WENÉNÉ LÉ LUK A GYE (Évangile selon Luc) 10:22 - Kazambale lé Sebe Sauunu 1979

²² An Ti fɛnu faa nɔ an lɛ, yé mi lé maa, a Be ke a nya, mi do kpen ’ka a dɔɔa lo, ’té dé é ’ka an Ti nya lo; yé mi lé an Ti ke a nya, mi do kpen ’ka a dɔɔa lo, ’té dé é ’ka maa, a Be nya lo; é valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

WENÉNÉ LÉ LUK A GYE (Évangile selon Luc) 10:22 ပူးပေါင်းရင်းမြစ်များ

Matio 11:25

’Bɛ bléyi va, Jézu kun wefele ma yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ Wedɔɔzannu valé ’wuoatazannu ma, yé i wo nagɔɔn nénu lɛ.

Matio 11:27

An Ti fɛnu faa nɔ an lɛ; yé mi do kpen ’ka maa Bale Be dɔɔa lo, ’té dé é ’ka an Ti nya lo, yé é ziin, mi do kpen ’ka an Ti dɔɔa lo, ’té dé é ’ka maa Bale Be nya lo, maa valé mian é sɔ an lɛ léé, maa a nagɔɔn ’bɛzan lɛ, ’bɛ nya lo.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

WENÉNÉ LE JAN A GYE (Évangile selon Jean) 1:18

Mi do kpen ’ka tan Kazambale ye lɛ lo; a Be do kpen lé, a zoɛ bɛ ’ka lo, ’té yeebozen ke Bale nya, ’té é ke é Ti bɛ gi, yee ɛ a nagɔɔn.

WENÉNÉ LE JAN A GYE (Évangile selon Jean) 10:15

fɛan zo lé an Ti an dɔɔ yé an Ti dɔɔ, a zo, yé maa gaan anlé ’blanu ta.

WENÉNÉ LE JAN A GYE (Évangile selon Jean) 13:3

Yé Jézu a gi dɔɔ léé, é Ti fɛ faa bɛ pa é lee; é a gi dɔɔ léé, é si Kazambale va yé é dan go lɛ Kazambale va é ziin.

WENÉNÉ LE JAN A GYE (Évangile selon Jean) 17:10

Yé munu faa lé wo ke anzé nya, wa izé nya, yé munu faa lé wo ke izé nya, wa anzé nya é ziin, yé wolé we ma lé an tɔ kɛlɛ blɛn.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

WENÉNÉ LE JAN A GYE (Évangile selon Jean) 17:26

Maa i tɔ gɔɔn wo lɛ, yé maa dan a gɔɔn lɛ wo lɛ é ziin, sɔlɛle lé an sɔ i lɛ a nya, a kɛlɛle wo gi valé an kɛlɛle wo gi we ma é ziin.

WENÉNÉ LE JAN A GYE (Évangile selon Jean) 17:5

Yé sin, bii an Ti, ’i an tɔ kɛlɛ blɛn ibozen va, fua lé é ke an lee é kyɛn i va, ’té tɛrɛ ’ka tan lo, a nya.

WENÉNÉ LE JAN A GYE (Évangile selon Jean) 3:35

Be sɔ Ti lɛ, yé é we faa bɛ pa a lee.

1 Korent munu 15:24

Plale mi nwiin faa koo, lɛdɔmale faa koo, plɛplɛ faa koo, dé Krist wo sɛrɛ faa, ’té we faa ’wuo pla sin, yé é dan plale mi nwiin faa bɛ vo lɛ é Ti Bale lee.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Éfez munu 1:21

wemaplɛplɛzannu faa koo, fɛ faa lé wa lɛdɔama koo, plɛplɛ faa koo, mi faa lé a se ke wo lɛ koo, tɔ faa lé mi éé bɔa a laale lɛ, dé é a bléyi ’ko va nyaoo, dé é a bléyi lé é dan bɔ lɛ bɛ, a va nyaoo, ’bɛ tɔ faa koo, Krist nyanana a wo faa nwiin loru baa.

Ébrunu 2:8

Yé i fɛnu faa pla a wuo. Naa, dé wa fe léé, Bale fɛnu faa pla mi wuo, ’bɛ gi léé, fɛ lé é ’ka a pla lɛ a wuo lo, é ’ka lo. Naa, duowo, ko ’ka tan a ye lɛ léé, fɛnu faa a é plale a wuo lo.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

2 Jan 1:9

Miomian éé go baa yé é ’ka voo Krist lé wepaale va lo, Kazambale ’ka azé nya lo. Yé mian éé tawo wepaalenu ’ko ta, Kazambale valé é Be a azé nya.