Lévinu 8:23 - Kazambale lé Sebe Sauunu 1979

²³ Moizi ’blagɔné bɔrɔ bo, yé é a nyɛ si yé é a gié Arɔn bɛyila tɔnébɛné koo, a bɛyila bɛnwɔlɛgɔné koo, a bɛyila ganewɔlɛgɔné koo, wo ma.

Lévinu 8:23 ပူးပေါင်းရင်းမြစ်များ

Fwile 29:20

’I ’blagɔné bɔrɔ bo; bé nyɛ si yé bé gié Arɔn bɛyila tɔné bɛné koo, a benu bɛyila tɔné bɛné koo, wo bɛyila bɛnwɔlɛgɔné koo, wo bɛyila ganewɔlɛgɔné koo, wo ma, yé bé nyɛ zén balebanna la fɛfaana.

Fwile 29:21

Nyɛ lé ke balebanna ta valé nyɔnɔ lé wa zén‐é mi ta, bé si, yé bé nwɛɛn Arɔn valé ’élé sɔnu koo, a benu valé ’wolé sɔnu koo, wo ta. Arɔn valé ’élé sɔnu koo, a benu valé ’wolé sɔnu koo, ’i wo pa é yɛrama ’bɛ ɛ zo.

Lévinu 14:14

Balebanzan é dan wenyaa sarakawi nyɛ si lɛ; yé mi lé é da ’é nwiin foli lɛ bɛ, é dan a pa lɛ a bɛyila tɔné bɛné koo, a bɛyi bɛnwɔlɛ gɔné koo, a bɛyi ganewɔlɛ gɔné koo, wo ma.

Lévinu 14:17

Nyɔnɔ lé é vo Balebanzan lee bɛ, é dan a pa lɛ, mi lé é da ’é nwiin foli lɛ, a bɛyila tɔné bɛné koo, a bɛyila bɛnwɔlɛ gɔné koo, a bɛyila ganewɔlɛ gɔné koo, wo ma, wenyaawi nyɛ ta loru.

Lévinu 14:25

É dan wenyaa saraka ’blané bɔrɔ bo lɛ. Balebanzan é dan wenyaa ’blané nyɛ si lɛ yé ’é a pa, mi lé é da ’é nwiin foli lɛ, a bɛyila tɔné bɛné koo, a bɛyi bɛnwɔlɛ gɔné koo, a bɛyi ganewɔlɛ gɔné koo, wo ma.

Lévinu 14:28

Nyɔnɔ lé ke Balebanzan lee bɛ, é dan a pa lɛ mi lé é da ’é nwiin foli lɛ bɛ, a bɛyila tɔnébɛné koo, a bɛyila bɛnwɔlɛ gɔné koo, a bɛyila ganewɔlɛ gɔné koo, wo ma, fɛana lé é wenyaa wi nyɛ gié, ana.

Lévinu 7:37

Balebanwi lé wa kyɛ blé koo, balebanfɛblele koo, wenyané ’yibo saraka koo, wenyaa saraka koo, mi bɛ pale Bale banle ta koo, bɔvɔ saraka koo, wolé bélidɔwe lé ke bɛ.

Rom munu 12:1

Bɛwemalé, an bwenu, maa we plaan ka lɛ Kazambale lé nyanai zénle nya léé, ’ka kabozennu nɔ saraka yuɛmale lé é ke Bale zé nya, ’té é sɔ Kazambale lɛ bɛ, a nya, yee ɛ ke kalé Bale bɔle tegele nya.

Rom munu 6:13

Té ka ka kɔlɛvafɛnu nɔ wenyané lɛ weple kɛlɛfɛnu nya lo; naa, ’ka kabozen nɔ Kazambale lɛ, munu lé wo ke é gale é vinin yé wo béli, wo nya, yé ’ka ka kɔlɛvafɛnu nɔ Kazambale lɛ we tegele kɛlɛfɛnu nya ma.

Rom munu 6:19

Maa a wefena munu lé wefebɛ gi ka dɔbɛ kyɛn tɔɔtɔɔ lé we ma. Fɛan zo lé ka ka kɔlɛvafɛnu nɔ luu nya we tiridɔle valé weple lɛ, weple kɛlɛle we gi, a zo duo lé sin ’ka ka kɔlɛvafɛnu nɔ luu nya we tegele lɛ, kɛlɛle sauun we gi.

1 Korent munu 1:2

’Kaa Kazambale lé léglizigimunu lé ka ke Korɛnt, ’té Kazambale ka pa é yɛrama Jézu Krist gi, yé é ka laa ka kɛlɛle alé munu nya we gi bɛ, ko we ka va. ’Kaa faa lé ka Kaazan Jézu Krist tɔ laan, dé ka a fɛofɛana, ko we ka va. Sɛbɛ ’ko a kazé nya é ziin.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 6:20

Wo ka lɔ fɛwezan blɛn nya. Bɛwemalé ’ka Kazambale tɔ bɔ ka kɔlɛ valé ka léli nya.

Filip munu 1:20

A zo lé wean an bli ke a lɛ, ’té maa a é pale a ta é baba bɛ, a lɛ é dan sɔɔ lɛ. Yee lé ke lé, té yara an gyɛ we do kpen ma lo. Naa, an dan Krist tɔ bɔ lɛ an kɔlɛ nya bli ta plɛplɛ nya, dé an vo é yuɛmaoo, dé an gaoo, maa dan a tɔ bɔ lɛ an kɔlɛ nya bélé fɛan zo lé maa a kɛla yifaama, a zo.

Filip munu 2:17

Dé wo kalé blipale nɔ Kazambale lɛ bélé saraka zo, dé a ta’yi kɛlɛ an nyɛ nyaoo, ’bɛ an gi nanaan, yé kaa faa gi ’é nana ékeva.

1 Tɛsalɔnik munu 5:22

’Ka sɔn vɔ wenyané gɔnɔ faa ma.

Ébrunu 2:10

Naa, Kazambale lé, fɛnu faa ke azé nya, ’té é wo faa kɛlɛ bɛ, é sɔ a lɛ léé, mi kiɛre ’é kɛlɛ ’é benu nya yé ’é wo kɛlɛ fua nya, yé é a é zima léé, mi lé é wo béliwe bɔra bɛ, Kazambale ’é gun si a ma alé nyanéblele nya.

Ébrunu 5:8

Webozen nya, é a Bale Be nya, naa, duowo, alé nyanéblele ɛ lɛdɔmale paa a gi.