Lévinu 9:4 - Kazambale lé Sebe Sauunu 1979

⁴ ’Ka dirigɔné valé ’blagɔné si bɔvɔ saraka nya, yé ’ka Gakelebale ban wo nya; blɛ lé wa vɔɔ nyɔnɔ nya, ’ka ’bɛ si é ziin. Naa, Gakelebale é dan bɔra lɛ ka va kyɔ.

Lévinu 9:4 ပူးပေါင်းရင်းမြစ်များ

Fwile 16:10

Arɔn a we fena Izraɛl lé nénu faa lɛ bléyian va, wo yara nɔla nyéné vazia, tɔɔn, ’té Gakelebale lé fuasan bɔra lati gi.

Fwile 19:11

’Wo ’wo ma’lɛrɛ yi yaazan lé we ma ma; naa, a yi yaazan nya, maa Gakelebale é dan zun lɛ munu faa yuɛ va Sinai gɔ nwiin.

Fwile 24:16

Gakelebale lé fuasan nyana Sinai gɔ nwiin, yé lati bua a ta yi suiɛdo. Yi sɔrafiézan nya, Gakelebale Moizi laa lati méléna.

Fwile 29:43

Ana lé maa valé Izraɛl lé nénu é dan kee lɛ, yé an kɛlɛle ana lé we ma lé fɛkona ’lɛ é dan dɔ lɛ.

Ézékiɛl 43:2

Yé bé ye, Izraɛl lé Bale lé fuasan si yirinwanazia yé é bié. A dére a bélé ’yi blɛnnu vun zo, yé tɛrɛ kɛlɛ nyananyana alé fuasan nya.

Ézékiɛl 43:27

Dé yi ’konu lɛ sɔɔ, é sia a yi sɔraazan ma fɔɔ yé é bɔ yi pɔnénu ma, kalé balebanwinu lé wa kyɛ blé koo, kalé bɔvɔ sarakanu koo, Balebanmunu é dan wo bo lɛ balebanna ta. Yé an dan an banfɛ ble lɛ. A zo lé Mizan Gakelebale a fe.

Lévinu 2:1

Dé mi do a a va léé, ’é Gakelebale ban fɛblele nya, a banfɛ ’é kɛlɛ burupun zima nya; ’é nyɔnɔ zén a va, yé ’é lasikɔrɔpo pa a va.

Lévinu 3:1

Dé mi do a a va léé, ’é bɔvɔ saraka bo Gakelebale lɛ, a we a ’ko zo: Dé é diri nɔ, dé é a a gɔné nyaoo, dé é a a da nyaoo, yee lé we do kpen ’ka a ma lo, ’é yee ɛ nɔ Gakelebale lɛ.

Lévinu 9:23

Moizi valé Arɔn wɔra zén‐ékevasɔkɔn gi. Dé wo bɔra wo munu drɔɔ vo. Yé Gakelebale lé fuasan bɔra munu faa va.

Lévinu 9:3

Bé fe Izraɛl lé nénu lɛ léma: ’Ka boligɔné si wenyané ’yibo saraka nya, dirigɔnéné valé ’blané lé, wo lɛɛ kɛlɛ do yé we do kpen ’ka wo ma lo, ’ka wo si balebanwi lé wa kyɛ blé, a nya.

Lévinu 9:5

Fɛnu lé Moizi a fe, wo da wo nya zén‐ékevasɔkɔn ’lɛ; yé munu faa bié yé wo dɔ Gakelebale ’lɛ.

Lévinu 9:6

Moizi léé: We lé Gakelebale a fe, ’ka kɛlɛ, yé Gakelebale lé fuasan é dan bɔra lɛ ka va.

Mi Nɔnɔle 14:10

Zén‐ékevamunu faa a fena léé, ’wo Kalɛbnu gyɛ gɔlɛ nya, tɔɔn, Gakelebale lé fuasan zun zén‐ékevasɔkɔn ta, Izraɛlnu faa yuɛ va.

Mi Nɔnɔle 16:19

Yé Koré munu faa laa léé, ’wo nwa Moizi valé Arɔn ma, zén‐ékevasɔkɔn ’léé. Tɔɔn, Gakelebale lé fuasan bɔra zén‐ékevamunu faa yuɛ va.