WENÉNÉ LÉ LUK A GYE (Évangile selon Luc) 14:11 - Kazambale lé Sebe Sauunu 1979

¹¹ Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

WENÉNÉ LÉ LUK A GYE (Évangile selon Luc) 14:11 ပူးပေါင်းရင်းမြစ်များ

2 Samuɛl 22:28

Munu lé wo ’wobo kɛla kiéné, i wo sié we gi, Yé i boblɛnzannu zunwo i yuɛ vɔle wo ta nya.

Esitɛɛ 6:10

Minwiinzan blɛn lé Aman lɛ léé: ’I sɔ ’ko valé wisoo ’ko si é nya do, yé fɛan zo lé bé fe bɛ, bé kɛlɛ Juifi mi Maadosé lé ke é nyanale minwiinzan blɛn lé gɔrɔ ’léé bɛ, a lɛ. We faa lé bé fe bɛ, té bé do kpen vo lo.

JOB (Job) 22:29

Dé tuawe bɔ i ma, i dan bazoro lɛ yé i dan nwa lɛ é ziin; Mi lé a ’wuo ke é vɔle a wuo, Kazambale éé bɔa ’bɛzan va.

Lɛrɛvɔ Sɛbɛ 138:6

Gakelebale a loru, ’té éé bokiénémunu yé, Naa, éé boblɛnzannu ma kunna yé, ’té wa baa.

Lɛrɛvɔ Sɛbɛ 18:27

Ibo nagɔɔn‐an mi gibɔle nya mi gibɔle lɛ, Yé i we kɛla mi vɔnle lɛ alé we vɔnle yɛrama.

Wegɔnévɔlenu 15:33

Kanale Gakelebale lee éé wedɔɔle no mi lɛ, yé tɔbɔle éé dan bo kɛlɛle kiéné zuo.

Wegɔnévɔlenu 18:12

Mi lé é ébo kɛla blɛn, a guruzanale a gi bɔ é pu; naa, bo kiéné ɛ dan tɔbɔle nya.

Wegɔnévɔlenu 25:27

Zɔrɔnyɔnɔ kiɛre blele ’ka é zima lo, naa, mi bɛ tɔ zin fele a mi tɔbɔwe nya.

Wegɔnévɔlenu 29:23

Boblɛn éé mi kɛla kiéné, naa, woo bokiénézan tɔ bɔa.

Ézai 2:11

Mi lé éé mi naginian é yuɛ zuo glan‐un, Bale é dan ’bɛzan ta zana lɛ yé Bale é dan boblɛnzan kɛlɛ lɛ kiéné. ’Bɛ yi la Gakelebale do kpen ɛ dan kɛlɛ lɛ blɛn.

Ézai 2:17

Boblɛnzan é dan kɛlɛ lɛ kiéné yé mi gini é yuɛzuozan ta é dan zana lɛ. ’Bɛ yi la Gakelebale do kpen ɛ dan kɛlɛ lɛ blɛn.

Ézai 57:15

Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.

Matio 23:12

Mi lé ébo nwaan blɛn, wo dan a tua lɛ, yé mi lé é ébo tuaan, wo dan a nwa lɛ blɛn.

WENÉNÉ LÉ LUK A GYE (Évangile selon Luc) 1:51

É é bɛ plɛplɛ nagɔɔn; Munu lé, boblɛn gi bɔrɔle ke wo bli gi, é wo fwila.

WENÉNÉ LÉ LUK A GYE (Évangile selon Luc) 1:52

É munu plɛplɛnu lé webleblinnu yara bua, Yé é bokiénémunu vɔ a ma.

WENÉNÉ LÉ LUK A GYE (Évangile selon Luc) 14:12

Jézu lé é ziin é laazan lɛ léé: Dé i yiéyi fɛ kɛlɛoo, dé i nyanadi fɛ kɛlɛoo, i béénu koo, i bwenu koo, i lelenu koo, i bɔlu fuablezannu koo, té i wo do kpen laa lo, dé wo da i laa é ziin yé wa lɛgi kɛlɛ i lɛ.

WENÉNÉ LÉ LUK A GYE (Évangile selon Luc) 18:14

Maa lé ka lɛ léé, mi ’ko go élé kɔn ’léé mi tegele nya, é mini é bɔluzan ta. Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

SEBE LÉ JAK A GYE (Épitre de Jacques) 1:9

Bwe lé fɛ kiéné ke a lee, é a lé a gi ’é nana é tɔ nwale we ma.

SEBE LÉ JAK A GYE (Épitre de Jacques) 4:10

’Kabo kɛlɛ kiéné Mizambale ’lɛ, yé é dan ka kɛlɛ lɛ blɛn.

SEBE LÉ JAK A GYE (Épitre de Jacques) 4:6

Naa, Kazambale éé zin taa kɛla kaa lɛ, bɛwemalé Kazambale lé sɛbɛ léé: Kazambale éé dɔa boblɛnmunu ma plɛplɛ; Naa, éé zin kɛla bokiénémunu lɛ.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

1 Piɛri 5:6

’Kabo kɛlɛ kiéné Kazambale bɛ plɛplɛ wuo, yé dé a bléyi bɔ yé Kazambale ’é ka kɛlɛ blɛn;

1 Samuɛl 15:17

Samuɛl léé: Bléyian va lé i ke kiéné ibo yuɛ gi, i ’ka kinin lɛ Izraɛl bɛnnu nwiinzan nya loo? Gakelebale ’ka nyɔnɔ zén lɛ i nwiin i kɛlɛle Izraɛl nwiinzan nya we gi loo?