WENÉNÉ LÉ LUK A GYE (Évangile selon Luc) 16:2 - Kazambale lé Sebe Sauunu 1979

² É a laa yé é lé a lɛ léé: Mɛ we lé maa a maan i ma bɛɛ? Anlé fɛnu faa lé é ke i lee, ’ko nɔnɔ; i ’ka dan kɛlɛ lɛ an leezan nya é dɛrɛ lo.

WENÉNÉ LÉ LUK A GYE (Évangile selon Luc) 16:2 ပူးပေါင်းရင်းမြစ်များ

Bale Lé We Gifezan 12:14

An be, we lé é vo, we konu ’wo we paa i gi ma; sɛbɛpanu kɛlɛle ’ka nyaan lo, yé wedraanle a mi wɔlɛginyaawe nya.

Matio 12:36

Maa lé ka lɛ léé, boawe faa lé munu a fé, wo dan a zuo fe lɛ webleyi nya.

Matio 20:8

Nyandi pa aan wo, dɔrɔféizan lé élé nyanamapamunu nwiinzan lɛ léé: ’I nyanamapamunu laa yé ’i wo gooli pa. Bé pélisia a voélazannu ta yé bé ’wuo pla a vininzannu ta.

WENÉNÉ LÉ LUK A GYE (Évangile selon Luc) 12:20

Naa, Kazambale lé a lɛ léé: ’Tugyɛzan, kyɔ é béli ’ko, maa dan i laa lɛ; yé fɛnu lé i wo tadɔ bɛ, wo dan kɛlɛ lɛ de ɛ zé nyaa?

WENÉNÉ LÉ LUK A GYE (Évangile selon Luc) 12:42

Yé Mizan léé: Mi leezan yarapawelazan gi kinizan lé azan a plaan élé kɔngimunu nwiin léé, ’é wolé fɛblele nɔ wo lɛ a nɔbléyi nya, de léé?

WENÉNÉ LÉ LUK A GYE (Évangile selon Luc) 16:1

Jézu lé é ziin é zuomunu lɛ léé: Mi do lé é ke fuablezan nya, a leezan do ana, yé wo ’bɛ tɔ fe a lɛ léé, ’bɛ alé fɛnu sɛra.

WENÉNÉ LÉ LUK A GYE (Évangile selon Luc) 16:3

A leezan lé é bli gi léé: Sin, anzan a an nwana élé fɛnu ta; maa dan a kɛlɛ lɛ kaa? An nyanama pa an bɛ nyaa? An ’ka bɔa ’bɛ lɛ lo. An go doro paa? ’Bɛ an gya yara nya.

Rom munu 14:12

’Ko zo lé kaa faa va mi do do é dan ébozen kɛlɛwe nɔnɔ lɛ Kazambale lɛ.

1 Korent munu 1:11

Naa, an bwenu, Kloé lé munu a fe an lɛ léé, zavɔlenu a ka worona.

1 Korent munu 4:2

We lé é sɔ mi lɛ léé, é bɛgizan a kɛlɛ, yee lé ke léé, ’é yara pa we la.

1 Korent munu 4:5

Amalé maa léé, té ka we do kpen ble a blebléyi ’lɛ lo, fɔɔ yé Mizan ’é da. Wenu lé é ke é yɔɔle gunutinu va, yee ɛ dan wo bɔra lɛ san va. Yee ɛ dan mi bɔngiwenu bɔra lɛ munu yuɛ va. Yé munu lé wo tɔ zin fe yara lé, Kazambale é dan wo tɔ zin fe lɛ.

2 Korɛnt Munu 5:10

Naa, é a lé kaa faa é dɔ Krist lé webleblin ’lɛ, mi faa do do lé é ban yele we ma, dé a kɛlɛwe zin léé? dé a nyané léé? ’té é wo kɛlɛ bléyian va lé é a é kɔlɛ gi bɛ, a yɛrama.

1 Timoté 4:14

Blɛ lé Bale a kɛlɛ i lɛ léglizigimi segelenu bɛnu plale i ta valé balelawefele nya, té i yara si a ta lo.

1 Timoté 5:24

Mi kenu lé wenyané a é bɔrale wolé weblebléyi ’lɛ, naa, mi bɛnu zé é dan bɔra lɛ é voéla.

1 Piɛri 4:10

Blɛ lé ka a ye, ka faa do do ’é mi bɛnu mawenu kɛlɛ a nya, yé ’ka kɛlɛ Kazambale lé zin gɔnɔ faa gulizannu nya é zima.

1 Piɛri 4:5

Wo dan a zuo fe lɛ mi lé a ma ke é ’lɛrɛle miyuɛmalenu valé migalenu lé we blele we ma bɛ, a lɛ.

Wegɔɔnle 20:12

Yé maa migalenu ye, mi blɛnnu valé mi planu, ’té wa é dɔle webleblin ’lɛ. Wo sɛbɛnu fuo. Yé wo sɛbɛ do fuo é ziin, ’bɛ ɛ ke mibélilenu tɔgyɛlasɛbɛ nya. Yé wo migalenu lé we ble ’wo kɛlɛwe yɛrama, wenuan wo ke é gyɛle sɛbɛ ’konu gi, a yɛrama.