WENÉNÉ LÉ LUK A GYE (Évangile selon Luc) 11:13 - Kazambale lé Sebe Sauunu 1979

¹³ Naa, ka‐an ka ke é naané, dé ka fɛ zin nɔle gi dɔɔ kalé nénu lɛ, ka Lagi Ti ’ka dan Léli Sauun nɔ lɛ munu lé wa laan a lee, wo lɛ loo?

WENÉNÉ LÉ LUK A GYE (Évangile selon Luc) 11:13 ပူးပေါင်းရင်းမြစ်များ

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

Lɛrɛvɔ Sɛbɛ 51:5

Naa, maa anlé bélidɔwe sɛrɛlenu dɔɔ, Yé anlé wenyané sele a an gi bléyi faa va.

Wegɔnévɔlenu 1:23

’Ka nɔla anlé wepladére ’male we gi. Ka ye, maa dan an léli zén lɛ ka ta. Maa dan an dére paa lɛ ka gi.

Ézai 49:15

Né lé lezan ke nyɔ dɔna a ’léé, a sele éé saan lezan gii? A nyanai ’ka zén‐é é giné ta loo? Dé a gi san a maoo, I sele ’ka dan saan lɛ an gi lo.

Ézékiɛl 36:27

Maa dan an léli nyana lɛ ka gi, yé maa dan a kɛlɛ lɛ léé, ka an déretawenu kɛlɛ, yé ka anlé bélidɔwenu lɛdɔma yé ka wo ta tawo.

Joɛl 2:28

’Bɛ zuo, an dan an Léli zén lɛ mi faa ta; Ka benu valé ka lunu é dan balelawe fe lɛ, Kalé mi kwanu é dan nyɛ gyɛ lɛ, Yé kalé pɛniɛnu wo dan wenu ye lɛ yuɛzi gi.

Matio 5:16

Kalé san ’é munu va kini yee ɛ zo ma, wolé ka kɛlɛwe zinnu yele we ma yé ka Ti lé é ke la gi yé wa tɔ zin bɔ.

Matio 5:45

É a lé ka kɛlɛ yee ɛ zo, ka Ti lé é ke la gi, ka kɛlɛle a benu nya we gi, naa, é élé yiri bié wenyanékɛlɛmunu valé wezinkɛlɛmunu ta, yé éé lɛɛ dan mi plenu valé mi tegelenu ta.

Matio 6:14

Dé ka munu ma we vo, ka Lagi Ti é dan ka ma we vo lɛ é ziin.

Matio 6:30

Bli paan tegele lo zannu. Dé Kazambale éé sɔ zén‐é féi lunu ta ’ko zo, ’té ’bɛnu ke ana kyɔ yé tɛlɛ wo ’bɛnu vulian ’furu gi, é ’ka dan kazé mini lɛ wozé ta loo?

Matio 6:32

Fɛ ’konu faa lé kwa lé tɛrɛlamunu ke a kulina. Naa, ka Lagi Ti a gi dɔɔ léé, ka mawe a wo faa gi.

Matio 7:11

Naa, ka‐an, ka ke é naané, dé ka fɛ zin nɔle gi dɔɔ kalé nénu lɛ, ka Ti lé é ke la gi, é ’ka dan fɛ zinnu nɔ lɛ munu lé wa laan a lee, wo lɛ loo?

WENÉNÉ LÉ LUK A GYE (Évangile selon Luc) 11:12

Yé dé ’bɛ manenyɛné laa a lee, yé é zɛnɛa nɔ ’bɛ lɛɛ?

WENÉNÉ LÉ LUK A GYE (Évangile selon Luc) 11:2

É lé wo lɛ léé: Dé ka a bazorona, ’ka fe ’ko zo: Ko Ti, munu ’é kana i tɔ ma ma; ilé plale munu nwiin ’é da ma.

WENÉNÉ LÉ LUK A GYE (Évangile selon Luc) 18:7

Yé munu lé Bale wo si a va ézé nya, ’té woo siaan a lɛ bladi nyanadi, é ’ka dan wo nyanémunu lé we ble lɛ loo? É dan mɔn lɛ faa ’lɛ yé é wolé we blee?

WENÉNÉ LE JAN A GYE (Évangile selon Jean) 4:10

Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

Kelewenu 2:38

Piɛri lé wo lɛ léé: ’Ka bli nɔla ma, yé ’wo ka faa batizéwo Jézu Krist tɔ nya, Bale lé ka ma we vole we gi, yé ka dan Léli Sauun ye lɛ blɛ nya.

Rom munu 5:17

Mi do kpen lé we sɛrɛle ma lé ga a é dɔle munu faa nwiin yee mi do lé we ma, naa, munu lé Bale zin kɛlɛ wo lɛ kiɛre, yé é wo kɛlɛ tegele blɛ nya, wo dan vo lɛ é yuɛma yé wo dan pla lɛ munu nwiin Jézu Krist do kpen lé we ma. ’Bɛ néné ’ka mini lɛ loo?

Rom munu 7:18

Maa a gi dɔɔ léé, wezin do kpen ’ka an gi lo, ’bɛ gi léé, an dɔbɛ kyɛn gi lo; an bli bɔ wezin kɛlɛle ma, naa, a kɛlɛ plɛplɛ ’ka an lee lo.

Rom munu 8:32

Mi lé é ’ka ébozen Be tadɔ lɛ lo yé é a nɔ kaa faa lé we gi ’naan, é kɛla kaa yé é ’ka dan fɛnu faa nɔ lɛ zin nya kaa lɛ Jézu va é ta lé kɔn‐an loo?

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.