WENÉNÉ LÉ LUK A GYE (Évangile selon Luc) 19:10 - Kazambale lé Sebe Sauunu 1979

¹⁰ Naa, maa blami Be da fɛ sanle naginile valé a sile we gi we ma.

WENÉNÉ LÉ LUK A GYE (Évangile selon Luc) 19:10 ပူးပေါင်းရင်းမြစ်များ

Ézékiɛl 34:12

’Blapazan a élé ’bla fwilalenu méléna fɛan zo, ’té éé wo ginian bɛ, a zo lé maa dan anlé ’blanu gini lɛ, yé fɛana lé wo kini ékema yé wo go, yian nya lé fɛna gunu dɔra yé té yiri ’ka bié lo bɛ, maa dan wo si lɛ ’bɛna yé maa da wo nya an va.

Ézékiɛl 34:16

Yee lé é ke é sanle, maa dan a gini lɛ; yee lé é saan, maa dan da lɛ a nya é pa gi; yee lé é tuo, maa dan a tuonanu paa lɛ; yee lé gyɛ ke a ma, maa dan plɛplɛ nɔ lɛ a lɛ. Naa, wo lé wo ke é buale, ’té wa plɛplɛ, maa dan wo gyɛ lɛ. É sɔ an lɛ léé, maa wo pa we tegele yɛrama.

Matio 1:21

Mari é dan négɔné do yaa lɛ, yé bé tɔ pa Jézu; yee ɛ dan élé munu lé wenyanénu si lɛ wo lee.

Matio 10:6

Izraɛl munu lé wo ke é sanle bélé ’bla zo, ’ka go wo ɛ va.

Matio 15:24

Yé Jézu léé: Wo an pa zia Izraɛl lé nénu lé wo ke é sanle bélé ’blanu zo, wo saa ɛ va.

Matio 18:10

’Ka yuɛ pa kabozen va léé, té ka nénu ’ko va né do kpen ye boané nya lo; maa lé ka lɛ léé, wolé lanjenu a la gi mi, ’té an Ti lé é ke la gi, ’té wa yé yifaama.

Matio 18:11

Naa, maa blami Be da fɛ sanle bɔra lɛ a gi.

WENÉNÉ LÉ LUK A GYE (Évangile selon Luc) 15:32

Naa, i zuané ’ko, é ga yé é vuo, é san, yé é bɔra a gi; amalé é a lé ko gi é nana a we ma yé ko fɛti kɛlɛ webozen nya.

WENÉNÉ LÉ LUK A GYE (Évangile selon Luc) 15:8

Taa, le kyɛn lé, dé tanma vu a a lee yé a do san a lee, é ’ka kyɛbɔ bié ’té éé kɔn gi sian yé é vo a ginian yɛrɛlɛɛ, fɔɔ yé é a ye loo?

WENÉNÉ LE JAN A GYE (Évangile selon Jean) 3:17

Kazambale ’ka é Be pa lɛ zia léé, ’é da tɛrɛlamunu lé we ble lo, naa, é a pa zia léé, ’é tɛrɛlamunu si we gi.

Rom munu 5:6

Bléyian va lé zi do kpen ’ka kaa lɛ lo, Krist ga Kazambale lé zi ma wenyané femunu lé we ma, bléyi lé Bale a dɔ, a nya.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.