Maa dan a kɛlɛ lɛ léé, yuɛwiimunu é tawo zi lé wa dɔɔa lo, a ta, Maa dan go lɛ wo nya zi prɔɔné lé wo ’ka a dɔɔa lo, a ta; Maa dan gunuti nɔla lɛ san nya wo ’lɛ, Yé maa dan zi plinle drɔ lɛ zi tegele nya; We lé maa dan a kɛlɛ lɛ, yee lé ke bɛ, yé an ’ka dan sɔn vɔ lɛ wo ma lo.
’Ko Gakelebale dɔɔ ma, ’ko kwa kuli léé, ’ko a dɔɔ ma; za ’ka a dale ta lo, bélé tu kinile zo. É dan da lɛ kolé we ma bélé lɛɛ zo, bélé lɛɛ vinin lé éé tɛrɛ ta blin‐an, a zo.
É lé wo lɛ léma: Bɛwemalé, sɛbɛ?-?gifezannu faa lé wo Kazambale plale mi nwiin lé we dɔɔ, wa bélé kɔnzan lé éé fɛ dɛrɛnu valé fɛ kwanu sié élé fɛwezannu va, a zo.
Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.
Amalé té kaa kɛlɛ nénu zo é dɛrɛ lo; té kaa bli é kɛlɛ we faa lɛ lo; té kaa go wepaale faa zuo lo; té mi tablezannu é kaa saan wolé dabli kɛlɛle valé wolé suyɛn dére nya lo;
Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.
Naa, bélidɔwe lé gun ’ka a ma lo, ’té éé mi voo éboma, mi lé éé a gi kulian pɛnpɛnpɛn yarapalale nya, ’té é ’ka é tɔné dɔa a lɛ é pla yé ’bɛ zuo yé éé saan a gi lo, ’té éé a tawe kɛla tegele, ’bɛzan gi é dan nana lɛ, é a lɛdɔma, ’bɛzama.