WENÉNÉ LÉ LUK A GYE (Évangile selon Luc) 17:2 - Kazambale lé Sebe Sauunu 1979

² Dé wo fɛzɔngɔlɛ yere ’bɛzan bɔrɔ ma yé wa vuli wɛyi va, ’bɛ fila vɔ é mini né kiénénu ’ko va né do ’wuo sɛrɛle ta.

WENÉNÉ LÉ LUK A GYE (Évangile selon Luc) 17:2 ပူးပေါင်းရင်းမြစ်များ

Ézai 40:11

É a bélé ’blatabinzan zo, é dan élé trubɛnu pa lɛ, É dan élé ’blanénu sia lɛ Yé é wo buvɔ ’é ma; Yé é dan go lɛ ’bla tinanu nya.

Zakari 13:7

Gwɔun‐oo, gwɔun, ’i soi anlé ’blatabinzan ma! Lai sunyanu lé Gakelebale léma: ’I soi an bɔluzan ma. ’I ’blatabinzan gyɛ yé alé ’blanu ’é fwila. Yé maa dan bɔ lɛ ’bla tɔɔtɔɔnu va.

Matio 17:27

Naa, té kolé we é ’na wo ma lo we gi, ’i go wɛyi va, ’i kɔ vɔ ’yi va, yé pɔan é dan é vinin, ’bé gyɛ; ’bé ’léé fuo yé gɔɔli lé é dan ko fié zé banwo lɛ, i dan a ye lɛ. ’Bé si, yé ’bé nɔ wo lɛ maa valé bii zé nya.

Matio 18:10

’Ka yuɛ pa kabozen va léé, té ka nénu ’ko va né do kpen ye boané nya lo; maa lé ka lɛ léé, wolé lanjenu a la gi mi, ’té an Ti lé é ke la gi, ’té wa yé yifaama.

Matio 18:14

A zo duo léé, ka Ti lé é ke la gi, é ’ka alé blibɔmawe nya léé, nunukénénénu va né do kpen ’é san lo.

Matio 26:24

Maa blami Be a gona fɛan zo lé wo anlé we gyɛ sɛbɛ gi, a zo. Mi lé é maa blami Be pa munu lee, a gale nyɔ. A fila vɔ kɔɔn léé, té wa yaa boenwo lo.

Maak 9:42

Naa, né kiénénu lé woo bli paan an lɛ, dé mi do wo va né do ’wuo sɛrɛ, azé fila vɔ kɔɔn léé, wo fɛzɔngɔlɛ yere a bɔrɔ ma yé wa vuli wɛyi va.

WENÉNÉ LE JAN A GYE (Évangile selon Jean) 21:15

Wolé fɛblele zuo, Jézu lé Simɔn Piɛri lɛ léé: Jonas be Simɔn, an sɔ i lɛ é mini an sɔ i bɔlunu ’konu lɛ fɛan zo, a taa? É lé a lɛ léé: Iin, Mizan, bé gi dɔɔ léé, i sɔ an lɛ. Jézu lé a lɛ léé: ’I fɛblele nɔ anlé ’blanénu lɛ.

1 Korent munu 9:15

Naa, maa ’ka tɔnɔ do kpen sina we ’ko gi lo; yé maa ’ka sɛbɛ ’ko gyɛna a yele we ma lo. Dé é a ’bɛ zo, a fila vɔ léé, ’an ga. Mi do ’ka an zevɔwe ’ko sié an lee lo.

1 Korent munu 9:22

Maa kɛla mi tɔɔtɔɔ nya mi tɔɔtɔɔnu va, wo yele we ma. Maa anbo nɔla bɛ faa ma munu faa va, léé, dé maa mi kenu sié we gii?