WENÉNÉ LÉ LUK A GYE (Évangile selon Luc) 12:20 - Kazambale lé Sebe Sauunu 1979

²⁰ Naa, Kazambale lé a lɛ léé: ’Tugyɛzan, kyɔ é béli ’ko, maa dan i laa lɛ; yé fɛnu lé i wo tadɔ bɛ, wo dan kɛlɛ lɛ de ɛ zé nyaa?

WENÉNÉ LÉ LUK A GYE (Évangile selon Luc) 12:20 ပူးပေါင်းရင်းမြစ်များ

Esitɛɛ 5:11

Aman élé fua tɔbɔle lé we fe wo lɛ, é benu ’léé fe, we faa lé minwiinzan blɛn a kɛlɛ a lɛ a tɔ nwale nya bɛ, é ’bɛ fe, yé dɔna lé minwiinzan blɛn a nɔ a lɛ, ’té é mini tɔzannu valé ’bɛ leemunu ta bɛ, é ’bɛ fe wo lɛ é ziin.

JOB (Job) 27:8

Dé Kazambale ’é sɔnɔzan yi bɔi a ta, Dé é aboen si, ’Té a bli a mɛ we ɛ lɛ é dɛrɛɛ?

Lɛrɛvɔ Sɛbɛ 39:6

Bé ye, i anlé yinu nɔ an lɛ, wa bélé an bɛlaa nya do zo, Yé anlé vole é yuɛma ’ka fɛ do kpen nya i yuɛ gi lo. Iin, mi faa lé wo ke é dɔle loru, wa fu fɛɛle do nya. Ka ye do.

Lɛrɛvɔ Sɛbɛ 49:10

Wo ’ka dan vo lɛ é yuɛma yifaama lo, Wo ’ka dan vuru lɛ guru gi yele ma lo.

Lɛrɛvɔ Sɛbɛ 73:19

Yé bé gini do, keletɔɔn, wozé nyaa. Wo wo si ana é kele, yé ana vo é pla.

Lɛrɛvɔ Sɛbɛ 78:30

Bléyian va lé wolé fɛblele a tan wo ’léé, ’Té a lɔrɔ ’ka tan si lɛ wo ma lo,

Wegɔnévɔlenu 10:2

Wenyané ma fɛwezannu yele tɔnɔ ’ka lo, naa, wetegele éé mi sié ga lee.

Wegɔnévɔlenu 11:4

Blifliyi nya, fuafɛnu ’ka we do kɛla lo, naa, we tegele kɛlɛle éé mi sié ga lee.

Wegɔnévɔlenu 13:7

Mi kenu wobo kɛla fua nya ’té fɛ do kpen ’ka wo lee lo; mi kenu wobo kɛla nyanégyɛzan nya ’té fuafɛnu a wo lee di.

Wegɔnévɔlenu 27:1

Té ibo ze vɔ tɛlɛ we kɛlɛle ma lo, naa, we lé éé bɔa yi do do ma, i ’ka a gi dɔɔa lo.

Wegɔnévɔlenu 28:8

Mi lé élé fɛnu gi gya tɔnɔ yele élé gɔɔli ma valé a pale a ma we ma, éé wo tééan mi lé a nyanai éé zén‐é nyanégyɛzannu ta, azé nya.

Ézai 56:12

Wo léma: ’Ka da, an dan go lɛ nwɛ gini lɛ yé ko dɔrɔ ’lɛ plɛplɛ mini; ko dan a kɛlɛ lɛ a zo tɛlɛ, yé ko a taa mini é ziin.

Jérémi 17:11

Doo éé buaan nyɛné lé é ’ka a vɔ lɛ lo, a ta fɛan zo bɛ, A zo duo lé mi lé éé fua blé dabli nya, a zo lé alé we ke. Alé tɛrɛla é dan bɔi lɛ a ta yé é si wo zi, Yé é kɛlɛ ’tugyɛzan nya é voéla.

Amɔs 6:13

Fɛ lé é ke fɛ pla nya, ’bɛ ma lé ka gi éé nanaan, yé ka léé, kobo lé plɛplɛ ma‐an ko ’lɛ dɔ loo?

Naum 1:10

Naa, kyɛ é dan wo ble lɛ Bélé lɔɔ gale zo tata. Wa é vurule ékema bélé lélinu zo, Bélé munu lé nwɛ éé wo gya, wo zo, azama.

WENÉNÉ LÉ LUK A GYE (Évangile selon Luc) 11:40

’Tugyɛzannu! Mi lé é fɛ lala kɛlɛ, é ’ka a gi kɛlɛ lɛ é ziin loo?

1 Tɛsalɔnik munu 5:3

Dé munu a fena léé, ’wa drɔɔ, we do ’ka ’wo ma lo, kele tɔɔn yé mi?-?gyɛwe é bɔra wo ma fiaa, bélé fɛan zo lé nyanéblele tɔntɔn éé bɔraan bɔnzan ma fiaa a zo, yé wo ’ka bɔa sole lɛ a gi lo.

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

1 Timoté 6:7

Naa, kaa ’ka bɔra lɛ tɛrɛ la fɛ do kpen nya kaa lee lo, yé é a wéiin léé, kaa ’ka bɔa gole lɛ fɛ do kpen nya kaa lee lo.

SEBE LÉ JAK A GYE (Épitre de Jacques) 4:14

We lé é dan bɔ lɛ tɛlɛ, ka ’ka a gi dɔɔa lo. Kalé tɛrɛla a kaa? Ka a fɛfulu lé éé bɔraan bléyi sɛ nya, yé ’bɛ zuo yé é san, a nya.