Lévinu 4:35 - Kazambale lé Sebe Sauunu 1979

³⁵ Balebanzan é dan a nyɔnɔ faa si lɛ, woo bɔvɔ saraka ’blané nyɔnɔ sié fɛan zo a zo, yé é dan a kyɛ ble lɛ balebanna ta, saraka lé kyɛ a blé Gakelebale ’lɛ, a nya. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 4:35 ပူးပေါင်းရင်းမြစ်များ

Lévinu 12:8

Dé ’blané mafɛ ’ka lezan lee lo, é dan plala fié si lɛ, ɛɛ, dé ’bɛ kaan lo, ’é plawuo sua fié si, a do ’é kɛlɛ balebanwi lé wa kyɛ blé, a nya, yé a do ’é kɛlɛ wenyané ’yibo saraka nya. Balebanzan é dan alé wenyané ’yibo lɛ, yé lezan é dan kɛlɛ lɛ tegele.

Lévinu 14:18

Nyɔnɔ pɔné lé é vo Balebanzan lee, é dan a zén lɛ gɔnézan lé é da ’é nwiin foli lɛ, a nwiin; yé Balebanzan é dan alé wenyané ’yibo lɛ Gakelebale ’lɛ.

Lévinu 14:53

’Bɛ zuo é dan go lɛ miané yuɛmale nya fla gini ma yé ’é daan a ma yé é go bwi gi. ’Bɛ zo lé é dan kɔn ma wenyané ’yibo lɛ yé é kɛlɛ é zima.

Lévinu 15:15

Balebanzan é dan Bale ban lɛ wo nya; a do é dan kɛlɛ lɛ wenyané ’yibo saraka nya, yé a koɛzan é dan kɛlɛ lɛ balebanwi lé wa kyɛ blé, a nya; yé Balebanzan é dan gɔnézan lé wenyané ’yi bo lɛ Gakelebale ’lɛ, a ’yi bɔrale we ma.

Lévinu 19:22

Wenyané lé é a kɛlɛ bɛ, balebanzan é dan a ma wenyané ’yibo lɛ Gakelebale ’lɛ, wenyaa saraka ’blagɔné nya, yé wenyané lé é a kɛlɛ bɛ, wo dan a ma we vo lɛ.

Lévinu 4:20

Wo wenyané ’yibo dirigɔné zé kɛlɛ fɛan zo, a zo duo lé wo dan dirigɔné ’ko zé kɛlɛ lɛ; wo fiénu kɛlɛbɛ a do. ’Bɛ zo lé Balebanzan é dan wolé wenyané ’yibo lɛ yé Bale é dan wo ma we vo lɛ.

Lévinu 4:26

É dan a nyɔnɔ faa kyɛ ble lɛ balebanna ta, woo bɔvɔ saraka lé winyɔnɔ zé kɛla fɛan zo, a zo. ’Bɛ zo lé Balebanzan é dan minwiinzan lé wenyané ’yibo saraka bo lɛ yé Bale é dan a ma we vo lɛ.

Lévinu 5:10

É dan miané koɛzan nɔ lɛ balebanwi lé wa kyɛ blé, a nya, é kɛlɛbɛ yɛrama. ’Bɛ zo lé Balebanzan é dan mi ’ko lé wenyané ’yibo lɛ yé Bale é dan a ma we vo lɛ.

Lévinu 5:13

Mi lé é we ’konu va we do kɛlɛ, ’bɛ zo lé Balebanzan é dan alé wenyané ’yibo lɛ, yé Bale é dan a ma we vo lɛ. Balebanfɛ pɔné lé é vo, ’bɛ a Balebanzan zé nya, bélé Gakelebale lé fɛblele lé we zo.

Lévinu 5:6

’Bɛ zuo, ’é wenyaa saraka bo trubɛda nya Gakelebale lɛ, wenyané lé é a kɛlɛ bɛ, a we ma; dé ’blada léé, dé bolida léé, ’é yee ɛ nɔ wenyané ’yibofɛ nya. Yé Balebanzan é dan alé wenyané ’yibo lɛ a nya.

Lévinu 6:7

Baleban fɛblele lé bélidɔwe a ’ko zo: Arɔn benu é dan da lɛ a nya Gakelebale ’lɛ, balebanna ’lɛ.

Lévinu 9:7

Moizi lé Arɔn lɛ léé: ’I bié balebanna sɔnɔ; ’i wenyané ’yibo saraka bo yé balebanwi lé wa kyɛ blé, bé nɔ, bii valé munu lé wenyané ’yibole we gi; ’i munu lé saraka bo é ziin yé ’i wolé wenyané ’yibo, Gakelebale a fe fɛan zo, a zo.

Mi Nɔnɔle 15:25

Balebanzan é dan Izraɛlnu faa lé wenyané ’yibo lɛ, yé é wo ma we vo. Naa, wo wenyané kɛlɛ ’wo tanyila, yé wo balebanfɛ nɔ, saraka lé wa kyɛ blé Gakelebale lɛ, a tɔ bɔle we ma, a nya; wo wenyané ’yibofɛ nɔ maa Gakelebale lɛ, wenyané lé wa kɛlɛ ’wo tanyila, alé we ma.

Mi Nɔnɔle 15:28

Mi lé é wenyané kɛlɛ é tanyila, Balebanzan é dan alé wenyané ’yibo lɛ Gakelebale ’lɛ; dé é wenyané ’yibofɛ nɔ, ’té maa dan a ma we vo lɛ.

Rom munu 10:4

naa, Krist a bélidɔwe ’wuoplana nya, munu faa lé wo bli voo a lɛ, wo kɛlɛlɛ tegele we ma.

Rom munu 4:25

Kaalé wesɛrɛle ma lé Bale Jézu nɔ ga lɛ, yé é nwa gale va kaa kɛlɛle tegele we ma.

Rom munu 8:1

Amalé sin, we do kpen ’ka é dɔle Jézu Krist gimunu nwiin lo.

2 Korɛnt Munu 5:21

Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Kolɔs munu 1:14

A Be kaa tabo, ’bɛ gi léé, Bale kaa ma we vo kaalé wenyanénu ma.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 4:14

Kazambale be Jézu a kaalé Balebanmunu ’lɛzan lé é go lanu gi, a nya, amalé kaa vo gligli blipale lé kaa fe léé, é a kaazé nya bɛ, a gi.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

1 Piɛri 2:22

Krist ’ka wenyané kɛlɛ lɛ monomono lo, Yé dabli dére do kpen ’ka a ’léé lo;

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.