WENÉNÉ LÉ LUK A GYE (Évangile selon Luc) 18:1 - Kazambale lé Sebe Sauunu 1979

¹ Jézu gɔné do vɔ wo lɛ a gɔɔnle wo lɛ we gi léé, é a lé ’wo bazoro yifaama, té wo daan a ma lo.

WENÉNÉ LÉ LUK A GYE (Évangile selon Luc) 18:1 ပူးပေါင်းရင်းမြစ်များ

Lɛrɛvɔ Sɛbɛ 102:17

Iin, Gakelebale é dan Siɔn dɔ lɛ é ziin. É dan ébo gɔɔn lɛ munu lɛ élé fua nya.

Lɛrɛvɔ Sɛbɛ 27:13

Dé an ’ka é pale a ta léé, maa Gakelebale lé zin yé tɛrɛ la ’ko lo ’naan, ’Té maa kɛla kaa?

Lɛrɛvɔ Sɛbɛ 65:2

Oo Bale, maa dan i tɔ zin fe lɛ Siɔn an bli ta plɛplɛ nya, Dérenu lé wa fe balekunle nya, wo dan wo lɛ sɔɔ lɛ.

Lɛrɛvɔ Sɛbɛ 86:3

Mizan, ’i nyanai zén an ta, Naa, an siaan i lɛ bladi fɔɔ nyanadi.

Ézai 40:31

Naa, munuan woo paan Gakelebale ta, éé wolé plɛplɛ taa paan é ziin. Woo sié bélé gola zo; Woo vlanburuwo yé koi ’ka wo gya lo, Woo tawoo yé wo wɔlɛi ’ka nyaan wo ma lo.

Ézai 62:7

’Ka vo Bale ma kyɛdɔna, Fɔɔ ’té é Jérusalɛm dɔ é wo é pa gi Yé a tɔ é bɔ tɛrɛ faa la.

Jérémi 29:12

Ka dan we laa lɛ an lee yé ka dan go lɛ; ka dan bazoro lɛ an lɛ yé maa dan ka dére ’ma lɛ.

Jonas 2:7

An zun fɔɔ gɔnu pun ma. Tɛrɛ é lɛ tan an ta bléyi faa zé nya, Naa, i an bɔra guru gi é yuɛma. Gakelebale, anlé Bale!

WENÉNÉ LÉ LUK A GYE (Évangile selon Luc) 11:10

Naa, dé miomian éé fɛ laan, woo fɛ no a lɛ; mi lé éé fɛ ginian, éé fɛ yé, yé woo kɔn lɛ soo mi lé éé duoli gya, a lɛ.

WENÉNÉ LÉ LUK A GYE (Évangile selon Luc) 21:36

Amalé ’ka vo é yuɛma yé ’ka bazoro yifaama, kalé plɛplɛ yele we ma, yé ka bɔ sile lɛ wenu faa lé wo dan bɔ lɛ bɛ, wo lee, yé ka bɔ dɔle lɛ loru, maa blami Be yara.

Rom munu 12:12

Ka gi ’é nana bli kɛlɛle fɛ lɛ lé we ma ma. ’Ka kɛlɛ bli tiéézannu nya nyanéblele gi. ’Kabo nɔ bazorole lɛ.

2 Korɛnt Munu 4:1

Ko nyanama ’ko ye Bale lé nyanai zénle ko ta nya, amalé dé ko a pana ko fuu ’ka sié ko ta lo.

Galasi munu 6:9

Té kaa wɔlɛgi é nyaan kaa ma wezin kɛlɛle nya lo; naa, dé a bléyi bɔ, kaa dan a tɔnɔ ye lɛ, ’té dé kaa fuu ’ka si lɛ kaa ta lo.

Éfez munu 6:18

Bléyi faa ma, ’ka ba gɔnɔ faa zoro Kazambale Léli nya yé ’ka zanté gɔnɔ faa vɔ Kazambale Léli nya. ’Ka yara pa we ’ko kɛlɛle ta ka sɔbɛla nya, yé ’ka bazoro Kazambale lé munu faa lé we ma.

Filip munu 4:6

Té ka we do kpen gi bɔrɔ pa lo, naa, we faa gi, ’ka ka mawenu fe Kazambale lɛ bazorole koo, zanté vɔlenu koo, bɔvɔlenu koo, wo nya.

Kolɔs munu 4:12

Épafras lé é ke ka va mi do nya bɛ, é we ka va; é a Jézu Krist wuozan nya, yé é ’ka daanma ka ta gulidanle ma bazorole nya lo léé, ’ka dɔ gligli yé gun ’é si ka ma, yé ’ka ’wuo dɔ Kazambale lé blibɔmawe faa wuo.

Kolɔs munu 4:2

’Ka yara pa bazorole ta, ’ka vo é vuole a gi bɔvɔle nya.

1 Tɛsalɔnik munu 5:17

Té ka daan bazorole ma lo.

1 Samuɛl 1:12

É mɔn bazorona Gakelebale lɛ fɛan zo, Éli a lɔlu ye;