Lévinu 5:6 - Kazambale lé Sebe Sauunu 1979

⁶ ’Bɛ zuo, ’é wenyaa saraka bo trubɛda nya Gakelebale lɛ, wenyané lé é a kɛlɛ bɛ, a we ma; dé ’blada léé, dé bolida léé, ’é yee ɛ nɔ wenyané ’yibofɛ nya. Yé Balebanzan é dan alé wenyané ’yibo lɛ a nya.

Lévinu 5:6 ပူးပေါင်းရင်းမြစ်များ

Ézékiɛl 40:39

Tablé fié a é dɔrale kɔn lɛɛ kiéné bɛ fié la. Wo ta lé balebanwi lé wa kyɛ blé koo, wenyané ’yibo saraka koo, we nyaa saraka koo, woo wo bɔrɔ boo.

Ézékiɛl 42:13

É lé an lɛ léé: Kɔnnénu lé wo ke yirinwana bɛbolazia, wo valé yirinwana bɛyilazia, ’té wo ke fɛna pla ’lɛzia bɛ, wa kɔnné tinlenu nya. Wona lé Balebamunu lé woo biéan Gakelebale sɔnɔ, woo Bale ’lɛfɛnu blé. Wo dan fɛ ’lɛzannu pla lɛ wona, blɛfɛnu koo, balebanwinu lé woo wo no wenyané ’yibo sarakanu valé wenyané ma sarakanu nya, wo koo, woo lé. Naa, fɛkona a é tinle, azama.

Ézékiɛl 44:27

Yian nya lé é dan wɔra lɛ gɔrɔné gi fɛna sauun na, nyanama pale fɛna sauun na we ma, é dan élé wenyané ’yibo saraka bo lɛ. Yee lé Mizan Gakelebale a fe.

Lévinu 4:20

Wo wenyané ’yibo dirigɔné zé kɛlɛ fɛan zo, a zo duo lé wo dan dirigɔné ’ko zé kɛlɛ lɛ; wo fiénu kɛlɛbɛ a do. ’Bɛ zo lé Balebanzan é dan wolé wenyané ’yibo lɛ yé Bale é dan wo ma we vo lɛ.

Lévinu 4:28

yé é da ’élé wenyané ta bɔra lɛ, é dan saraka bo lɛ bolida lé we do kpen ’ka a ma lo, a nya; alé wenyané ma saraka lé.

Lévinu 4:31

Balebanzan é dan a nyɔnɔ faa si lɛ, woo bɔvɔ sarakawi nyɔnɔ sié fɛan zo, a zo, yé é dan a kyɛ ble lɛ balebanna ta, yé Gakelebale é dan a gin si lɛ néné. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 4:32

Dé é ’blané nɔ wenyané ’yibofɛ nya, ’blada lé we do kpen ’ka a ma lo, ’é yee ɛ nɔ.

Lévinu 4:35

Balebanzan é dan a nyɔnɔ faa si lɛ, woo bɔvɔ saraka ’blané nyɔnɔ sié fɛan zo a zo, yé é dan a kyɛ ble lɛ balebanna ta, saraka lé kyɛ a blé Gakelebale ’lɛ, a nya. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 6:6

Kyɛ é dan vo lɛ bina balebanna ta yifaama, té é diri lo.

Mi Nɔnɔle 6:12

É a lé é ’ébo pale é yɛrama péli bɛ sia Gakelebale zé nya, yé ’blané lé a lɛɛ kɛlɛ do, ’é a nɔ wenyaa saraka bofɛ nya. Alé yi kyɛn bɛ, ’bɛ gié; ébo pale é yɛrama Gakelebale zé nya sɛrɛ, azama.