WENÉNÉ LÉ LUK A GYE (Évangile selon Luc) 1:32 - Kazambale lé Sebe Sauunu 1979

³² É dan kɛlɛ lɛ blɛn yé wo dan a laa lɛ Loruzan Be, yé Mizambale é dan a tra David lé webleblin nɔ lɛ a lɛ.

WENÉNÉ LÉ LUK A GYE (Évangile selon Luc) 1:32 ပူးပေါင်းရင်းမြစ်များ

2 Samuɛl 7:16

Ilé kɔn valé ilé plale mi nwiin é dan kɛlɛ lɛ sɔbɛlawe nya lɛɛfaama; ilé webleblin é dan dɔ lɛ gligli lɛɛfaama.

Lɛrɛvɔ Sɛbɛ 132:11

Gakelebale webozen fe David lɛ ébo ’nyɔɔnle nya, É ’ka dan é dére nɔla lɛ lo; é léé: Maa dan ibozen giné nyana lɛ ilé webleblin ta.

Lɛrɛvɔ Sɛbɛ 132:12

Dé i benu tawo anlé gipawe ta, Yé anlé weplalenu lé maa paan wo gi, dé wa nyi si, ’Té wo é benu é ziin, ’bɛnu é dan nyana lɛ Lɛɛfaama ilé webleblin ta.

Ézai 16:5

Dé é sɔ mi lɛ léé, élé webleblin dɔ gligli, ’é kɛlɛ mi zin nya ma. Wo dan a ye lɛ léé, David kululazan do, yarapawelazan do, é dan nyana lɛ ana; é a weblezan lé wedrɔle sɔ a lɛ bélé mi béé zo, a nya, ’té a fuu a a ta we tegele kɛlɛna.

Jérémi 17:25

’té minwiinzan blɛnnu valé mi blɛnblɛnnu éé dan nyana lɛ David lé webleblin ta. Wo dan wɔra lɛ fla ’ko gɔrɔ gi, ’té wa é vɔle goronu gi valé wisoonu ta; wo koo, wo nwiinzannu koo, Juda munu koo, Jérusalɛm munu koo, woo lé, yé munu é dan kɛlɛ lɛ fla ’ko ta lɛɛfaama.

Jérémi 22:2

Bé fe wo lɛ léma: Bii Juda munu nwiinzan blɛn lé i ke é nyanale David lé webleblin ta bɛ, ’i tɔné dɔ Bale dére lɛ. Bii koo, i wuomunu koo, ilé munu koo, ’kaa faa lé ka wɔraan kɔn ’léé ’konu na, ’ka tɔné dɔ.

Daniɛl 2:44

Minwiinzan blɛn ’konu bléyi va, lanu lé Bale é dan plale mi nwiin lé é ’ka dan sɛrɛ lɛ monomono lo, a dɔ lɛ, ’té mi bɛ ’ka dan pla lɛ ’bɛ nwiin monomono lo. Yee ɛ dan plale mi nwiin ’konu faa ’wii lɛ yé é wo sɛrɛ tata, yé yeebozen é dan vo lɛ ana lɛɛfaama, ’bɛ glɛ ’ka lo.

Matio 1:1

Jézu a David valé Abraam kululazan nya. Jézu Krist tranu tɔ nɔnɔle lé ke ’ko:

Matio 12:42

Webleyi nya, yirinwana bɛyilazia munu nwiinzan lé é ke le nya, é dan nwa lɛ bléyi ’ko vamunu ma, yé é we dɔ wo nwiin; naa, é si tɛrɛ glɛ sina Salomɔn lé wedɔɔle ’male we gi, yé ka ye, mi lé ’bɛ mini Salomɔn ta, ’bɛzan ana ’ko.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Matio 3:11

Maa ka batizéwo ’yi nya ka bli nɔlale we gi, naa, mian é dan da lɛ an zuo, a plɛplɛ mini an ta, yé a yara ’ka an yara lé maa alé sawala si lo. Yee ɛ dan ka batizéwo lɛ Léli Sauun valé kyɛ nya.

Maak 14:61

Jézu vo é tadɔle yé é ’ka we zi do kpen pa lɛ lo. Balebanmunu ’lɛzan we laa a lee é ziin, yé é léé: Bii ɛ ke Krist nyaa? Kazambale lé wa drɔɔ voo, a Be lé i nyaa?

Maak 5:7

yé é siaa dére plɛplɛ nya léé: Loruzan Bale Be Jézu, mɛmalé i we kolé we maa? Maa lé i lɛ Bale tɔ nya léé, té i nyané pa an ta lo.

WENÉNÉ LÉ LUK A GYE (Évangile selon Luc) 1:15

Naa, é dan kɛlɛ lɛ mi blɛn nya Mizambale yuɛ va. É ’ka dan nwɛ valé dɔrɔ mini lɛ lo, dé a bu a yaa tɔɔn, Léli Sauun é dan vɔ lɛ a ta;

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

WENÉNÉ LÉ LUK A GYE (Évangile selon Luc) 1:76

Yé bii liiné, wo dan i laa lɛ Loruzan lé balelayezan; Naa, i dan tawo lɛ Mizambale ’lɛzia alé zinu ma’lɛrɛle we ma.

WENÉNÉ LÉ LUK A GYE (Évangile selon Luc) 3:16

É lé wo faa lɛ léé: Maa ka batizéwoo ’yi nya, naa, mi lé é ke plɛplɛ é mini an ta yé a yara ’ka an yara lé maa alé sawala bale fuo lo, é dan da lɛ. Yee ɛ dan ka batizéwo lɛ Léli Sauun valé kyɛ nya.

WENÉNÉ LÉ LUK A GYE (Évangile selon Luc) 6:35

Naa, ka nyanézannu ’é sɔ ka lɛ ma, yé ’ka wezin kɛlɛ ma; ’ka drɔn pa mi ma, yé té ka bli é vo a lɛgi yele lɛ lo ma. Ka gooli é dan kɛlɛ lɛ blɛn, yé ka dan kɛlɛ lɛ Loruzan benu nya; naa, éé wezin kɛla bɔvɔalozannu valé wenyanékɛlɛzannu lɛ.

WENÉNÉ LE JAN A GYE (Évangile selon Jean) 12:34

Yé mi gu lé a lɛ léé: Ko a ’ma bélidɔwe sɛbɛ gi léé, Krist é dan vo lɛ é yuɛma lɛɛfaama. Yé mɛmalé bii léé, é a lé wo blami Be duun? De ɛ ke ’bɛ blami Be ’ko nyaa?

WENÉNÉ LE JAN A GYE (Évangile selon Jean) 6:69

yé ko a gi dɔɔ léé, bii a Krist nya, Kazambale lé Mi Sauun nya, yé ko dɔ ’bɛ ta.

Kelewenu 16:17

É gole sia ko valé Pɔl zuo, ’té éé siaan léé: Munu ’ko a Loruzan Bale wuomunu nya, yé wa misiéwegi zi gɔɔna ka lɛ.

Kelewenu 2:30

É ke aan wo balelayezan nya, é a gi dɔɔ léé, Kazambale a fe ébo kunle nya léé, é dan David kululazan do nyana lɛ David lé webleblin ta.

Kelewenu 2:36

Bɛwemalé, Izraɛl munu, é a lé ka faa a gi dɔɔ é zima léé, Jézu ’ko lé ka a gyɛ yili la, Kazambale a kɛlɛ Mizan valé Krist nya.

Kelewenu 7:48

Naa, duowo, kɔn lé mi a dɔa, Loruzan ’ka nyanaan ’bɛ gi lo, fɛan zo lé balelayezan a fe, a zo; é léé:

Rom munu 1:4

naa, dé é a a léli sauun nya, é a Kazambale Be nya; plɛplɛ lé é nwa a nya gamunu va, ’bɛ a nagɔɔn.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko: