WENÉNÉ LÉ LUK A GYE (Évangile selon Luc) 11:4 - Kazambale lé Sebe Sauunu 1979

⁴ ’i ko ma we vo, naa, ko é ziin, dé miomian éé wenyané kɛla ko lɛ, ko ’bɛzan ma we voo; té i go ko nya ko gi danna lo.

WENÉNÉ LÉ LUK A GYE (Évangile selon Luc) 11:4 ပူးပေါင်းရင်းမြစ်များ

Wepélisiananu 48:16

’é valé lanje lé é an si wenaané faa gi, ’wo né ’konu drɔɔ vo ma. ’Wo wo laa an tɔ nya ma, ’é valé an tinu Abraam valé Izak tɔ nya ma. Yé ’wo fan, yé ’wo kɛlɛ di tɛrɛ ’ko la ma.

1 Minwiinzannu 8:34

’bé ’ma lanu gi ma, ’i ilé munu Izraɛl ma we vo ma, yé ’i da wo nya é ziin, tɛrɛ lé bé nɔ wo tranu lɛ, a ta ma.

1 Minwiinzannu 8:36

’bé ’ma lanu gi ma, ’i i wuozannu valé ilé munu Izraɛl ma we vo ma. Zi zima lé é a lé wo a ta tawo, ’bé gɔɔn wo lɛ ma; yé ’i lɛɛ da, tɛrɛ lé bé nɔ ilé munu lɛ wolé tɔnɔ nya, a ta ma.

Lɛrɛvɔ Sɛbɛ 121:7

Gakelebale é dan i takuun lɛ wenyané faa lee, É dan i boen takuun lɛ;

Lɛrɛvɔ Sɛbɛ 25:11

Oo Gakelebale, i tɔ lé we ma ’I an mawe vo anlé weple ma, naa, é a blɛn.

Lɛrɛvɔ Sɛbɛ 25:18

An kɛlɛ nyanaizénlazan nya anlé nyanéblele gi fɛan zo, bé ye do, Yé ’i an ma we vo anlé wenyanénu faa ma.

Daniɛl 9:19

Mizan, ’i tɔné dɔ! Mizan, ’i ko ma we vo! Mizan, bé ’ma ma! Anzan Bale, bé kɛlɛ, té i mɔn lo, i tɔ kɛlɛle blɛn lé we ma! Naa, i tɔ a ilé fla valé ilé munu ma.

OZÉ (Osée) 14:2

’Ka da Gakelebale va yé ’ka ka gi we fe. ’Ka fe a lɛ léma: ’I ko ma we vo kolé weple faa ma, yé ’i ko si é zima. Ko ’ka dan i ban lɛ diri nya lo, naa, ko dan i ban lɛ ko lɔlu nya.

Matio 18:35

A zo lé an Ti lé é ke la gi é dan a kɛlɛ lɛ ka lɛ, ’té dé ka faa ’ka ka bwenu ma we voo ka bli faa nya lo.

Matio 26:41

’Ka vo é yuɛma yé ’ka bazoro, té wo ka gi dan lo we ma; mi bli a nyi sié, naa, mi a tɔɔtɔɔ.

WENÉNÉ LÉ LUK A GYE (Évangile selon Luc) 11:5

Jézu lé é ziin wo lɛ léé: Dé ka va mi do béé a, yé é go a va tu la yé é lé a lɛ léé: An béé, ’i buru yaa drɔn pa an ma,

WENÉNÉ LÉ LUK A GYE (Évangile selon Luc) 13:4

Naa, mi vu ta sɔraa lé Siloé kɔn torole dia wo ta yé é wo gyɛ, é dɔ ka gi léé, we a wo nwiin é mini Jérusalɛm munu pɔnénu faa taa?

WENÉNÉ LÉ LUK A GYE (Évangile selon Luc) 22:46

Yé é lé wo lɛ léé: Mɛmalé ka a yigyɛnaa? ’Ka nwa yé ’ka bazoro, té wo ka gi dan lo we ma.

WENÉNÉ LÉ LUK A GYE (Évangile selon Luc) 8:13

Wo lé wo dia gɔlɛ ta, wa munu lé woo Bale dére maan yé wa sié gi nanale nya, wo nya; naa, wo suni ’ka goo baa lo, woo bli voo Bale dére lɛ bléyi sɛ nya, yé woo diaan mi gidanbléyi va.

WENÉNÉ LE JAN A GYE (Évangile selon Jean) 17:15

Maa ’ka a fena i lɛ léé, ’i wo si tɛrɛ la lo, naa, maa a fena i lɛ léé, ’i yuɛ pa wo va Nyanézan lé we ma.

1 Korent munu 10:13

Wenu lé wo bɔ ka ma ka gidanwenu nya bɛ, woo bɔa munu faa ma. Kazambale a yarapawelazan nya, yé é ’ka dan a nyi si lɛ léé, ka gidanwe é ka kele lo, naa, dé gidanwe bɔ ka ma, é dan bɔ lɛ ka va, yé ka a kele.

Kolɔs munu 3:13

’Ka ’wuo dɔ ka ke wuo ma, yé dé wesiawe a mi valé é bɔluzan worona, ’wo wo ke ma we vo ma. Fɛan zo lé Krist ka ma we vo, ’ka ka ke ma we vo a zo é ziin.

2 Tɛsalɔnik munu 3:3

Mizambale a yarapawelazan nya, é dan ka dɔ lɛ gligli, yé é dan ka ta kuun lɛ Satan lee.

2 Timoté 4:18

Mizan é dan an si lɛ wenaanénu faa wuo, yé é dan an béli lɛ, yé é dan go lɛ an nya élé lagi fuatɛrɛ la. ’Wa tɔ bɔ lɛɛfaama ma. Amɛɛn.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.