Gakelebale é dan bɔra lɛ wo ta loru Yé alé sawɔlɛ é dan go lɛ bélé lɛɛ yuɛwuovɔle zo; Mizan Gakelebale, é dan béli fɛn lɛ, É dan bié lɛ barikoko plɛplɛ lé éé sié yirinwana bɛyilazia, a gi.
’Bɛ zuo maa blami Be zé tɔmase é dan bɔra lɛ la gi, yé tɛrɛ la bɛnnu faa é dan wuvɔ lɛ yé wo dan maa blami Be ye lɛ dana latinu ta plɛplɛ valé fua blɛn tagɔɔnle nya.
Jézu a zi pa a lɛ léé: Yee lé bé fe bɛ. ’Bɛ ta loru, maa lé ka lɛ léé, é sia bléyi ’ko va, ka dan maa blami Be ye lɛ é nyanale Plɛplɛzan Bale bɛyilazia, yé ka dan an ye lɛ dana latinu ta.
Dé ka a ’ma léé, Mizan dayi bɔ tɛkɛ, kalé zanté, té di é kini ka gi lo, té gligli é zén ka gi lo. Dé léli ɛ feoo, dé mi ɛ feoo, dé é kɛlɛ sɛbɛ lé wo léé, ko ɛ gyɛ, a nyaoo, té ka pa ’bɛ ta lo.
’Bɛ zuo, yee Bale lé zi ma wenyané fezan é dan bɔra lɛ, mian Mizan Jézu é dan a sɛrɛ lɛ é ’léé fu nya, yé é dan a kulu ga lɛ é dale lé san nya bɛ, yee lé.
Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.