WENÉNÉ LÉ LUK A GYE (Évangile selon Luc) 10:42 - Kazambale lé Sebe Sauunu 1979

⁴² Naa, we do kpen ɛ ke mi mawe nya. A zin lé Mari a si ézé nya, yé wo ’ka dan a si lɛ a lee lo.

WENÉNÉ LÉ LUK A GYE (Évangile selon Luc) 10:42 ပူးပေါင်းရင်းမြစ်များ

Lɛrɛvɔ Sɛbɛ 119:111

Ilé weplalenu a yifaama anlé tɔnɔ nya, Naa, wa an bli gi ginanawe nya.

Lɛrɛvɔ Sɛbɛ 119:173

’I bɔ an va, Naa, maa i déretawenu si a va anzé nya.

Lɛrɛvɔ Sɛbɛ 119:30

An webozen lé zi si a va anzé nya, Maa ilé bélidɔwenu plaan an wuo.

Lɛrɛvɔ Sɛbɛ 142:5

’I yuɛ vɔ i bɛyilazia, yé bé nagini, Mi do ’ka an ma kunna yé lo, An yɔɔna ’ka é dɛrɛ lo, Mi do kpen ’ka gi bɔrɔan an boen ma lo.

Lɛrɛvɔ Sɛbɛ 17:15

Naa, dé é a maa nya, we ’ka an nwiin lo, yé an dan i yara ye lɛ, Dé an vuo tɔɔn, dé maa i ye, ’bɛ anzé bɔ.

Lɛrɛvɔ Sɛbɛ 27:4

We do lé an bli ke é bɔle a ma é baba, ’té maa a laan Gakelebale lee: Yee lé ke léé, an nyana Gakelebale lé kɔn gi anlé tɛrɛla faa gi, Gibɔrɔle Gakelebale tɔ blɛn ma we gi, Yee valé alé kɔn ze vɔle we ma.

Lɛrɛvɔ Sɛbɛ 73:25

De ɛ ke anzé nya la gii? Bii do kpen kaan loo? Yé an gi éé nanaan bii do ɛ gi tɛrɛ la ’ko.

Bale Lé We Gifezan 12:13

Wedɔɔzannu dérenu a bélé foroné zo; dé wa é gyɛle ékeva fɛ dona, wa bélé pɔnténu lé wo wo blin, wo zo; dére ’konu faa si mi do ’léé.

Maak 8:36

Yé dé mi tɛrɛlafɛ faa ye, dé ébozen san, ’bɛ tɔnɔ lé ke mɛ fɛ nyaa?

WENÉNÉ LÉ LUK A GYE (Évangile selon Luc) 10:39

A buru a, wa laama Mari; ’bɛ nyana Mizan gane ma, ’té ’bɛ éé tɔné dɔa a dére lɛ.

WENÉNÉ LÉ LUK A GYE (Évangile selon Luc) 11:1

Jézu a bazorona yi do nya fɛdona. É nyaa aan wo a zuomi do lé a lɛ léé: Mizan, ’i bazorole paa ko gi, bélé fɛan zo lé Jan a paa é zuomunu gi, a zo.

WENÉNÉ LÉ LUK A GYE (Évangile selon Luc) 12:20

Naa, Kazambale lé a lɛ léé: ’Tugyɛzan, kyɔ é béli ’ko, maa dan i laa lɛ; yé fɛnu lé i wo tadɔ bɛ, wo dan kɛlɛ lɛ de ɛ zé nyaa?

WENÉNÉ LÉ LUK A GYE (Évangile selon Luc) 12:33

’Ka ka leefɛnu dan yé ’ka a ma gɔɔli nɔ nyanégyɛmunu lɛ. Gɔɔli pa balanu lé wo ’ka sɛra lo, ’ka wo kɛlɛ kabo zé nya, yé fɛwezan lé é ’ka nyaan lo, ’ka wo téé la gi, fɛana lé kyeenwozan ’ka wɔraan lo, yé gyan ’ka vɔa fɛ ma lo, ana.

WENÉNÉ LÉ LUK A GYE (Évangile selon Luc) 16:2

É a laa yé é lé a lɛ léé: Mɛ we lé maa a maan i ma bɛɛ? Anlé fɛnu faa lé é ke i lee, ’ko nɔnɔ; i ’ka dan kɛlɛ lɛ an leezan nya é dɛrɛ lo.

WENÉNÉ LÉ LUK A GYE (Évangile selon Luc) 16:25

Abraam lé a lɛ léé: Anlé né, i ’ilé fɛ zinnu ye ilé tɛrɛla bléyi va, yé Lazaa nyané ye ézé bléyi va, ’bɛ saan i gii? Sin wa ’bɛ tɔrɔ paana ’ko, yé bii a nyané blena.

WENÉNÉ LÉ LUK A GYE (Évangile selon Luc) 18:22

Jézu ’bɛ ’ma aan wo yé é lé a lɛ léé: Ilé we do vo é ziin. ’Ilé fɛnu faa dan, yé bé mafɛ guli nyanégyɛmunu ma, yé i dan fɛwezan ye lɛ la gi. Dé i nyaa a nya faa ’i da an zuo.

WENÉNÉ LÉ LUK A GYE (Évangile selon Luc) 8:18

Bɛwemalé ’ka yuɛ pa kalé wemabɛ va; wo dan fɛ nɔ lɛ mi lé fɛ ke a lee, a lɛ, naa, mi lé azé ’ka lo, fɛ lé é dɔ a gi léé, é a ézé nya, wo dan ’bɛ si lɛ a lee é ziin.

WENÉNÉ LE JAN A GYE (Évangile selon Jean) 11:1

Bétani gɔné do lé wa laama Lazaa, a ma é yaan. Bétani a Mari valé é buru Maate lé fla nya.

WENÉNÉ LE JAN A GYE (Évangile selon Jean) 11:19

bɛwemalé Juifinu kiɛre da Maate valé Mari va, wo tɔrɔ paale we gi wo bwe gale lé we ma.

WENÉNÉ LE JAN A GYE (Évangile selon Jean) 12:3

Lasikɔrɔ lé é ke nari bozen nya é vlɛ nya blɛn, kilo buu nya, Mari a si yé é a zén Jézu gane ma, yé é a ganenu ma boo é nwin nya. Yé lasikɔrɔ gin kɔn ’ko fan.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

WENÉNÉ LE JAN A GYE (Évangile selon Jean) 6:27

Té ka nyanama pa fɛblele lé é dan gié lɛ bɛ, ’bɛ lé we ma lo. ’Ka a pa yee lé é vo vole é yuɛma lé a glɛ ’ka lo, azé nya, alé we ma; yee lé maa blami Be é dan a nɔ lɛ ka lɛ. Naa, Tibale ézé tɔmase pa maa ɛ ma.

1 Korent munu 13:3

Yé dé maa anlé fɛ faa nɔ fɛblele lɔle nyanégyɛzannu lɛ we gioo, dé maa an kɔlɛ nɔ é kyɛblele we gioo, dé sɔlɛle ’ka an gi lo, ’bɛ tɔnɔ do kpen ’ka kɛla an lɛ lo.

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Bélidɔwesɛbɛ Fiézan 30:19

Maa la valé tɛrɛ si anlé wenayezannu nya kyɔ léé, vole é yuɛma valé gale koo, drɔɔvole valé balepale koo, maa wo pla ka ’lɛ kyɔ. ’Ka vole é yuɛma si a va, ka valé kalé nénu vole é yuɛma we gi,

Jozué 24:15

Yé dé ka ’ka Gakelebale bɔle yé we zin nya lo, dé é sɔ ka lɛ ka mian bɔ, kazé si a va kyɔ, dé balenu lé ka tinu a bɔ yuu zi, dé ’bɛnu léé, dé Amorénu lé ka nyanaan wolé tɛrɛ la bɛ, dé wozé balenu léé, naa, maa koo, anlé kɔngimunu koo, ko dan Gakelebale bɔ lɛ.

Jozué 24:22

Jozué lé munu lɛ léé: Ka a kabo lé wenayezannu nya léé, ka Gakelebale si kazé nya, a bɔle we gi. Wa zi pa léé: Ko a anayezannu nya.