WENÉNÉ LÉ LUK A GYE (Évangile selon Luc) 20:20 - Kazambale lé Sebe Sauunu 1979

²⁰ Wa ’wozé zi ginina, yé munu lé ’bɛnu ’wobo kɛlɛ mi tegele zo, wo ’bɛnu pa zia léé, wo dia Jézu zi yé wa kun ébo dére ma yé wa nɔ minwiinmunu valé gbɔrɔnama lɛ.

WENÉNÉ LÉ LUK A GYE (Évangile selon Luc) 20:20 ပူးပေါင်းရင်းမြစ်များ

2 Samuɛl 14:2

É gi kini le do laa Tékoa, léé, ’é da ’é va, yé é lé a lɛ léé: ’Ibo nagɔɔn blikyɛdɔzan nya, ’i gyɛbo sɔ zén i ta; té i nyɔnɔ gié i ma lo, yé ’i kɛlɛ bélé le lé alé mi ga namɔn, a zo.

Lɛrɛvɔ Sɛbɛ 38:12

An manɔn lé we ma lé an béénu valé an dɔɔzannu éé sié an ma baa, Yé an lelenu ’ka biéan an ma é dɛrɛ lo.

Lɛrɛvɔ Sɛbɛ 66:3

’Ka fe Bale lɛ léé, i panyanamanu woo kana zén‐é mi gi. Ilé plɛplɛ blɛn zama i nyanézannu éé blaané dére fé i lɛ.

Lɛrɛvɔ Sɛbɛ 81:15

’Té maa wo nyanézannu gyɛ yara nya bléyi do kpen nya, ’Té an bɛ mane wo mazannu ma;

Jérémi 11:19

Maa a bélé ’blané drɔɔ lé wo go a nya wigyɛna, a zo, yé ’wuo gi naanénu lé wo ke a bɔrɔna an ma, maa ’ka a do kpen dɔɔ lɛ lo. Wo léé: Kaa yili valé a poro sɛrɛ. Kaa a soowɔla mi yuɛmalenu lé tɛrɛ la, yé té a tɔ sele é dɔ mi gi é dɛrɛ lo.

Jérémi 18:18

Yé wo léé: ’Ka da, kaa gi pa Jérémi ma. Bélidɔwe ’ka dan si lɛ Balebanzannu lee lo; weplale ’ka dan si lɛ wedɔɔzannu lee lo; dére ’ka dan nyaa lɛ balelayemunu ’léé lo. ’Ka da, kaa Jérémi gyɛ kaa dére nya, té kaa tɔné dɔ a dére do kpen lɛ lo.

Jérémi 20:10

Maa mi kiɛre lé gun gyɛle ’ma, Yé wo léé: Yifaama, yifaama, we tɔntɔn, we tɔntɔn! ’Ka a tɔ laa, yé ko dan a tɔ fe lɛ. Munu faa lé wo bli ke an ma drɔɔ, Wa sin an ma vɔɔna léé, dé a sɔné é dan san lɛɛ? Wo léé: Dé é dan we do kɛlɛ lɛ é tanyila Yé ko a kuun? ’Té ko dan we lɛgi pa lɛ a ma.

Daniɛl 6:4

Yé minwiinzannu valé minisinu a zi ginina léé, ’wo we dɔ Daniɛl nwiin, plale mi nwiin lé we ma. Naa, wo ’ka a kunmawe do kpen ye lɛ lo; wo ’ka gun do kpen ye lɛ a ma lo, naa, Daniɛl a yarapawelazan nya, azama. Dé é a saanwe nyaoo, dé é a wenaané nyaoo, wo ’ka a do kpen ye lɛ a ma lo.

Matio 27:2

Wo bale vɔ a ma yé wo goan yé wa nɔ gbɔrɔnama Pɔns Pilat lɛ.

Maak 3:2

Ana munu vo Jézu naginina léé, dé é dan a béli lɛ flinyi nyaa? we dɔle a nwiin we ma.

WENÉNÉ LÉ LUK A GYE (Évangile selon Luc) 20:21

Munu ’ko we laa a lee léé: Kozan, ko a gi dɔɔ léé, i we fé yé i we paan munu gi tegele, yé i ’ka mi naginian é kɔlɛ ma lo, yé i Kazambale lé zi gɔɔn‐an munu lɛ webozen yɛrama.

WENÉNÉ LÉ LUK A GYE (Évangile selon Luc) 20:26

Wo ’ka a kunmawe ye lɛ a dérenu ma munu yuɛ va lo; naa, wo gi vuru alé we zi pale ma, yé wo vo é tadɔle.

2 Piɛri 2:3

Wo bli bɔle gɔɔli ma lé we ma lé wo dan fɛ si lɛ ka lee dabli dérenu nya; kleblele lé wa lɛ kini wo lɛ é kyɛn, alé kyɛ a bɔn?-?bɔn gyɛna wo tɔ ma, yé misanlenu gona a wo lɛbɛnna bli pɛpɛ nya.