Lévinu 8:35 - Kazambale lé Sebe Sauunu 1979

³⁵ Amalé ’ka vo zén‐ékevasɔkɔn ’léé yi sɔrafié, é yiéyi valé é béli, yé ’ka Gakelebale sɔnné pa, té ka ga lo we gi; naa, ’bɛ zo lé Bale a fe an lɛ.

Lévinu 8:35 ပူးပေါင်းရင်းမြစ်များ

1 Minwiinzannu 2:3

’I Gakelebale, ilé Bale lé bélidɔwenu sɔnnénu pa, ’i tawo alé zinu ta, ’i alé bélidɔwe pun tawe kɛlɛ, ’i a dére tawe kɛlɛ, ’i alé webledére tawe kɛlɛ, ’i alé wepladére tawe kɛlɛ, fɛan zo lé wa gyɛ Moizi lé bélidɔwe gi, a zo, yé dé i wean kɛlɛoo, dé i go fɛanaoo, yé a lɛ é sɔɔ i lɛ é zima,

Fwile 29:35

Wenu faa lé maa i bélidɔ a nya Arɔn valé é benu zé nya, bé kɛlɛ. ’I wo bɛ pale Bale banle ta we ’ko kɛlɛ yi sɔrafié.

Ézékiɛl 43:25

Yi sɔrafié wuo, i dan wenyané ’yibo saraka bo lɛ boligɔné nya. Yé wo dan dirigɔné boroné do valé trubɛ palu va ’blagɔné do bo lɛ saraka nya; ’té we do kpen ’ka wo do kpen ma lo.

Ézékiɛl 48:11

É dan kɛlɛ lɛ Balebanmunu lé wo wo bɛ pa balebanle ta, wozé nya, Sadɔk benu lé wo anlé fɛna sauun na nyanama pa, yé wo ’ka wo yara si lɛ a ta bléyian va lé Izraɛlnu valé Lévinu wo yara si a ta bɛ, ’bɛ bléyi va lo, é dan kɛlɛ lɛ wozé nya.

Lévinu 10:1

Arɔn benu Nadab valé Abiu, wo kyɛnyɛsibɔ si do do yé wo kyɛ zén a gi, yé wo lasikɔrɔ pa a ta; yé wo go kyɛ ’ko nya Gakelebale ’lɛ, ’té Bale ’ka ’bɛ fe lɛ wo lɛ ’bɛ zo lo.

Lévinu 14:8

Mi lé é da é nwiin foli lɛ, é dan élé sɔ zuru lɛ, é dan é ma kyɛɛ faa bo lɛ, yé é dan zuru lɛ yé a gi é bɔ. ’Bɛ zuo, a se a a lɛ léé, é go fla, naa, té é go élé kɔn gi lo, fɔɔ yi sɔrafié.

Lévinu 8:30

Fɛ’lɛdɔ nyɔnɔ koo, nyɛ lé ke balebanna ta koo, Moizi wo si, yé é wo nwɛɛn Arɔn valé élé sɔnu koo, Arɔn benu valé wolé sɔnu koo, wo ta; yé Arɔn valé ’élé sɔnu koo, Arɔn benu valé ’wolé sɔnu koo, Moizi wo ’lɛ dɔ.

Lévinu 8:34

We lé ko kɛlɛ kyɔ ’ko, Gakelebale a fe léé, ’ko kɛlɛ, kalé wenyané ’yibofɛ nya.

Lévinu 8:36

We faa lé Gakelebale a pa Moizi ’léé, Arɔn valé é benu a tawe kɛlɛ.

Mi Nɔnɔle 19:12

É a lé é zuru yee ’yi ’ko nya a yi yaazan valé a yi sɔrafiézan nya, yé é dan kɛlɛ lɛ tegele; naa, dé é ’ka zuru lɛ a yi yaazan valé a yi sɔrafiézan nya lo, ’té é ’ka dan kɛlɛ lɛ tegele lo.

Mi Nɔnɔle 3:7

We faa lé Bale a bɛ pa Arɔn valé zén‐ékevamunu faa lee, é a lé wa tawe kɛlɛ zén‐ékevasɔkɔn ’léé. ’Wo sɔkɔn lé nyanama pa ma.

Mi Nɔnɔle 9:19

Dé lati mɔn Bale lé sɔkɔn ta, Izraɛlnu wo Gakelebale lɛdɔama yé wo ’ka ta soowɔlan monomono lo.

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Bélidɔwesɛbɛ Fiézan 11:1

’Ka Gakelebale, kalé Bale lɔrɔ pa; ’ka alé weplale ka lɛ nyi si, ’ka alé bélidɔwenu ta tawo, ’ka a gɔnɔlawenu kɛlɛ, ’ka a sɔnnénu pa.

1 Timoté 1:18

Anlé né Timoté, maa we plaan i lɛ balelawe lé wa fe ilé we ma é kyɛn, a yɛrama; wo sele ’é dɔ i gi yé ’i guli zin dan ma.

1 Timoté 5:21

Kazambale koo, Jézu Krist koo, lanjenu lé Bale wo si a va koo, ko a wo faa ’lɛ; maa lé i lɛ léé, ’i tawo dére ’ko ta; té i we do kpen ble é voro va lo; té i we do kpen kɛlɛ lele valé béé ma lo.

1 Timoté 6:13

Kazambale lé éé flinle no fɛ faa lɛ, é valé Jézu Krist lé é blipale tɔbɔwe kɛlɛ Pɔns Pilat yara, ko a wo fiénu ’lɛ ’ko; maa lé i lɛ léé,

1 Timoté 6:17

Munu lé tɛrɛ ’ko la fɛnu ke wo lee, ’i we pla wo lɛ léé, té wo kɛlɛ boblɛnzannu nya lo, yé fuafɛnu lé woo giéan, té wo bli é vo ’bɛnu lɛ lo, naa, Kazambale lé éé fɛnu faa no kaa lɛ di, ’té kaa gi éé nanaan ’bɛnu lé we ma bɛ, wo bli ’é vo ’bɛ ɛ lɛ.

1 Timoté 6:20

Bé maa? Timoté, we lé wa bɛ pa i lee, ’bé pa i ’wuo gi é zima. ’I paa tɛrɛla boawe fele ma, é valé dabli wedɔɔle lé zavɔlenu ma.

2 Timoté 4:1

Kazambale valé Jézu Krist lé é dan mi galenu valé mi yuɛmalenu lé we ble lɛ bɛ, ko a wo ’lɛ; maa lé i lɛ Jézu dale valé a plale mi nwiin tɔ gi léé,

Ébrunu 7:28

Naa, bélidɔwe ɛ mi tɔɔtɔɔnu dɔ munu lé Balebanzannu nya; naa, bélidɔwe nɔle zuo Bale ébo ’nyɔɔn yé ’bɛ nya lé é Bale Be Jézu dɔ Balebanmunu ’lɛzan lé gun ’ka a ma lo, a nya, lɛɛfaama.