Wegɔnévɔlenu 23:20

Té i vɔ nwɛminizannu worona lo, ’bɛ valé munu lé woo wi kiɛre blé, wo worona lo;

Bale Lé We Gifezan 9:12

Blami ’ka ézé bléyi dɔɔa lo, é a bélé pɔnu lé woo wo gya séli nya, wo zo, bélé mianénu lé woo wo kunwo san nya, wo zo; blami kunséli a wenaané nya, bélé wo kunséli zo, ’té dé é bɔra wo ma fiaa bléyian va.

Ézai 28:7

Naa, Juda munu é ziin, wo dan vɔ lɛ dada nwɛ lé we ma, yé dɔrɔ ’lɛ plɛplɛ é dan wo yuɛgi nɔɔ lɛ. Balebanzannu valé balelayezannu, wo dan vɔ lɛ dada dɔrɔ ’lɛ plɛplɛ lé we ma. Nwɛ bɛn mini wo lɛ yé dɔrɔ ’lɛ plɛplɛ éé wo yuɛi nɔɔan. Woo balelawe fé dan dan dan; woo we blé yuɛgi blan nya.

OZÉ (Osée) 4:11

Bɔrɔdɛ kɛlɛle koo, nwɛ valé dɔrɔ dɛrɛ koo, wo anlé munu ’wuo sɛrɛ.

Lévinu 10:9

Bii valé i benu, dé ka a gona wɔrana zén‐ékevasɔkɔn gi, té ka nwɛ valé migyɛdɔrɔ mini lo, dé ka da ga; é dan kɛlɛ lɛ bélidɔwe lé a glɛ ’ka lo, a nya, ka kulunu zé nya.

Matio 13:22

A wɔlɛ lé é dia lélinu va, ’bɛ a mi lé éé Bale dére maan, a nya; naa, tɛrɛla gibɔrɔpalenu valé dabli lé, fuafɛnu a kɛla munu lɛ, woo dére ’ko tunuan yé a ma tɔnɔ ’ka kɛla lo.

Maak 13:9

’Ka yuɛ pa kabozen va. Wo dan ka pa lɛ weblezannu lee, yé wo dan ka bla lɛ plén nya bazorokɔnnu gi, yé ka dan dɔ lɛ gbɔrɔnama valé minwiinmunu ’lɛ anlé we ma, kɛlɛle wenayezannu nya wo ’lɛ we gi.

Maak 4:19

tɛrɛla gi bɔrɔ palenu koo, dabli lé fua a kɛla munu lɛ koo, blibɔle fɛ bɛnu ma koo, woo Bale dére tunuan yé wo ma tɔnɔ ’ka kɛla lo.

WENÉNÉ LÉ LUK A GYE (Évangile selon Luc) 10:41

Mizan a zi pa a lɛ léé: Maate, Maate, i yuɛ gi kyɛ a, yé i we kiɛre gi bɔrɔ paan.

WENÉNÉ LÉ LUK A GYE (Évangile selon Luc) 12:40

Bléyian va lé é ’ka dɔa ka gi léé, maa blami Be é dan lo, an dan da lɛ ’bɛ bléyi va, amalé ’ka vo kabo ma’lɛrɛle nya.

WENÉNÉ LÉ LUK A GYE (Évangile selon Luc) 17:3

’Ka yuɛ pa kabozen va. Dé i bwe wenyané kɛlɛ, ’i we pla a lɛ; yé dé é bli nɔla, bé ma we vo.

WENÉNÉ LÉ LUK A GYE (Évangile selon Luc) 21:35

naa, é dan bɔra lɛ tɛrɛlamunu faa ma.

WENÉNÉ LÉ LUK A GYE (Évangile selon Luc) 21:8

Yé Jézu léé: ’Ka yuɛ pa kabozen va, té wo ka saan lo we gi. Naa, mi kiɛre é dan da lɛ an tɔ gi ’té wa fé léé, ’wo ɛ ke Krist nya; a bléyi bɔ. Té ka go ’bɛnu zuo lo.

WENÉNÉ LÉ LUK A GYE (Évangile selon Luc) 8:14

A wɔlɛnu lé wo dia lélinu va, wa munu lé woo Bale dére maan, wo nya, yé dé wo go, tɛrɛ ’ko la gibɔrɔpalenu valé alé fuafɛnu valé alé ginanamawenu koo, woo dére tunuan wo bli gi, yé wo faa éé voo é pia nya.

1 Korent munu 5:11

Sin, wean maa a gyɛ ka lɛ sɛbɛ gi, yee lé ke ’ko: dé mi do léé, ’é a Krétiɛn nya, dé é ébo kɛlɛ pɛnpɛnnégyɛzan nyaoo, dé é ébo kɛlɛ blibɔgɔɔlimazan nyaoo, dé é ébo kɛlɛ miyilibɔzan nyaoo, dé é ébo kɛlɛ mi sɔnɔzan nyaoo, dé é ébo kɛlɛ nwɛgyɛzan nyaoo, dé é ébo kɛlɛ mi tablezan nyaoo, té ka mane ’bɛzan ma lo; té ka fɛ ble a va lo.

1 Korent munu 6:10

kyeenwozannu koo, blibɔgɔɔlimazannu koo, nwɛgyɛzannu koo, mi sɔnɔzannu koo, mi tablezannu koo, wo ’ka dan tɔnɔ ble lɛ Kazambale lé fuatɛrɛ la lo.

Galasi munu 5:20

miyili banle koo, zɔɔ tanle koo, nyanézan kɛlɛle koo, zɔdɔle koo, maawole koo, zapale koo, zavɔle koo, kan kinile koo,

Bélidɔwesɛbɛ Fiézan 29:19

Gipawe ’ko lé woo wɔraan a gi bale ’nyɔɔnle nya, dé mi do a ’ma, té ébo kɛlɛ blɛn é bli gi lo, ’té é a fe léé, dé an bli go wean zuooo, dé an nwɛ tanle pa nwɛ minilɔrɔ lé an gyɛle vaoo, an dan vo lɛ drɔɔ lo.

Filip munu 4:6

Té ka we do kpen gi bɔrɔ pa lo, naa, we faa gi, ’ka ka mawenu fe Kazambale lɛ bazorole koo, zanté vɔlenu koo, bɔvɔlenu koo, wo nya.

Ébrunu 12:15

’Ka yuɛ pa kabozen va, léé, té mi do é vuru Kazambale lé zin ma lo; mi sɛrɛwenu lé woo blan sié é kele bɛ, té wo wɔra ka méléna yé wo gi bɔrɔ pa mi ma yé mi kiɛre é sɛrɛ lo.

2 Piɛri 3:10

Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

2 Piɛri 3:14

Bɛwemalé, an blibɔmazannu, bléyian va lé ka ke we ’konu lɛbɛnna, ’ka yara pa kabo ma’lɛrɛle ta léé, a yi ’é bɔ ka ma drɔɔ, ’té ka tiri ’ka lo, ’té ka nwiin a é pla.

Wegɔɔnle 3:3

Amalé wean wa fe i lɛ yé bé ’ma, a sele ’é dɔ i gi ma, yé bé kɛlɛ, yé ’i bli nɔla. Dé i ’ka voo é yuɛma lo, maa dan da lɛ bélé kyeenwozan zo, yé bléyian va lé maa dan bɔra lɛ i ma fiaa i ’ka dan a gi dɔɔ lɛ lo.

1 Samuɛl 25:36

Abigail da Nabal va. É a fɛti kɛlɛna élé kɔn gi bélé minwiinzan lé fɛti zo; ’té a gi éé nanama yé nwɛ a gyɛ. Dé we kiéné léoo, dé we blɛn léoo, a na ’ka we do kpen fe lɛ a lɛ lo, fɔɔ yé tu kini.