WENÉNÉ LÉ LUK A GYE (Évangile selon Luc) 18:13 - Kazambale lé Sebe Sauunu 1979

¹³ Mi lé ’bɛ ke vagɔɔlisizan nya, ’bɛ dɔ baa, yé é ’ka dɔ lɛ ’bɛ gi boenwo lé é yara nwa la gi zia lo; naa, é kun é ’wuo ma ’té éé a fé léé: Oo, Kazambale, ’i nyanai zén maa wenyanékɛlɛzan ta.

WENÉNÉ LÉ LUK A GYE (Évangile selon Luc) 18:13 ပူးပေါင်းရင်းမြစ်များ

2 Samuɛl 12:13

David lé Natan lɛ léé: Maa wenyané kɛlɛ Gakelebale ma! Yé Natan lé David lɛ léé: Gakelebale i ma we vo, i ’ka dan ga lɛ lo.

2 Minwiinmunu lé Wezuofe Sɛbɛ 33:19

Alé bazorole koo, fɛan zo lé Bale alé bazoro dére ’ma koo, alé wenyanénu koo, alé yuɛ gi blanlenu koo, fɛnu lé é gɔ nwiin yobannanu kɛlɛ wona yé é miyilinu valé yofotonu dɔ ana alé bo kɛlɛle kiéné ’lɛ, wonu koo, ’bɛ a é gyɛle Ozai lé sɛbɛ gi.

2 Minwiinmunu lé Wezuofe Sɛbɛ 33:23

Yé é ’ka ébo kɛlɛ lɛ kiéné Gakelebale ’lɛ bélé a ti Manasé a kɛlɛ fɛan zo, a zo lo. Naa, yee Amon kɛlɛ weanwiinzan blɛn nya.

Ezidras 9:6

yé maa léé: Anlé Bale, an gi blin an ma, yé oo, anlé Bale, yara an gya an yara nwale i vazia we ma; naa, kolé weplenu fan ko nwiin, yé ko nwiinwenu nwa fɔɔ la gi.

JOB (Job) 42:6

Amalé anbo gyɛ we nya yé an bli nɔla Vungoi valé kyɛyee zénle nya an ta.

Lɛrɛvɔ Sɛbɛ 106:6

Ko wenyané kɛlɛ bélé ko tranu zo, Ko weple kɛlɛ; ko wenaané kɛlɛ.

Lɛrɛvɔ Sɛbɛ 119:41

Gakelebale, ’i nyanai zén an ta Yé ’i an béli, ilé blivolɛdére yɛrama.

Lɛrɛvɔ Sɛbɛ 130:7

Izraɛl, ’i bli vo Gakelebale lɛ. Naa, Gakelebale nyanai éé zén‐é, Éé mi taboo yifaama.

Lɛrɛvɔ Sɛbɛ 25:11

Oo Gakelebale, i tɔ lé we ma ’I an mawe vo anlé weple ma, naa, é a blɛn.

Lɛrɛvɔ Sɛbɛ 25:7

An boroné la saanlenu valé ilé bélidɔwe lé maa sɛrɛ, té wo sele é dɔ i gi lo ma. An sele ’é dɔ i gi ilé nyanaizénle yɛrama, Oo Gakelebale, ilé zin lé we ma.

Lɛrɛvɔ Sɛbɛ 40:12

Bii Gakelebale, i ’ka dan sɔn vɔ lɛ i nyanai zénle ma an ta lo; Ilé zin valé i yara pale we ta, éé an ta bin‐é yifaama.

Lɛrɛvɔ Sɛbɛ 41:4

Gakelebale éé bɔa nyanéblezan va élé yialafɛ ta; Bé tɔrɔ paan alé gyɛnu faa gi.

Fwile 33:10

Lati pɔrɔlɔ lé, éé zunwo sɔkɔn ’léé, dé munu faa a ye, woo nwaan yé woo diaan ’wo bli la ’wobo lé sɔkɔn ’léé.

Ézai 1:18

Gakelebale léma: ’Ka da, kaa ana we fe. Dé kalé wenyané ka bli tié tiritiri bélé gla’yi zo‐oo, ka bli é dan kɛlɛ lɛ fu tata bélé glasépun zo; dé wo kɛlɛ sɔɔn bélé gulimagyan zo‐oo, ka bli é dan kɛlɛ lɛ fu tata bélé kununu lii zo.

Ézai 6:5

Yé maa léé: Wenaané kɛlɛ an lɛ! Maa a é sanle weboen nya, naa, maa a mi lé a lɔlu tiri ke é dɔle, a nya, yé maa nyanaan munu lé wo lɔlu tiri ke é dɔle, wo va; maa Minwiinzan blɛn, lai sunyanuzan Gakelebale ye an yuɛ nya, azama.

Ézai 66:2

An bɛan fɛ ’konu faa kɛlɛ loo? Maa‐an an fɛ ’konu faa bɔra loo? Mi lé maa dan yuɛ pa lɛ a ta, yee lé ke ’ko: Mi lé éé nyané blé yé a fuu si a ta, yee lé; mi lé éé kanaan an dére lee, yee lé.

Ézékiɛl 16:63

léé, we kyɛn sele ’é dɔ i gi yé ’é i gyɛ yara nya, yé té i we zi pa é dɛrɛ lo, yé yara i kua, bléyian va lé maa i ma we vo i kɛlɛwenu faa ma, ’bɛ bléyi va. A zo lé Mizan Gakelebale a fe.

Daniɛl 9:5

Ko wenyané kɛlɛ; ko weplenu kɛlɛ; ko a mi nyanénu valé nwamimazannu nya. Ko sɔn vɔ ilé bélidɔwe sɔnnénu valé i déretawenu ma.

Matio 10:3

Filip valé Baatélémi koo, Tɔmas valé vagɔɔlisizan Matio koo, Alifé be Jak valé Tadé koo,

Matio 6:5

Dé ka a bazorona, té ka we kɛlɛ bélé bodrɔzannu zo lo. É sɔ wo lɛ léé, munu ’wo nagini, amalé woo dɔa loru, ’té woo bazoroan bazorokɔnnu gi, ’té woo bazoroan flaworo dii zi blannu ta. Maa lé ka lɛ webozen nya léé, wo ’wozé gooli ye.

Matio 9:13

’Ka go, yé ’ka gi bɔrɔ we ’ko ma, dé a gi lé nɔɔ? Nyanai zénle ɛ sɔa an lɛ, yé saraka bole ’ka sɔa an lɛ lo. An ’ka da lɛ mi tegelenu laa lɛ lo; an da wenyanékɛlɛmunu ɛ laa lɛ.

Maak 11:25

Yé bléyian va lé ka a é dɔle bazorona, dé mi do va we a ka gi, ’ka a ma we vo, ka Ti lé é ke la gi, alé ka ma we vole we ma.

WENÉNÉ LÉ LUK A GYE (Évangile selon Luc) 17:12

É bɔ fla do punma tɔɔn, ’té pantɛngyɛzannu vu a dana a ’lɛ mi. Wo dɔ baa yé wo dére bié yé wo léé:

WENÉNÉ LÉ LUK A GYE (Évangile selon Luc) 22:41

Dé mi gɔlɛ vuli éé diaan fɛana, a zo lé Jézu si wo ma, yé é powuo zun yé é bazoro yé é léé:

WENÉNÉ LÉ LUK A GYE (Évangile selon Luc) 23:48

Munu faa lé wo zén ékeva mi gu nya we ’ko ma, dé wo we ’ko kɛlɛle ye faa wo go fla ’wo golɛ gyɛle nya.

WENÉNÉ LÉ LUK A GYE (Évangile selon Luc) 5:8

Simɔn Piɛri ’bɛ ye aan wo, é ’wuo wɔra Jézu gane wuo yé é léé: Mizan, maa a wenyanékɛlɛzan nya, amalé ’i si an sɔnɔ.

Kelewenu 2:37

Wo we ’ko ’ma aan wo, é zun wo bli ma yé wo lé Piɛri valé nwunvɔmunu bɛnu lɛ léé: Ko bwenu, ko kɛla kaa?

Rom munu 5:8

Naa, Jézu zé ’ka ’bɛ zo lo. Bléyian va lé ko ke tan wenyanékɛlɛmunu nya, Krist ko gi ga wo; ’bɛ nya lé Kazambale a nagɔɔn léé, ko sɔ ’é lɛ webozen nya.

2 Korɛnt Munu 7:11

Yé blikyɛdɔle ’ko lé éé sié Kazambale va, ka ’ka a ma tɔnɔ ye lɛ kiɛre loo? Ka ’ka kwa kuli lɛ léé, we é si ka nwiin loo? Ka bli ’ka nwa lɛ loo? Kana ’ka zén lɛ ka gi loo? An dale lɔrɔ ’ka ka gyɛ lɛ loo? Ka fuu ’ka dɔ lɛ ka ta loo? Ka ’ka we lɛdɔ lɛ mi ’ko gi loo? Ka ana gɔɔn bɛ faa ma léé, ka a tegele we ’ko gi.

1 Timoté 1:15

Sɔbɛlawe lé é a lé mi faa a nyi si, yee lé ke ’ko: Jézu Krist da tɛrɛ la wenyanékɛlɛmunu sile we gi we ma, yé maa a wo va wenyanékɛlɛzan blɛɛn nya.

Ébrunu 4:16

Bɛwemalé kaa bié zinblin sɔnɔ bɔn gi kinile nya ma, a nyanai zénle kaa ta we gi, yé dé we bɔ kaa ma bléyian va, yé é zin kɛlɛ kaa lɛ yé é bɔ kaa va.

Ébrunu 8:12

Maa dan wo ma we vo lɛ wolé weplenu ma, Yé wolé wenyanénu sele ’ka dan dɔ lɛ an gi é dɛrɛ lo, ’bɛzama.