WENÉNÉ LÉ LUK A GYE (Évangile selon Luc) 13:28 - Kazambale lé Sebe Sauunu 1979

²⁸ Abraam koo, Izak koo, Jakɔb koo, balelayemunu faa koo, bléyian va lé ka dan wo ye lɛ Kazambale lé fuatɛrɛ la ’té wo ka vuli béera, ’bɛ bléyi va ka dan wuvɔ lɛ yé ka dan ka suiɛ la ble lɛ.

WENÉNÉ LÉ LUK A GYE (Évangile selon Luc) 13:28 ပူးပေါင်းရင်းမြစ်များ

Lɛrɛvɔ Sɛbɛ 112:10

Dé bli nyanézan ’bɛ ye, a bli éé flian, Éé suiɛ dɔraan é ke la, é sɔ a lɛ léé, mi ’ko ’é ga. Bli nyanézannu lé blibɔmawenu yi éé gaan.

Matio 13:42

yé ’furu lé é tana kyɛ nya, wo dan wo vuli lɛ a gi, fɛana lé wuvɔle valé suiɛ la blele ke, ana.

Matio 13:50

yé wo dan wo vuli lɛ ’furu lé é tana kyɛ nya, a gi, fɛana lé wuvɔle valé suiɛ la blele ke, ana.

Matio 22:13

Minwiinzan lé é wuomunu lɛ léé: ’Ka a bɛ valé a gane yere yé ’ka a vuli béera gununu va, fɛana lé woo wuvɔa ’té woo suiɛ la blé, ana.

Matio 24:51

yé é dan a wi kini lɛ ékema yé é dan azé fɛ nɔ lɛ a lɛ bodrɔzannu va; ’bɛna lé wo dan wuvɔ lɛ yé wo dan ’wo suiɛ la ble lɛ.

Matio 25:30

Yé an wuozan boazan ’ko, ’ka vuli béera, fɛana lé woo wuvɔa, ’té woo suiɛ la blé, ana.

WENÉNÉ LÉ LUK A GYE (Évangile selon Luc) 10:15

Yé bii Kapɛnaum, i dan nwa lɛ fɔɔ la gii? Gba, wo dan i zun lɛ fɔɔ gamunu nyanana.

WENÉNÉ LÉ LUK A GYE (Évangile selon Luc) 14:15

Munu lé wa fɛ zi, wo va mi do dére ’konu ’ma aan wo, é lé Jézu lɛ léé: Mi lé é dan fɛble lɛ Kazambale lé fuatɛrɛ la, ’bɛzan zé a é zima.

WENÉNÉ LÉ LUK A GYE (Évangile selon Luc) 16:23

É a gamunu nyanana ’té éé nyané blé kaii, yé é yara dɔ loru yé é Abraam ye baa, ’té Lazaa a ’bɛ bɛ gi.

2 Tɛsalɔnik munu 1:5

We ’ko a gɔɔn tɔmase nya léé, Kazambale éé mi vaboo é zua, yé é a ye léé, a yara a ka yara léé, ka kɛlɛ Kazambale lé fuatɛrɛ la munu nya, amalé ka ke nyané blena bɛ.

2 Piɛri 1:11

’Ko zo lé Bale é dan a nyi si lɛ é bli faa nya léé, ka wɔra Kaazan, kaa Bélizan Jézu Krist lé fuatɛrɛ lé é ’ka nyaan lo, a ta.

Wegɔɔnle 21:8

Naa, kanazannu koo, blipaanlomunu koo, we gin dɔle kɛlɛzannu koo, migyɛzannu koo, pɛnpɛnnégyɛmunu koo, yokɛlɛmunu koo, miyilibɔzannu koo, viéwomunu faa koo, wozé é dan kɛlɛ lɛ kyɛ lé ke blɛn bélé gyankyɛ zo, ’té wo povun zén a va, a nya, yee lé ke gale fiézan nya, ’té mi gulii ga é wo sin bɛ.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.