WENÉNÉ LÉ LUK A GYE (Évangile selon Luc) 11:42 - Kazambale lé Sebe Sauunu 1979

⁴² Farizimunu, ka gale nyɔ. Zian va blaanu lé wo ke mant valé ru nya, é valé ziannu koo, ka wo vuzan no, yé ka Kazambale lé we tegele valé é lɔrɔpale vo ka bɛ zuo; é a lé ’ka bɛnu é kɛlɛ, yé té ka a vininzannu kɛlɛle vo lo.

WENÉNÉ LÉ LUK A GYE (Évangile selon Luc) 11:42 ပူးပေါင်းရင်းမြစ်များ

Néémi 10:37

Ko fe é ziin léé, kolé buruyɔ vinin valé kolé blɛnu koo, yili faa poronu koo, dɔrɔ’yi vinin valé nyɔnɔ koo, ko dan da lɛ wo nya Balebanzannu lɛ kolé Bale lé kɔnminu zi. Ko dan kolé féifɛnu vuzan nɔ lɛ Lévinu lɛ. ’Té é a lé wa si woboan, fla faa lé ko féi paan wo ta, wona.

Wegɔnévɔlenu 21:3

We tegele valé we drɔle kɛlɛle a é sɔe Gakelebale yuɛ gi é mini saraka bole ta.

Bale Lé We Gifezan 7:18

’I vo a do kɛlɛna, yé té i yuɛi blan a koɛ kɛlɛle ma lo; naa, mi lé éé kanaan Kazambale lee, é ’ka we ’konu kɛla yé é gié é glɛ la lo.

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

Malasi 1:6

Gakelebale we fe ’kaa Balebanzannu lɛ léé: Né é é ti lɛdɔama, yé mi leezan é ézan lɛdɔama. Dé maa a ka ti nya, kalé an lɛdɔmale a kyɛɛn? Dé maa a kazan nya, kalé kanale an lee a kyɛɛn? ’Kaa Balebanzannu, ka nyé yéli an tɔ ma yé ka léé: Ko nyé yéli i tɔ ma kaa?

Malasi 2:17

Ka Gakelebale wɔlɛ gi nyaa é ma ka dére nya, yé ka léé, ’wo a wɔlɛ gi nyaa a ma mɛ nyaa? Ka fé léé: Miomian wenaané kɛlɛ, é a é zima Gakelebale yuɛ gi, yee ɛ Gakelebale gi nanaan. ’Bɛ dére ’ko ɛ Gakelebale wɔlɛi nyaa é ma; dé ’bɛ kaan lo, ka fé léé: We tegele kɛlɛ Bale a kyɛɛn?

Malasi 3:8

Mi éé dabli kɛla Bale lɛɛ? Naa, ka dabli kɛlɛ an lɛ. Yé ka léé: Ko dabli kɛlɛ i lɛ kaa? Ka dabli kɛlɛ an lɛ kalé fɛvuzan valé blɛfɛ nɔle nya.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

Matio 23:23

Sɛbɛgifemunu valé Farizimunu, bodrɔzannu, ka gale nyɔ. Zian va blaanu mant koo, anɛt koo, kumɛn koo, ka wo vuzan no, yé we lé é ke blɛn é mini wo ta bélidɔwe gi, ka ’bɛ voo ka bɛ zuo; we tegele kɛlɛle koo, nyanai zénle koo, yarapale we ta koo, woo lé ka wo voo ka bɛ zuo. É a lé ka ’bɛnu é kɛlɛ, yé té ka a vininzannu vo ka bɛ zuo lo.

Matio 23:27

Sɛbɛgifemunu valé Farizimunu, bodrɔzannu, ka gale nyɔ. Ka a bélé mi vunnu lé wo tɔrɛ fu gié wo ma, a zo. Wo ma a é nɔnɔmi yé wo gi a é fanle migale wɔlɛnu valé fɛ naané gɔnɔ faa nya.

WENÉNÉ LÉ LUK A GYE (Évangile selon Luc) 18:12

maa lɔrɔ sɔn‐o flɛyi do gɔnɔ fié; fɛnu faa lé maa wo yé, maa wo vuzan no i lɛ.

WENÉNÉ LE JAN A GYE (Évangile selon Jean) 5:42

Naa, maa ka dɔɔ: maa a gi dɔɔ léé, Kazambale ’ka sɔ lɛ ka lɛ lo.

1 Jan 4:20

Dé mi do a fe léé, Kazambale sɔ ’é lɛ, yé a bwe za a a gi, ’té ’bɛzan a viéwona. A bwe lé éé ’bɛ yé, dé ’bɛ ’ka sɔa a lɛ lo, Kazambale lé é ’ka ’bɛ yé lo, ’té ’bɛ éé sɔa a lɛ kaa?

1 Samuɛl 15:22

Samuɛl léé: Balebanwe kyɛblele valé sarakanu bole éé sɔa Gakelebale lɛ bélé tawole Gakelebale dére ta zoo? Bé ye, lɛdɔmale fila vɔ é mini saraka bole ta, yé a dére ta tawole fila vɔ é mini ’blagɔné nyɔnɔ ta.