WENÉNÉ LÉ LUK A GYE (Évangile selon Luc) 13:34 - Kazambale lé Sebe Sauunu 1979

³⁴ Jérusalɛm munuoo, Jérusalɛm munu! Ka lé ka balelayemunu gya, ’té munu lé maa wo paan ka lɛ zia ka wo gya gɔlɛ nya, gɔnɔ kiɛre nya maa a a va léé, maa ka wɔra an va bélé fɛan zo lé mane tina é élé nénu wɔraan é bɛa wuo, a zo, yé ka ’ka a nyi si lɛ lo.

WENÉNÉ LÉ LUK A GYE (Évangile selon Luc) 13:34 ပူးပေါင်းရင်းမြစ်များ

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Néémi 9:30

I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 17:8

’I an takuun bélé yuɛzooné takuunle zo; ’I an ta béli dɔ i bɛa buale an ta nya,

Lɛrɛvɔ Sɛbɛ 36:7

Ilé we tegele a bélé ilé gɔ blɛnnu zo, Ilé weblelenu a bélé guru blɛɛn zo. Gakelebale, i munu valé winu kunwo é zima.

Lɛrɛvɔ Sɛbɛ 57:1

David lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ lo. Bale tɔbɔlɛrɛ lé David a vɔ, bléyian va lé Saul a zuo bin, yé é go yɔɔ lɛ gɔmaguru gi.

Lɛrɛvɔ Sɛbɛ 81:13

Naa, wo bli a zi bɛ ta, amalé maa wo vo wobo lé blibɔmawe lee, Woo tawoo ’wobozen lé weplalenu yɛrama.

Lɛrɛvɔ Sɛbɛ 91:4

É dan i ta bua lɛ é kyɛɛ nya Yé i dan yɔɔna ye lɛ a bɛanu wuo; Alé yara pale we ta a i takuunfɛ valé i golɛtayɔɔfɛ nya.

Ézai 30:15

Naa, Mizan, Gakelebale, Izraɛl lé Mi Sauun léma: Dé ka nɔla an va yé ka flin an va, é dan kɛlɛ lɛ ka sile we gi nya; vole drɔɔ valé ka pale an ta, é dan kɛlɛ lɛ kalé plɛplɛ nya. Naa, ’bɛ ’ka sɔ lɛ ka lɛ lo.

Ézai 50:2

An da, mɛmalé mi do kpen ’ka an si lɛ zia loo? An mi laa, mɛmalé mi do kpen ’ka we lɛ loo? An bɛ ’ka sɔa mi tabole nya loo? Plɛplɛ ’ka an lee yé maa mi so we lee loo? An bon‐ɛn‐an wɛyi nya yé é béli, Maa yuunu kɛla nyéné’saa nya; ’Yi ’ka lo, amalé wo va pɔnu é zamaga wo ’yiminilɔrɔ nya, Yé wo vɔn.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 26:23

Yé wo Uri si Éjipiti tɛrɛ la, yé wo da a nya minwiinzan blɛn Jojakim va. ’Bɛ a gyɛ gwɔun nya, yé é a gale vuli mipana.

Jérémi 35:14

Dére lé Rékab bé Jonadab a fe é benu lɛ léé, té wo dɔrɔ mini lo, wa tawe kɛlɛ, yé wo ’ka a minian lo fɔɔ kyɔ; naa, wo dɔ wo tra dére ta, azama. Yé maa, an wefele sia ka lɛ bladi yé an ’ka daanma a ma lo, yé ka ’ka tɔné dɔ lɛ an lɛ lo.

Jérémi 35:17

Amalé Gakelebale lai sunyanu lé Bale, Izraɛl munu lé Bale léma: Ka ye, we tɔntɔnnu faa lé maa wo lɛ kini Juda munu koo, Jérusalɛm munu koo, wo lɛ, maa dan wo kɛlɛ lɛ wo lɛ. An wo laa, yé wo ’ka we lɛ lo, azama.

Jérémi 6:16

Gakelebale léma: ’Ka dɔ zinu ta, ’ka a nagini yé ’ka a ma laa léé: Zi kyɛnnu ɛ ke zi kwanu nyaa? Zi kyɛn ɛ ke zi zin nyaa? ’Ka tawo a ’léé yé ka dan flinle ye lɛ kabozen zé nya. Naa, wa zi pa léé: Ko ’ka dan tawo lɛ a ’léé lo.

Jérémi Lé Wuvɔ Sɛbɛ 1:16

Bɛwemalé an wuvɔa, ’té an yuɛyi éé zén‐é, Naa, mian énɔ an tɔrɔ paama, é si an ma baa, Mian éé an fuu dɔa an ta, yee lé. Guliwuo vo an nyanézannu lɛ, amalé an benu bli kyɛ dɔ é baba.

Jérémi Lé Wuvɔ Sɛbɛ 4:13

Alé balelayezannu lé wenyanénu ma ban lo, Alé Balebanzannu lé Wo mi tegelenu nyɛ zana A méléna, wolé weplenu ma ban lo.

OZÉ (Osée) 11:2

Dé maa wo laaoo, ’té wo yara a wo ’lɛ mi; Wo Baalnu ban Yé wo lasikɔrɔpo kyɛ ble yonu lɛ.

OZÉ (Osée) 11:7

Saanbli a anlé munu gi, wo si an ma baa. Wa fe wo lɛ léé, ’wo Loruzan nagini, naa, wo va mi do kpen ’ka yuɛ vɔ lɛ ana lo.

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Zakari 1:4

Té ka kɛlɛ bélé ka tranu zo lo. Balelayezan vininnu we fe wo lɛ léé: Lai sunyanu lé Gakelebale léma: ’Ka si kalé zi naanénu ta, ’ka daan ka kɛlɛwe naanénu ma. Naa, wo ’ka ’wo tɔné dɔ lɛ ’bɛnu lɛ lo, yé wo ’ka a ’male nyi si lɛ an lɛ lo. A zo lé Gakelebale a fe.

Matio 22:3

Munu lé é wo laa fɛti kɛlɛle ma, é wuomunu nwunvɔ wo laana léé, ’wo da. Naa, wo ’ka a va léé, ’wo da lo.

Matio 22:6

yé mi pɔnénu minwiinzan wuomunu kun yé wo wo sɔnɔ yé wo wo gyɛ.

WENÉNÉ LÉ LUK A GYE (Évangile selon Luc) 15:28

Gɔnézan bli fli yé é ’ka a va léé, é wɔra kɔn gi lo. A ti bɔra yé ’bɛ zanté vɔ a lɛ léé, ’é wɔra.

WENÉNÉ LÉ LUK A GYE (Évangile selon Luc) 19:44

Wo dan i guru zana lɛ a gi tata, bii valé i ta munu nya. Bléyian va lé an da ka va, ka ’ka a gi dɔɔ lɛ lo, amalé wo ’ka dan i gɔlɛ do kpen vo lɛ é ke ta lo.

WENÉNÉ LÉ LUK A GYE (Évangile selon Luc) 23:28

Jézu nɔla yé é lé wo lɛ léé: Jérusalɛm lomu, té ka wuvɔ maa ta lo; ’ka wuvɔ kabozen valé kalé nénu ɛ ta.

Kelewenu 7:52

Balelayezannu va mi kyɛn ta lé ka tranu ’ka nyané pa lɛ loo? Munu lé, wo Mi Tegele dale fe é kyɛn, ka tranu wo gyɛ. Lao ka ’bɛzan liwo yé ka kɛlɛ ’bɛ gyɛzannu nya,

Kelewenu 7:59

Bléyian va lé wa Étiɛne gyɛna gɔlɛ nya, ’té éé bazoroan a fele nya léé: Mizan Jézu, ’i an si.

Kelewenu 8:1

Étiɛne gyɛle sɔ Sɔl lɛ. A yi duo nya wo nyané pa Jérusalɛm léglizigimunu ta é baba, yé wo faa nwɛɛn Judé tɛrɛ valé Samari tɛrɛ la. Nwunvɔzannu saa ɛ vo Jérusalɛm.

Bélidɔwesɛbɛ Fiézan 32:29

Dé é a lé wo we dɔɔ, ’té we lé wa ’ma, yee lé ke ’ko: Yé ’té wo gi bɔrɔan we lé é dan bɔ lɛ wo ma, a lɛ.

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Wegɔɔnle 11:8

Wo dan wo galenu pla lɛ fla blɛn lé wo Sɔdɔm valé Éjipiti tɔ pa a ma, ana vuun la; fla ’ko ta lé munu Wozan gyɛ yiliblan ta.

RUT (Ruth) 2:12

Gakelebale ’é a lɛi kɛlɛ i lɛ ma; Gakelebale Izraɛl lé Bale lé, i da i ta yɔɔ lɛ a bɛ wuo, ’é i banwo tegele ma.