Lévinu 7:18 - Kazambale lé Sebe Sauunu 1979

¹⁸ Dé é kɛlɛ léé, mi ’élé bɔvɔ saraka wi ble a yi yaazan nya, Kazambale ’ka dan ’é ban‐ɛn ble lɛ lo; wo ’ka dan a ye lɛ léé, mi ’ko é saraka bo lo; é sɛrɛ, yé dé miomian é a ble, we a ’bɛzan nwiin é dɔle.

Lévinu 7:18 ပူးပေါင်းရင်းမြစ်များ

Wegɔnévɔlenu 15:8

Mi nyanénu lé saraka a lɛrɛlɛrɛ Gakelebale yuɛ gi, naa, mi drɔlenu lé bazorole éé sɔa a lɛ.

Ézai 66:3

Dé wa an banna diri nya, an ’bɛ yé bélé migyɛle zo; dé wa saraka bona an lɛ ’bla nya, an ’bɛ yé bélé blén bɔrɔ yélile zo; dé wa blɛfɛ nɔna an lɛ, an ’bɛ yé bélé suru nyɛ zanale zo; dé wa lasikɔrɔpo kyɛ blena an lɛ, an ’bɛ yé bélé miyili banle zo; wo faa bɛ, wo kɛlɛwe sɔ wo lɛ, yé wo gi éé nanaan ’wolé bozowe kɛlɛle ma.

Jérémi 14:10

Ka ye, Gakelebale munu ’ko ma we fe yé é léma: Vlan burule fɛfaana sɔ wo lɛ. Wo ’ka bɔa wobo kunle lɛ yé wo nyana fɛ dona lo; amalé an ’ka bɔa kunle lɛ wo ma lo. Wolé weplenu sele dɔ sin an gi, yé an we lɛdɔa wo gi wolé wenyanénu ma.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Ézékiɛl 18:20

Mi lé éé wenyané kɛla, yeebozen ɛ gaan. Wo ’ka dan mi lé weple kɔné dɔ lɛ é be nwiin lo, yé wo ’ka dan a be zé dɔ lɛ a nwiin lo. Wo dan mi tegele lé we tegele dɔ lɛ ’é nwiin, yé wo dan mi nyané lé wenyané dɔ lɛ é nwiin.

OZÉ (Osée) 8:13

Woo an baan wian nya bɛ, wa kɛla a wi blele we ma; Gakelebale ’ka ’bɛ ban‐ɛn blé lo. Sin wolé weple sele dɔ Gakelebale gi, yé é dan we lɛdɔ lɛ wo gi wolé wenyané ma; wo dan go lɛ Éjipiti tɛrɛ la wo pa gi.

Lévinu 10:17

yé é léé: Mɛmalé ka ’ka wenyané ’yibowi ble lɛ fɛna plɛplɛ na loo? É a bale ’lɛfɛ nya; yé Gakelebale a nɔ ka lɛ léé, ka munu lé wenyané kɔné si, kalé wolé wenyané ’yibole Gakelebale ’lɛ we gi.

Lévinu 10:19

Arɔn lé Moizi lɛ léé: Wo ’wolé wenyané ’yibo saraka bo kyɔ, yé wo ’wolé balebanwi kyɛ ble Gakelebale ’lɛ; yé we lé é bɔ an ma kyɔ ’ko, dé maa wenyané ’yibowi ble ’bɛ zo, ’bɛ é dan kɛlɛ lɛ é zima Gakelebale yuɛ gii?

Lévinu 11:41

Wi kénénénu faa lé woo giéan tɛrɛ va, ’ka wo ye fɛ naanénu nya; té ka wo ble lo.

Lévinu 17:16

Dé é ’ka élé sɔnu zuru lɛ lo, dé é ’ka éboen zuru lɛ lo, ’té we a a nwiin é dɔle.

Lévinu 19:5

Dé ka bɔvɔ saraka bo Gakelebale lɛ, ’ka bo ’é bobɛ nya yé é ban‐ɛn ble.

Lévinu 20:17

Dé mi do é buru si, dé a ti lu léé, dé a bu lé néle léé, yé é ’bɛ porole ye yé ’bɛ a porole ye, ’bɛ a we dɛrɛdɛrɛ nya; wo dan wo si lɛ wolé munu yuɛ gi; é ’é buru poro, amalé é wenyané dɔ ébo nwiin.

Lévinu 20:19

Té i bu buru poro lo, té i ti buru poro lo, naa, wa ibo lé munu nya; mi lé é ’bɛ kɛlɛ, é wenyané dɔ ébo nwiin.

Lévinu 22:16

dé wa kɛlɛ, wo dan wenyané dɔ lɛ wobo nwiin Bale ’lɛfɛ plɛplɛ blele nya; naa, maa a Gakelebale nya, maa ɛ wo kɛlɛ mi segele nya.

Lévinu 22:23

Dé diri léé, dé ’bla léé, dé a mɛn do a grɔgrɔ, ɛɛ, dé é a kpégéléne, i bɔalɛ léé, i bli drɔɔ blɛ kɛlɛ ’bɛ nya, naa, dé é a bale kunle lɛsɔɔle nya, ’bɛ nyi ’ka sié lo.

Lévinu 22:25

Té ka ’bɛ zo wi si bɛn bɛ mi do lee, a nɔle kalé Bale lé fɛblele nya we gi lo; naa, tuo a wo ma, ’bɛzama; fɛ a wo ma; Bale ’ka dan ’é ban‐ɛn ble lɛ lo.

Lévinu 5:17

Dé mi do wenyané kɛlɛ, yé we lé Gakelebale lé bélidɔwe a yi ga, yé é a kɛlɛ é tanyila, a pagi lé, yé we a é dɔle a nwiin.

Lévinu 7:19

Sarakawi lé é mane fɛ tiridɔle ma, té wa ble lo; ’wa kyɛ ble ma.

Amɔs 5:22

Dé ka an ban balebanwi lé wa kyɛ blé, ’bɛ valé blɛfɛ nyaoo, é ’ka sɔa an lɛ kiéné boenwo lo; diriné nyɔnɔzannu lé ka bɔvɔ saraka bo wo nya, wo ’ka an yuɛi bɔa lo.

Malasi 1:10

Ka va mi kyɛn ɛ dan anlé kɔn lɛ tan lɛ léé, té ka kyɛ bi an banna ta é pla loo? Lai sunyanu lé Gakelebale léé: Kalé we ’ka an gi do boen nanaan lo; fɛ lé ka an ban a nya, maa ’ka dan an ban‐ɛn ble lɛ lo.

Malasi 1:13

Yé ka léé: Mɛ wɔlɛinyaamawe lé ke bɛɛ? ’Té ka lɔlu kplililii bo a ma. A zo lé lai sunyanu lé Gakelebale a fe. Tunbowi lé ka a kyeenwo, ’té é zanai, yee lé ka dan a nya yé ka a kɛla an banfɛ nya. Maa dan ’bɛ ban‐ɛn ble lɛ kaa? A zo lé Gakelebale a fe.

Mi Nɔnɔle 18:27

yé fɛ lé ka Bale baan a nya, maa dan a ye lɛ bélé kalé ’sa sunwona ’sa vinin zo, é valé dɔrɔ dɛrɛ lé wa koli dɔrɔ borona, a zo.

WENÉNÉ LÉ LUK A GYE (Évangile selon Luc) 16:15

Jézu lé wo lɛ léé: Ka a a va léé, ’wolé we ’é kɛlɛ tegele munu yuɛ gi, naa, Kazambale ka bli dɔɔ; fɛ lé é ke fɛ blɛn nya munu yuɛ gi, é a bélé bo zo Kazambale yuɛ gi.

Rom munu 4:11

É ganedɔle ye tɔmase nya, kɛlɛ lé é a wo tegele élé blipale ma, ’té a gane ’ka tan é dɔle lo, a tɔmase nya. ’Bɛ zo lé, munu lé wo gane ’ka é dɔle lo, ’té wo bli a é pale, Abraam kɛlɛ wo faa ti nya, wo faa kɛlɛle tegele we ma.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.