Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.
Bɛwemalé, Mizan, lai sunyanu lé Gakelebale, Izraɛl lé Mi Plɛplɛ léma: Maa dan we do kɛlɛ lɛ an mazannu lɛ, yé an bli é dɔrala, yé maa dan anzé lɛgi pa lɛ an nyanézannu ma.
Loruzan lé a nyanana ke ana lɛɛfaama, ’té a tɔ ke sauun, é léma: An nyanaan fɛna lorunu na, fɛna sauun na, naa, an nyanaan é ziin, mi lé a bli kyɛ ke é dɔle, ’té ébo kɛlɛ kiéné, a va, léé, maa fuu dɔ bokiénézan ta, yé maa blikyɛdɔzan tɔrɔ paa.
Mi kyɛn ɛ ke sina Édom valé Bozra, ’té éé dan varɔ sɔɔn valé sɔ bile nyananyana nya é ta bɛɛ? Alé plɛplɛ blɛn lé é a fe, yé é ébo kɛla a gi blɛn bɛ, de léé? Maa lé; maa ɛ mi sile we gi fe yé mi vole éboma lé plɛplɛ a an lee.
Naa, Gakelebale a an va bélé nyanazan plɛplɛ zo, Amalé nyanépaantazannu é dan dia lɛ; wo ’ka dan an kun lɛ lo. Wolé we ’ka dan vɔ lɛ a ma lo, amalé yara é dan wo gyɛ lɛ. É dan kɛlɛ lɛ yaragyɛwe lé a glɛ ’ka lo, ’té munu gi ’ka dan san lɛ a ma lo, a nya.
Yé é zi nɔ wo lɛ léé, ’wo go. Yé yo tiridɔlenu si gɔnézan gi, yé wo wɔra suru palu gi, yé ’bɛnu go vlan nya yé ’bɛnu gɔ nyé zunle wééé zun za ma, yé ’bɛnu zén wɛyi va. Dé wo ’léé éé bɔa suru baa doo? yé wo ga wɛyi va.
Mi lé éé bɔa we faa lé kaa laan, é valé we faa lé kaa gi bɔrɔan a nya, a kɛlɛle lɛ, ’té éé giéan ’bɛ ta é baba, plɛplɛ lé é ke nyanama pana kaa gi, a nya bɛ,
Mizan, de ɛ ’ka kanaan i lee loo? De ɛ ’ka i tɔ bɔa loo? Bii do kpen ɛ ke sauun. Ilé weblelenu a é gɔɔnle, amalé bɛnnu faa é dan da lɛ yé wo dia ’wo bli la i ’lɛ.
Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.