Lévinu 5:1 - Kazambale lé Sebe Sauunu 1979

¹ Dé mi do kɛlɛ wenayezan nya yé é bɛ nwa ’bɛ we ma, yé we lé é a ye, ’é valé we lé é a gi dɔɔ, yé é ’ka a fe lɛ lo, yé ’bɛ we ma é wenyané kɛlɛ, ’té we a a nwiin.

Lévinu 5:1 ပူးပေါင်းရင်းမြစ်များ

1 Minwiinzannu 22:16

Yé minwiinzan lé a lɛ léé: É a lé maa a fe i lɛ gɔnɔ nɔɔ, léé, ’i bale ’nyɔɔn léé, i dan webozen saa ɛ fe lɛ an lɛ Gakelebale tɔ gii?

1 Minwiinzannu 8:31

Dé mi do wenyané kɛlɛ é bɔluzan ma, yé dé wa fe léé, ’é bale ’nyɔɔn, dé é da bale ’nyɔɔn lɛ i banna ’lɛ kɔn ’ko gi,

2 Minwiinmunu lé Wezuofe Sɛbɛ 18:15

Yé minwiinzan blɛn lé a lɛ léé: É a lé maa a fe i lɛ gɔnɔ nɔ, léé, ’i bale ’nyɔɔn léé, i dan webozen saa ɛ fe lɛ an lɛ Gakelebale tɔ gii?

Lɛrɛvɔ Sɛbɛ 38:4

I bliflile zama an kɔlɛ do kpen ’ka an ta lo, Anlé wenyané ma lé an wɔlɛnu ’ka plɛplɛ é dɛrɛ lo.

Fwile 22:11

Gakelebale ’nyɔɔnle ɛ dan we ’ko yuɛ gi bo lɛ, yé mi lé é yuɛ pa wi va é dan a fe lɛ léé, ’é ’ka é bɔluzan lé fɛ si lɛ lo; wizan é dan bale ’nyɔɔnle ’ko nyi si lɛ yé a koɛzan ’ka dan a lɛgi nɔ lɛ lo.

Wegɔnévɔlenu 29:24

Mi lé yee valé kyeenwozan éé fɛ gulian, é a ébozen nyanézan nya; éé balepadére maan, yé é ’ka a fé lo.

Wegɔnévɔlenu 30:9

dé an da fɛ kiɛre ye, yé maa sɔn vɔ i ma yé maa léé, de ɛ ke Gakelebale nyaa? Taa, dé nyané é da an gyɛ yé maa kyeen wo yé maa anlé Bale tɔ sɛrɛ.

Ézai 53:11

É dan élé nyanéblele ma tɔnɔ ye lɛ yé ’bɛ é dan a fan lɛ ginanale nya; Alé wedɔɔle nya lé an wuozan tegele é dan mi kiɛre kɛlɛ lɛ tegele, Yé é dan wolé weplenu kɔné si lɛ.

Jérémi 23:10

Naa, tɛrɛ la fan gɔné ginile valé le ginile nya; Bale a é pale tɛrɛ ’ko la munu ma, amalé gyɛbole ke; Winu lé fɛblena lé é ke bwi la, ’bɛna lu a é gale. Munu éé vlan buruwo wenaané kɛlɛle we ma, Plɛplɛ lé é ke wo lee, é a weple saa kɛlɛfɛ nya.

Ézékiɛl 18:20

Mi lé éé wenyané kɛla, yeebozen ɛ gaan. Wo ’ka dan mi lé weple kɔné dɔ lɛ é be nwiin lo, yé wo ’ka dan a be zé dɔ lɛ a nwiin lo. Wo dan mi tegele lé we tegele dɔ lɛ ’é nwiin, yé wo dan mi nyané lé wenyané dɔ lɛ é nwiin.

Ézékiɛl 18:4

Ka ye, mi boennu faa a anzé nya. Dé é a né nyaoo, dé é a né ti nyaoo, wo fiénu a anzé nya. Mi lé éé wenyané kɛla, yeebozen ɛ gaan.

Lévinu 17:16

Dé é ’ka élé sɔnu zuru lɛ lo, dé é ’ka éboen zuru lɛ lo, ’té we a a nwiin é dɔle.

Lévinu 19:8

Mi lé é a ble, é wenyané dɔ ébo nwiin, naa, é Gakelebale ’lɛfɛ kɛlɛ fɛ pla nya; mi ’ko bɛ, wo dan a si lɛ élé munu va.

Lévinu 20:17

Dé mi do é buru si, dé a ti lu léé, dé a bu lé néle léé, yé é ’bɛ porole ye yé ’bɛ a porole ye, ’bɛ a we dɛrɛdɛrɛ nya; wo dan wo si lɛ wolé munu yuɛ gi; é ’é buru poro, amalé é wenyané dɔ ébo nwiin.

Lévinu 4:2

We lé é ’ka lé mi a kɛlɛ lo, dé mi do a kɛlɛ yé é Gakelebale lé bélidɔwe do sɛrɛ é tanyila,

Lévinu 5:15

Fɛnu lé wa plaan Gakelebale zé nya, dé mi a nɔ yuɛgiblan nya yé é wenyané kɛlɛ é tanyila, é dan wenyaa saraka bo lɛ Gakelebale lɛ alé wenyané ma; gɔɔlifu sikla ’léé lé é dia a ma, fɛna sauun lé sikla nya, ’bɛ yɛrama ’blagɔné lé we do ’ka a ma lo, yee lé ’é a si trubɛ va, é dɔ i gi fɛan zo, a zo, yé ’é wenyaa saraka bo a nya.

Lévinu 5:17

Dé mi do wenyané kɛlɛ, yé we lé Gakelebale lé bélidɔwe a yi ga, yé é a kɛlɛ é tanyila, a pagi lé, yé we a é dɔle a nwiin.

Lévinu 7:18

Dé é kɛlɛ léé, mi ’élé bɔvɔ saraka wi ble a yi yaazan nya, Kazambale ’ka dan ’é ban‐ɛn ble lɛ lo; wo ’ka dan a ye lɛ léé, mi ’ko é saraka bo lo; é sɛrɛ, yé dé miomian é a ble, we a ’bɛzan nwiin é dɔle.

Mi Nɔnɔle 9:13

Dé mian é ke é pla, yé é ’ka go lɛ tawo lɛ lo, dé é vuru Taboyi lé fɛti kɛlɛle ma, ’wo mi ’ko si alé munu va. Yi lé Gakelebale a dɔ, é ’ka da lɛ Bale ban lɛ a yi la lo, azama; yé mi ’ko é we dɔ ébo nwiin.

Matio 26:63

Naa, Jézu vo é tadɔle. Balebanmunu ’lɛzan lé a lɛ léé: Maa lé i lɛ Bale yuɛmalé tɔ gi léé, dé bii ɛ ke Kazambale Be Krist nya, ’bé fe ko lɛ.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

Weblezannu 17:2

É lé é bu lɛ léé: Gɔɔlifu sikla wuru soru yɔ soru lé wa si i lee kyeen nya bɛ, ’té i yo yɔɔ a we ma an yuɛ va yé maa a ’ma bɛ, bé ye, gɔɔlifu ’ko a maa lee, maa ɛ si. Yé a bu léé: Gakelebale ’é an be drɔɔ vo ma.