WENÉNÉ LÉ LUK A GYE (Évangile selon Luc) 1:6 - Kazambale lé Sebe Sauunu 1979

⁶ Wo fiénu a mi tegele nya Kazambale yuɛ gi. Mizambale lé bélidɔwe faa koo, a ma we tɛtɛnénu faa koo, wa kɛla ’kyɛ, yé gun ’ka vo lɛ wo kɛlɛwe do kpen ma lo.

WENÉNÉ LÉ LUK A GYE (Évangile selon Luc) 1:6 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Wepélisiananu 6:9

Noé lé nénu lé ke ’ko: Noé a mi zin nya, é a mi tegele nya ézé bléyi va. Noé tawoo Kazambale va.

Wepélisiananu 7:1

Gakelebale lé Noé lɛ léé: ’I wɔra ’yitagoro gi, bii valé ilé munu nya; naa, maa i ye mi tégélé nya bléyi ’ko vamunu méléna.

1 Minwiinzannu 15:5

Naa, we lé ke tegele Gakelebale yuɛ gi, David a kɛlɛ, yé é ’ka é yara si lɛ alé bélidɔwe do kpen kɛlɛle ta lo alé tɛrɛla faa gi, ’té dé é ’ka Éti mi Uri lé we nya lo.

1 Minwiinzannu 9:4

Yé bii, dé i tawo an ’lɛ, i ti David tawo fɛan zo, a zo, bli tegele valé we drɔle kɛlɛle nya, ’té we faa lé maa i béli dɔ a nya, ’té bé kɛla, dé i tawo anlé bélidɔwe valé an déretawenu yɛrama,

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

2 Minwiinmunu lé Wezuofe Sɛbɛ 17:4

Naa, éé é ti lé Bale naginian, yé éé tawoo alé bélidɔwenu yɛrama. É ’ka Izraɛl kɛlɛwenu zuo sona lɛ lo.

JOB (Job) 1:1

Mi do ana Usi tɛrɛ la, wa laama Job. Mi ’ko a tegele yé alé tawobɛ a é drɔle; éé kanaan Kazambale lee, yé éé nwun zi dɔa wenaané ta.

JOB (Job) 1:8

Gakelebale lé Satan lɛ léé: I an wuozan Job yee? ’Bɛ zoɛ mi ’ka tɛrɛ la lo; mi ’ko a tegele yé alé tawobɛ a é drɔle; éé kanaan Kazambale léé, yé éé nwun zi dɔa wenaané ta.

JOB (Job) 9:2

Maa gi dɔɔ é zima léé, é a ’bɛ zo; Mi éé bɔa kɛlɛle lɛ tegele Kazambale yuɛ gi kaa?

Lɛrɛvɔ Sɛbɛ 119:6

Dé an yuɛ pa ilé bélidɔwe sɔnnénu va, Yara ’ka dan an gyɛ lɛ lo,

WENÉNÉ LÉ LUK A GYE (Évangile selon Luc) 1:7

Élizabɛt a sɔnzan nya, amalé wolé né do kpen ’ka lo; yé wo fiénu kɛlɛ é kwa.

WENÉNÉ LÉ LUK A GYE (Évangile selon Luc) 16:15

Jézu lé wo lɛ léé: Ka a a va léé, ’wolé we ’é kɛlɛ tegele munu yuɛ gi, naa, Kazambale ka bli dɔɔ; fɛ lé é ke fɛ blɛn nya munu yuɛ gi, é a bélé bo zo Kazambale yuɛ gi.

WENÉNÉ LÉ LUK A GYE (Évangile selon Luc) 2:25

Yé bé ye, mi do a Jérusalɛm wa laama Siméɔn. Mi ’ko a mi tegele valé Bale bɔzan nya, yé é a Izraɛl tɔrɔpaazan lɛbɛnna, yé Léli Sauun a a ta.

Kelewenu 2:25

Naa, David a ma we fe léé: Maa Mizan yé an ’lɛ yifaama, É a an bɛyila léé, té an si an dɔna lo we gi.

Kelewenu 23:1

Pɔl vo webolikinimunu ginina téiin, yé é lee: An bwenu, an tawo Kazambale ’lɛ fɔɔ yi ’ko nya ’té anlé wevasibli ’ka we dɔa an nwiin lo.

Kelewenu 24:16

Bɛwemalé maa a anbo tununa yifaama léé, té anlé wevasibli é we dɔ an nwiin Kazambale valé munu yuɛ va lo.

Kelewenu 8:21

I bli ’ka tegele Kazambale yuɛ gi lo, amalé izé do kpen ’ka we ’ko gi lo.

Rom munu 8:4

É we ’ko kɛlɛ bélidɔwe lé we tegele lɛ sɔɔle kaa gi we ma; kaa lé kaa ’ka tawoo kaa dɔbɛ kyɛn yɛrama lo, ’té kaa tawoo Kazambale Léli yɛrama bɛ, kaa gi.

1 Korent munu 11:2

An sele a ka gi yifaama, yé we faa lé maa a paa ka gi, ka a tawona wo ta ’kyɛ, amalé maa ka tɔ zin fé.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Filip munu 2:15

ka kɛlɛle wéiin valé sauun we ma, ’té woo ka yé Kazambale lé nénu lé, gun ’ka wo ma lo, wo nya, bléyi ’ko vamunu naané vɔnle méléna, ’té ka bié tɛrɛ la gunutinu va bélé sonakyɛ zo, ’té ka mibélidére fé munu lɛ.

Kolɔs munu 1:22

Naa, sin, é ka nana ’é va Krist lé tɛrɛlakɔlɛ gale we ma, léé, ’é da ka nya ’é va mi sauunnu nya, ’té we do kpen ’ka ka ma lo, ’té gun ’ka ka ma lo;

1 Tɛsalɔnik munu 3:13

’É ka bli ta dɔ plɛplɛ, yé Jézu valé élé munu dabléyi va yé ka kɛlɛ sauun kaa Ti Bale ’lɛ, ’té gun ’ka ka ma lo.

2 Piɛri 3:14

Bɛwemalé, an blibɔmazannu, bléyian va lé ka ke we ’konu lɛbɛnna, ’ka yara pa kabo ma’lɛrɛle ta léé, a yi ’é bɔ ka ma drɔɔ, ’té ka tiri ’ka lo, ’té ka nwiin a é pla.

1 Jan 2:29

Dé ka a gi dɔɔ léé, Kazambale a tegele, ka a gi dɔɔ é ziin léé, mian éé we tegele kɛla, é a Kazambale lé né nya.

1 Jan 2:3

Dé ko Jézu lé bélidɔwenu kɛla, ’bɛna lé ko gi dɔɔ léé, ko Jézu dɔɔ.

1 Jan 3:7

Né kiénénu, té mi do é dabli kɛlɛ ka lɛ lo ma. Mian é ke we tegele kɛlɛna, ’bɛzan a tegele, bélé fɛan zo lé Jézu ke tegele, a zo.