Lévinu 6:7 - Kazambale lé Sebe Sauunu 1979

⁷ Baleban fɛblele lé bélidɔwe a ’ko zo: Arɔn benu é dan da lɛ a nya Gakelebale ’lɛ, balebanna ’lɛ.

Lévinu 6:7 ပူးပေါင်းရင်းမြစ်များ

Fwile 34:7

Mi sɔ an lɛ fɔɔ a kulu wuru soruzan ma; weple koo, nwale mi ma koo, wenyané koo, dé mi a kɛlɛ, Gakelebale a ma we voo, naa, é ’ka wegyɛzan yé weanwiinlozan nya lo. Éé we lɛdɔa nénu gi wo tinu lé weple ma, yé éé we lɛdɔa wolé nénu é nénu gi, fɔɔ yé é bɔ wo kulu yaazan valé wo kulu ziɛnzan ma.

Ézai 1:18

Gakelebale léma: ’Ka da, kaa ana we fe. Dé kalé wenyané ka bli tié tiritiri bélé gla’yi zo‐oo, ka bli é dan kɛlɛ lɛ fu tata bélé glasépun zo; dé wo kɛlɛ sɔɔn bélé gulimagyan zo‐oo, ka bli é dan kɛlɛ lɛ fu tata bélé kununu lii zo.

Ézékiɛl 33:19

Dé mi nyané si é kɛlɛwe nyané zuo yé é we drɔle valé we tegele kɛlɛ, é dan béli lɛ ’bɛ lé we ma.

Lévinu 2:1

Dé mi do a a va léé, ’é Gakelebale ban fɛblele nya, a banfɛ ’é kɛlɛ burupun zima nya; ’é nyɔnɔ zén a va, yé ’é lasikɔrɔpo pa a va.

Lévinu 4:20

Wo wenyané ’yibo dirigɔné zé kɛlɛ fɛan zo, a zo duo lé wo dan dirigɔné ’ko zé kɛlɛ lɛ; wo fiénu kɛlɛbɛ a do. ’Bɛ zo lé Balebanzan é dan wolé wenyané ’yibo lɛ yé Bale é dan wo ma we vo lɛ.

Lévinu 4:26

É dan a nyɔnɔ faa kyɛ ble lɛ balebanna ta, woo bɔvɔ saraka lé winyɔnɔ zé kɛla fɛan zo, a zo. ’Bɛ zo lé Balebanzan é dan minwiinzan lé wenyané ’yibo saraka bo lɛ yé Bale é dan a ma we vo lɛ.

Lévinu 4:31

Balebanzan é dan a nyɔnɔ faa si lɛ, woo bɔvɔ sarakawi nyɔnɔ sié fɛan zo, a zo, yé é dan a kyɛ ble lɛ balebanna ta, yé Gakelebale é dan a gin si lɛ néné. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 5:10

É dan miané koɛzan nɔ lɛ balebanwi lé wa kyɛ blé, a nya, é kɛlɛbɛ yɛrama. ’Bɛ zo lé Balebanzan é dan mi ’ko lé wenyané ’yibo lɛ yé Bale é dan a ma we vo lɛ.

Lévinu 5:13

Mi lé é we ’konu va we do kɛlɛ, ’bɛ zo lé Balebanzan é dan alé wenyané ’yibo lɛ, yé Bale é dan a ma we vo lɛ. Balebanfɛ pɔné lé é vo, ’bɛ a Balebanzan zé nya, bélé Gakelebale lé fɛblele lé we zo.

Lévinu 5:18

É dan da lɛ wenyaa saraka bofɛ nya Balebanzan lɛ. É dan da lɛ ’blagɔné lé we do kpen ’ka a ma lo, ’té wa si trubɛ va, a lɛi lé bé gɔɔn, a nya. Yé wenyané lé é a kɛlɛ é tanyila, Balebanzan é dan a ’yibo lɛ yé Bale é dan a ma we vo lɛ.

Lévinu 6:8

Balebanzan é dan burupun zima valé nyɔnɔ si lɛ bɛ nya do do, ’bɛ valé lasikɔrɔpo faa lé wa pa baleban fɛblele va, a nya, yé é dan a kyɛ ble lɛ balebanna ta, fɛ gin néné lé éé we sele dɔa Gakelebale gi, a nya.

Lévinu 7:2

Balebanwi lé wa kyɛ blé, wa bɔrɔ boo fɛana, ana duo lé wo dan wenyaa saraka lé wi bɔrɔ bo lɛ. Wo dan a nyɛ nwɛɛn lɛ balebanna ta fɛfaana.

Misé 7:18

I bɔmabale a kyɛɛn? Bii lé i mi ma we vo alé weple ma, yé ilé mi sɛ lé wo vo, wolé wenyané éé saan i gi, i bɔmabale a kyɛɛn? I bli ’ka vo flina yifaama lo; nyanai zénle mi ta sɔ i lɛ.

Matio 12:31

Bɛwemalé maa lé ka lɛ léé, wenyanénu faa lé blaminu a kɛla, é valé Bale sɔnɔdére faa lé wa fé, Bale é dan wo ma we vo lɛ ’bɛ ma, naa, mian é Léli Sauun sɔnɔ, Bale ’ka dan a ma we vo lɛ lo.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

1 Jan 1:9

Dé kaa kaalé wenyanénu fe, Bale a yarapawelazan nya yé é a tegele yé é kaa ma we voo yé éé weple faa sié kaa lee, yé é kaa kɛla tata.