WENÉNÉ LÉ LUK A GYE (Évangile selon Luc) 1:13 - Kazambale lé Sebe Sauunu 1979

¹³ Naa, lanje lé a lɛ léé: Zakari, Bale ilé bazoro dére ’ma, amalé té i kana lo. I na Élizabɛt é dan né yaa lɛ gɔné nya i lɛ yé bé tɔ pa Jan.

WENÉNÉ LÉ LUK A GYE (Évangile selon Luc) 1:13 ပူးပေါင်းရင်းမြစ်များ

Wepélisiananu 17:10

Gipawe lé é a lé i dɔ a ta, bii valé ilé nénu lé wo dan kɛlɛ lɛ i zuo, yee lé ke ’ko: ’ka ka va gɔnénu faa gane dɔ.

Wepélisiananu 17:19

Kazambale léé: Webozen lé, i na Sara é dan né yaa lɛ gɔné nya i lɛ; yé i dan a tɔ pa lɛ Izak. Maa dan an gi pa lɛ do a va, gipawe do lé é ’ka nyaan lo, ’té é dan kɛlɛ lɛ alé nénu zé nya a zuo, a nya.

Wepélisiananu 18:14

Gakelebale kelewe aa? Bléyi lé maa a dɔ, maa dan da lɛ ’bɛ bléyi nya i va, bléyi ’ko bɛ nya, lɛɛ bɛ gi, yé Sara é dan né yaa lɛ gɔné nya.

Wepélisiananu 25:21

Izak na a sɔn le nya, amalé Izak zanté vɔ Gakelebale lɛ alé we ma. Gakelebale a ’ma, yé Izak na Rébéka bɔn si.

Lɛrɛvɔ Sɛbɛ 113:9

Éé sɔn le kɛla néyaazan nya, Yé éé a kɛla né bu lé a gi éé nanaan élé nénu va, a nya. ’Ka Gakelebale tɔ zin fe.

Lɛrɛvɔ Sɛbɛ 118:21

Maa i tɔ zin fé; i anlé we laale nyi si, Yé i an si we gi, bɛzama.

Ézai 8:3

An go balelaye le va; é bɔn si yé é né yaa gɔné nya. Gakelebale lé an lɛ léé: Bé tɔ pa Maɛɛ‐Salal‐Sas‐Baz.

Daniɛl 10:12

É lé an lɛ léé: Daniɛl, té i kana we do lee lo. Yian nya lé i bli bɔ we ’ko gi ’male ma yé ibo kɛlɛ kiéné ilé Bale ’lɛ, Bale i dérenu ’ma a yi nya yé i dérenu ’ko lé we ma lé an da.

OZÉ (Osée) 1:4

Yé Gakelebale lé a lɛ léé: Bé tɔ pa Jizréɛl; naa, é vo é ziin bléyi sɛ nya, yé maa dan we lɛdɔ lɛ Jéu gɔnɔlamunu gi, nyɛ lé Jéu a zana Jizréɛl, a we ma, yé maa dan Izraɛl tɔ nyaa lɛ.

OZÉ (Osée) 1:6

É bɔn si é ziin, yé é né yaa le nya. Yé Gakelebale lé Ozé lɛ léé: Bé tɔ pa Lo‐Rusama; a gi léé, nyanai ’ka dan zén lɛ lo; naa, an nyanai ’ka dan zén lɛ Izraɛl munu ta é dɛrɛ lo, yé maa ’ka dan wo ma we vo lɛ é dɛrɛ lo.

Matio 1:21

Mari é dan négɔné do yaa lɛ, yé bé tɔ pa Jézu; yee ɛ dan élé munu lé wenyanénu si lɛ wo lee.

Matio 14:27

Kele tɔɔn Jézu we fe wo lɛ yé é léé: ’Ka bli ta dɔ plɛplɛ. Maa lé. Té ka kana lo.

Matio 28:5

Lanje lé lomu lɛ léé: Té ka kana lo, naa, maa a gi dɔɔ léé, Jézu lé wa gyɛ yili ta, ka a a naginina.

Maak 16:6

Yé é lé wo lɛ léé: Té ka gi nyɛ é kini lo. Mi lé ka ke a naginina, Nazarɛtzan Jézu lé wa gyɛ yiliblan ta, yee lé. É ’ka ’ko lo. É nwa é yuɛma. ’Ka nagini. Fɛana lé wa pa, yee lo.

WENÉNÉ LÉ LUK A GYE (Évangile selon Luc) 1:14

I gi é dan nana lɛ alé we ma yé i bli é dan fan lɛ gi nanale nya, yé mi kiɛre gi é dan nana lɛ a yaale we ma.

WENÉNÉ LÉ LUK A GYE (Évangile selon Luc) 1:30

Lanje lé a lɛ léé: Mari, té i kana lo. I Kazambale lé zin ye.

WENÉNÉ LÉ LUK A GYE (Évangile selon Luc) 2:21

Né dɛrɛ yi sɔraazan bɔ aan wo, wo go a gane dɔ lɛ, yé wa tɔ pa Jézu, tɔ lé lanje a fe a bu lɛ a bɔn sile ’lɛ, a nya.

Kelewenu 10:31

Kɔɔnéi, Bale ilé bazorole ’ma yé ilé blɛ kɛlɛle sele dɔ Kazambale gi.

Weblezannu 6:23

Gakelebale lé a lɛ léé: ’I vo drɔɔ, té i kana lo, i ’ka dan ga lɛ lo.

1 Samuɛl 2:21

Yé Gakelebale bɔ Ane va, é bɔn si yé é négɔné yaa valé nélomu fié yaa é ziin. Yé Samuɛl kiéné tin Gakelebale va.