WENÉNÉ LÉ LUK A GYE (Évangile selon Luc) 18:32 - Kazambale lé Sebe Sauunu 1979

³² Wo dan an nɔ lɛ bɛn bɛnu lɛ; wo dan an ma we nana lɛ; wo dan an sɔnɔ lɛ; wo dan ’wo ’lélibɔlɛ vɔ lɛ an ma,

WENÉNÉ LÉ LUK A GYE (Évangile selon Luc) 18:32 ပူးပေါင်းရင်းမြစ်များ

Ézai 50:6

Maa an lala nɔ an blamunu lɛ, Maa an blin nɔ an puomagun soowɔlazannu lɛ; Maa ’ka an yara yɔɔ lɛ An sɔnɔle valé ’lélibɔlɛ vɔle an yara lee lo.

Ézai 52:14

A yara sɛrɛ fɛan zo, ’Té a yara ’ka blami yara nya é dɛrɛ lo, amalé É kana zén mi kiɛre gi é vinin;

Ézai 53:3

Munu serele bo a ma yé wo sɔn vɔ a ma, Kleblezan lé, nyanéblezan lé, Bélé mi lé wo yara si a ta, a zo; Ko lɔlu plɛn a ma, yé é ’ka ko yuɛgi bɔ lɛ lo.

Misé 5:1

Yé bii Bɛtléɛm Éfrata, Juda fla wurunu va fla kiéné, anlé mi do é dan si lɛ i va; a pélisiana mɔn é li kwakwa tɛrɛ bɔrale ’lɛ, yé é dan pla lɛ Izraɛl munu nwiin.

Matio 16:21

É sia ’bɛ bléyi va, Jézu kun we gɔɔnle ma wo lɛ, yé é léé: É a lé an go Jérusalɛm, é a lé an nyané ble mi segelenu valé Balebanmunu segelenu valé sɛbɛgifemunu lee; é a lé wo an gyɛ yé yi fié a yaazan nya yé an nwa gamunu va.

Matio 20:19

yé wo dan an nɔ lɛ bɛn bɛnu lɛ, wolé an ma we nanale koo, wolé an blale wɛsɛné nya koo, wolé an gyɛle yili ta koo, wo faa we gi, yé yi fié a yi yaazan nya an dan nwa lɛ gamunu va.

Matio 22:6

yé mi pɔnénu minwiinzan wuomunu kun yé wo wo sɔnɔ yé wo wo gyɛ.

Matio 26:67

’Bɛ zuo, wo ’lélibɔlɛ vɔ a yara yé wo fɔlɛ duun a lɛ yé wa blin kyɛ si, a fele nya léé:

Matio 27:2

Wo bale vɔ a ma yé wo goan yé wa nɔ gbɔrɔnama Pɔns Pilat lɛ.

Maak 14:65

Mi kenu kun ’lélibɔlɛ vɔle ma a ma, yé wo sɔ vuru a yuɛ la, yé wo fɔlɛ duun a lɛ yé wo léé: ’I balelaye ma. Yé sunyanu a blin kyɛ si.

Maak 15:1

Bladi tutu, Balebanmunu segelenu koo, mi segelenu koo, sɛbɛgifemunu koo, mi bɛnu lé ke webolikinimunu nya, wo koo é ziin, wo kun wo va weblele ma. Dé wo bale vɔ Jézu ma faa wo goan yé wa nɔ Pilat lɛ.

WENÉNÉ LÉ LUK A GYE (Évangile selon Luc) 18:33

yé an blale wɛsɛné nya zuo wo dan an gyɛ lɛ; yé yi fié a yaazan nya an dan nwa lɛ gamunu va.

WENÉNÉ LÉ LUK A GYE (Évangile selon Luc) 23:1

Wo faa nwa yé wo go Jézu nya Pilat va.

WENÉNÉ LÉ LUK A GYE (Évangile selon Luc) 23:11

Érɔd valé élé sunyanu Jézu kɛlɛ gwɛmazan zo; dé é we nana a ma faa é sɔ nɔnɔmi baba zén a ta yé é a pa zia é ziin Pilat va.

WENÉNÉ LÉ LUK A GYE (Évangile selon Luc) 23:35

Munu dɔ ’bɛna ’té wa naginian. Minwiinmunu a ma we nana a fele nya léé: É mi bɛnu si we gi; dé yee ɛ ke Krist nya, mi lé Kazambale a si a va, a nya, ’é ébozen si we gi ma.

WENÉNÉ LE JAN A GYE (Évangile selon Jean) 18:22

Dére ’konu ta lé sunya do lé é ke é dɔle ana bɛ, é Jézu blin gyɛ, yé é léé: I we fé Balebanmunu ’lɛzan lɛ ’bɛ zoo?

WENÉNÉ LE JAN A GYE (Évangile selon Jean) 18:28

Wo si Jézu nya Kaifu va, yé wo go a nya weblekɔn gi é bladi. Wobozen ’ka wɔra lɛ weblekɔn gi lo, dé wo da Taboyi sɔnné sɛrɛ yé wo ’ka bɔa Taboyi lé fɛ blele lɛ lo.

WENÉNÉ LE JAN A GYE (Évangile selon Jean) 18:30

Yé wo lé a lɛ léé: Dé é ’ka wenyanékɛlɛzan nya lo ’naan, ’té konɔ dan a nya i lɛ ’koo?

WENÉNÉ LE JAN A GYE (Évangile selon Jean) 18:32

Wo we ’ko fe, we lé Jézu a fe é kyɛn léé, é dan ga lɛ fɛan zo, a lɛ sɔɔle we ma.

WENÉNÉ LE JAN A GYE (Évangile selon Jean) 18:35

Pilat lé a lɛ léé: Maa a Juifi mi nyaa? I bɛnnu valé Balebanmunu segelenu ɛ i nɔ an lɛ. Mɛ we lé bé kɛlɛɛ?

Kelewenu 2:23

we lé Bale a kɛlɛ é kyɛn, é valé ébo dɔɔwe yɛrama lé wo Jézu ’ko pa ka lee, yé ka a nɔ mi nyanénu lɛ léé, ’wa blin yili la.

Kelewenu 3:13

Abraam koo, Izak koo, Jakɔb koo, wozé Bale, kaa tranu zé Bale, ’bɛ é wuozan Jézu tɔ kɛlɛ blɛn. Yee lé ka liwo, yé ka sɔn vɔ a ma Pilat ’lɛ, ’té é dɔ ’bɛ gi léé, ’é dan a vo lɛ éboma.