Lévinu 5:15 - Kazambale lé Sebe Sauunu 1979

¹⁵ Fɛnu lé wa plaan Gakelebale zé nya, dé mi a nɔ yuɛgiblan nya yé é wenyané kɛlɛ é tanyila, é dan wenyaa saraka bo lɛ Gakelebale lɛ alé wenyané ma; gɔɔlifu sikla ’léé lé é dia a ma, fɛna sauun lé sikla nya, ’bɛ yɛrama ’blagɔné lé we do ’ka a ma lo, yee lé ’é a si trubɛ va, é dɔ i gi fɛan zo, a zo, yé ’é wenyaa saraka bo a nya.

Lévinu 5:15 ပူးပေါင်းရင်းမြစ်များ

2 Minwiinzannu 12:16

We nyaa saraka ma gɔɔli valé wenyané ’yibo saraka ma gɔɔli, wo ’ka da lɛ ’bɛ nya Gakelebale lé kɔn gi lo; Balebanzannu zé bɛ.

Ezidras 10:19

Wo léé, ’wo dan wolé bɛnlomu pa lɛ zia yé wo ’blagɔné nɔ we nyaa saraka nya.

Fwile 30:13

Munu lé i a wo nɔnɔna, fɛ lé wo dan a nɔ lɛ, yee lé ke ’ko: mi do sikla lɛ do, fɛna sauun lé sikla lé ke géragɔɔli yɔ do nya, a yɛrama; sikla lɛ do a gɔɔli lé wa banwo Gakelebale lɛ, a nya.

Ézékiɛl 40:39

Tablé fié a é dɔrale kɔn lɛɛ kiéné bɛ fié la. Wo ta lé balebanwi lé wa kyɛ blé koo, wenyané ’yibo saraka koo, we nyaa saraka koo, woo wo bɔrɔ boo.

Lévinu 1:10

Dé ’blané lé é dan a nɔ lɛ, balebanwi lé wa kyɛ blé, a nya, ɛɛ, dé boli lé, a gɔné lé we do kpen ’ka a ma lo, ’é yee ɛ nɔ.

Lévinu 1:3

Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi.

Lévinu 14:12

Balebanzan é dan ’blané do valé nyɔnɔ litré buu si lɛ yé é dan wenyaa saraka bo lɛ a nya; é dan a dia lɛ ’é bɛ fié la Gakelebale ’lɛ.

Lévinu 27:3

Dé é a gɔné lé a lɛɛ bɔ yɔ do valé yɔ yaa méléna, a mafɛ a gɔɔlifu sikla yɔ fié wɔlɛ vu, fɛna sauun lé sikla yɛrama;

Lévinu 4:2

We lé é ’ka lé mi a kɛlɛ lo, dé mi do a kɛlɛ yé é Gakelebale lé bélidɔwe do sɛrɛ é tanyila,

Lévinu 5:14

Gakelebale we fe Moizi lɛ léma:

Lévinu 5:16

É fɛna sauun table fɛan zo, é dan ’bɛ yɛrama gɔɔli nɔ lɛ Balebanzan lɛ, yé é dan a fɛsoruzan pa lɛ a ma. Balebanzan é dan alé wenyané ’yibo lɛ ’blagɔné lé é wenyaa saraka bo a nya, a nya, yé Bale é dan a ma we vo lɛ.

Lévinu 5:18

É dan da lɛ wenyaa saraka bofɛ nya Balebanzan lɛ. É dan da lɛ ’blagɔné lé we do kpen ’ka a ma lo, ’té wa si trubɛ va, a lɛi lé bé gɔɔn, a nya. Yé wenyané lé é a kɛlɛ é tanyila, Balebanzan é dan a ’yibo lɛ yé Bale é dan a ma we vo lɛ.

Lévinu 6:6

Kyɛ é dan vo lɛ bina balebanna ta yifaama, té é diri lo.

Lévinu 7:1

Wenyaa saraka lé bélidɔwe a ’ko zo: Bale ’lɛfɛ lé.

Lévinu 7:6

Balebanzannu va gɔnénu faa é dan a ble lɛ; wo dan a ble lɛ fɛna plɛplɛ na; Bale ’lɛfɛ lé.

Mi Nɔnɔle 15:24

dé mian wenyané kɛlɛ é tanyila, ’té munu ’ka a gi dɔɔa lo, dé wa ’ma, munu faa é dan maa Gakelebale ban lɛ diriboroné do lé wa kyɛ blé, ’té maa Gakelebale a gin sié néné, a nya; ’ka an ban’yi pa a va, a sɔnné lé wa fe, a yɛrama; yé ’wo maa Gakelebale ban boligɔné do nya wenyané ’yibofɛ nya é ziin.

Mi Nɔnɔle 5:5

Gakelebale we fe Moizi lɛ yé é léé:

Mi Nɔnɔle 5:8

Fɛ lé wa si kyeen nya, mian énɔ a nɔ a lɛ, dé ’bɛzan ’ka ana lo, é a lé wo da fɛ ’ko nya Gakelebale lɛ, yé ’é kɛlɛ Balebanzan zé nya. Naa, wenyané ’yibo ’blagɔné a é yɛrama; ’bɛ ’é kɛlɛ wegyɛzan lé wenyané ’yibofɛ nya.

Bélidɔwesɛbɛ Fiézan 12:26

Naa, fɛnu lé ka wo pa é yɛrama Bale zé nya, ’bɛ valé kalé bale kunle lɛ sɔɔ sarakanu nya, ka dan wo nɔ lɛ fɛ do lé Gakelebale é dan ana si lɛ a va, ana.

1 Samuɛl 6:3

’Monédɔmunu lé wo lɛ léé: Dé ka a Izraɛl lé Bale lé kɛsu pana zia, té ka a pa zia é pla lo. Naa, ’ka kalé wenyané ma saraka bo Bale lɛ, yé ka dan béli lɛ, yé wean ma lé é ’ka é bɛ nyané sié ka ta lo, ka dan a gi dɔɔ lɛ.