WENÉNÉ LÉ LUK A GYE (Évangile selon Luc) 14:13 - Kazambale lé Sebe Sauunu 1979

¹³ Naa, dé i a fɛti kɛlɛna, nyanégyɛmunu koo, gane valé bɛgazannu koo, tunbozannu koo, yuɛwiizannu koo, ’i wo ɛ laa.

WENÉNÉ LÉ LUK A GYE (Évangile selon Luc) 14:13 ပူးပေါင်းရင်းမြစ်များ

2 Samuɛl 6:19

’Bɛ zuo, buru do koo, wipo do koo, dɔrɔporo gale po vɔle do koo, David a nɔ Izraɛl lé mi gbau faa lɛ do do, gɔnénu valé lomu nya. Yé munu faa go ’wolé kɔn ’léé do do.

2 Minwiinmunu lé Wezuofe Sɛbɛ 30:24

Naa, Juda nwiinzan blɛn Ézékia dirigɔné wuru soru valé ’bla baa yaa wuru soru nɔ wo lɛ, yé munulɛzannu dirigɔné wuru soru valé ’bla baa soru nɔ wo lɛ. Yé Balebanzannu kiɛre ’wobo kɛlɛ tegele.

Néémi 8:10

Yé wo lé wo lɛ léé: ’Ka go, ’ka wi nyɔnɔzannu ble yé ’ka dɔrɔ néné mini; yé munu lé wo ’ka fɛ do kpen kɛlɛ lɛ ’wozé nya lo, ’ka wozé pa zia, naa, yi ’ko a Kozan lé yi nyané nya; té ka kle pa kabo ta lo, naa, Gakelebale lé ginanale ɛ ke kalé plɛplɛ nya.

Néémi 8:12

Yé munu faa go fɛblele valé fɛminile we ma, ’té woo fɛ paan zia é baba, yé wo gi nana. Naa, dérenu lé wo wo gi fe wo lɛ, wo wo ’ma, azama.

JOB (Job) 29:13

Wenaanébɔmazan an drɔɔ vo, Maa gyɛzarale gi nana kaii.

Wegɔnévɔlenu 14:31

Mi lé éé nyané paan nyanégyɛzan ta, é a a Kɛlɛzan sɔnɔna; naa, mi lé a nyanai éé zén‐é tɔnanénu ta, é a a Kɛlɛzan tɔ bɔna.

Wegɔnévɔlenu 22:9

Mi lé éé mi naginian nyanai zénle nya, a drɔɔ é dan vo lɛ, naa, élé fɛblele ke no nyanégyɛzannu lɛ, azama.

Ézai 58:10

dé ibo lé fɛblele nɔ lɔrɔgyɛzan lɛ, dé i nyanégyɛzan kan, i san é dan nwa lɛ gunutinu va, yé gunuti é dan kɛlɛ lɛ bélé yiéyi zo i nya.

Ézai 58:7

Mi lé lɔrɔ ke a gyɛna, bé zé fɛblele nɔ; nyanaizénlazan lé a yiana ’ka lo, bé wɔra ka va; dé ka mi do ye é porole, ’ka sɔ zén a ta; té ka nwunzi dɔ kabo lé mi ta lo.

Matio 15:30

Mi gu blɛn bié a va; tunbozannu koo, bɛgazannu valé ganegazannu koo, yuɛwiizannu koo, bobogyɛzannu koo, gyɛgyɛzan bɛnu kiɛre koo, wo da wo nya. Wo wo pla a gane ma, yé é wo béli.

Matio 22:10

A wuomunu ’konu go zinu ta yé munu faa lé wo wo ye, mi naanénu valé mi zinnu, yé wo da wo nya yé lesina fɛtikɛlɛkɔn fan fɛtikɛlɛmunu nya.

WENÉNÉ LÉ LUK A GYE (Évangile selon Luc) 11:41

Fɛ lé é ke kana gi, ’ka blɛ kɛlɛ nyanégyɛmunu lɛ a nya yé fɛnu faa gi é dan bɔ lɛ ka lɛ.

WENÉNÉ LÉ LUK A GYE (Évangile selon Luc) 14:12

Jézu lé é ziin é laazan lɛ léé: Dé i yiéyi fɛ kɛlɛoo, dé i nyanadi fɛ kɛlɛoo, i béénu koo, i bwenu koo, i lelenu koo, i bɔlu fuablezannu koo, té i wo do kpen laa lo, dé wo da i laa é ziin yé wa lɛgi kɛlɛ i lɛ.

WENÉNÉ LÉ LUK A GYE (Évangile selon Luc) 14:14

Wo ’ka bɔa a lɛgi kɛlɛle lɛ i lɛ lo, naa, Bale é dan a lɛgi kɛlɛ lɛ i lɛ mi tegelenu nwayi nya gale va, amalé i gi é dan nana lɛ ’bɛ yi la.

WENÉNÉ LÉ LUK A GYE (Évangile selon Luc) 14:21

Mi leezan da yé é we ’konu zuo fe ’ézan lɛ. Yé kɔnzan bli fli yé é lé é leezan lɛ léé: ’I go é nya do flɛgi valé flaworo dii yé ’i da nyanégyɛmunu koo, bɛ valé ganegazannu koo, yuɛwiizannu koo, tunbozannu koo, wo nya.

Kelewenu 9:39

Piɛri nwa yé wo go munu ’konu nya. Wo bɔ aan wo, wo go Piɛri nya kɔn nwiin kɔnné gi. Gyɛzaralomu Piɛri zi lɛ sɔɔ wuvɔle nya, yé varɔnu valé sɔnu lé lezan ’ko a kɛlɛ, ’té é a wo va, wa gɔɔn a lɛ.

Bélidɔwesɛbɛ Fiézan 14:29

Yé Lévi mi lé é ’ka ’ézé tɔnɔfɛ ye lɛ ka va lo, yee koo, bɛn bɛ gi munu koo, ti valé bugalazannu koo, gyɛzaralomu koo, ’té wo ke ka va bɛ, wo dan a ble lɛ yé wo dan kan lɛ; ’ka kɛlɛ ’bɛ zo, Gakelebale, kalé Bale lé ka bɛ panyanama faa drɔɔ vole we gi.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 16:14

Ka koo, ka benu valé ka lunu koo, ka wuogɔnénu valé ka wuolomu koo, Lévi mi koo, bɛn bɛ mi koo, ti valé bugalazannu valé zanagalalomu lé wo ke ka va koo, ka faa gi é dan nana lɛ fɛti ’ko yinu la.

1 Timoté 3:2

É a lé léglizi tabinzan é kɛlɛ mi wéiin nya, ’té a na a do kpen, yuɛgidozan nya, bokunzan nya, mi zin nya é giébɛ gi, bɛn sɔlɛzan nya, wepaamigizan zin nya.

1 Timoté 5:10

dé wa ma we zin fé alé wezin kɛlɛle ma, dé éé nénu paan, dé é a bɛn sɔlɛzan nya, dé éé Kazambale lé munu gane ma folié, dé éé bɔa nyanéblemunu va, dé éé wezin gɔnɔ faa kɛla, ’wo ’bɛzan tɔ gyɛ ma.

Tite 1:8

Naa, ’é kɛlɛ bɛn sɔlɛzan koo, wezin sɔlɛzan koo, ’wuoatazan koo, mi tegele koo, bo nɔ Bale lɛzan koo, bokunzan koo, a nya;

Filémɔn 1:7

Ilé munu lɔrɔpale an gi nana é baba yé é an tɔrɔ paa webozen nya. Yé an bwe, ilé we ma lé Kazambale lé munu bli dɔrala.

Ébrunu 13:2

Té ka gi é san bɛn sile ma lo. Naa, a kɛlɛle nya lé mi kenu yiana nɔ lanjenu lɛ, ’té wo ’ka a gi dɔɔa léé, wa lanjenu nya lo.