Lévinu 4:31 - Kazambale lé Sebe Sauunu 1979

³¹ Balebanzan é dan a nyɔnɔ faa si lɛ, woo bɔvɔ sarakawi nyɔnɔ sié fɛan zo, a zo, yé é dan a kyɛ ble lɛ balebanna ta, yé Gakelebale é dan a gin si lɛ néné. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 4:31 ပူးပေါင်းရင်းမြစ်များ

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

JOB (Job) 42:8

Sin, ’ka dirigɔné sɔrafié valé ’blagɔné sɔrafié si, ’ka goan an wuozan Job lɛ, yé ’ka wo nɔ, balebanwi lé wa kyɛ blé, a nya, kabo lé we ma. An wuozan Job é dan bazoro lɛ ka tɔ ma, yé a pli zi lé maa ’ka dan we kɛlɛ lɛ ka lɛ kalé tavowe yɛrama lo; naa, ka ’ka anlé we fe lɛ ’é fena bélé an wuozan Job a fe fɛan zo, a zo lo.

Fwile 29:18

’I ’blawi faa kyɛ ble balebanna ta; wi lé wa kyɛ blé Gakelebale zé nya, yee lé; saraka lé kyɛ a blé, ’té a gin sɔ Gakelebale lɛ, yee lé.

Ézai 42:21

É sɔ Gakelebale lɛ léé, é migisan é ma bélidɔwe blɛn kɛlɛ, Izraɛl munu gi nanale we gi.

Ézai 53:10

Élé tɛrɛla nɔ wenyané ’yibofɛ nya, Yé Gakelebale a ’wii nyanéblele nya, é sɔ a lɛ fɛan zo, a zo; A kulu é dan kɛlɛ lɛ yé a yinu é dan kɛlɛ lɛ di, Yé Gakelebale lé nyanama va é dan gyɛ lɛ a lee.

Lévinu 1:13

Wi bun‐annu koo, a mɛnnu koo, gɔnézan é dan a ma saa lɛ, yé Balebanzan é dan saraka bo lɛ a faa nya, yé é dan a kyɛ ble lɛ balebanna. Balebanwi lé; saraka lé wa kyɛ blé, ’té Gakelebale a gin sié néné, yee lé.

Lévinu 1:17

É dan a bɛ valé a golɛ so lɛ ékeva, naa, té é a so a ’léé lo; yé Balebanzan é dan miané kyɛ ble lɛ balebanna kyɛ ta loru. Balebanwi lé wa kyɛ blé, yee lé, saraka lé wa faa kyɛ blé, ’té Gakelebale a gin sié néné, yee lé.

Lévinu 1:9

Wo dan a bun‐annu valé a mɛnnu ma saa lɛ; yé Balebanzan é dan a faa kyɛ ble lɛ balebanna ta. Balebanwi lé; saraka lé wa faa kyɛ blé, ’té Gakelebale a gin sié néné, yee lé.

Lévinu 14:18

Nyɔnɔ pɔné lé é vo Balebanzan lee, é dan a zén lɛ gɔnézan lé é da ’é nwiin foli lɛ, a nwiin; yé Balebanzan é dan alé wenyané ’yibo lɛ Gakelebale ’lɛ.

Lévinu 15:15

Balebanzan é dan Bale ban lɛ wo nya; a do é dan kɛlɛ lɛ wenyané ’yibo saraka nya, yé a koɛzan é dan kɛlɛ lɛ balebanwi lé wa kyɛ blé, a nya; yé Balebanzan é dan gɔnézan lé wenyané ’yi bo lɛ Gakelebale ’lɛ, a ’yi bɔrale we ma.

Lévinu 19:22

Wenyané lé é a kɛlɛ bɛ, balebanzan é dan a ma wenyané ’yibo lɛ Gakelebale ’lɛ, wenyaa saraka ’blagɔné nya, yé wenyané lé é a kɛlɛ bɛ, wo dan a ma we vo lɛ.

Lévinu 2:2

É dan da lɛ a nya Balebanzannu Arɔn benu va; burupun zima ’ko lé wo nyɔnɔ zén a va bɛ, Balebanzan é dan a si lɛ bɛ nya do, ’é valé lasikɔrɔpo faa nya, yé é wo kyɛ ble balebanna ta, we seledɔmigifɛ nya. É a balebanfɛblele lé, Gakelebale a gin sié néné, a nya.

Lévinu 2:9

Fɛ lé é a lé wa nɔ weseledɔmigifɛ nya, Balebanzan é dan a si lɛ yé é a kyɛ ble balebanna ta. É a balebanfɛblele lé Gakelebale a gin sié néné, a nya.

Lévinu 4:19

É dan dirigɔné nyɔnɔ faa si lɛ yé ’é a kyɛ ble balebanna ta.

Lévinu 4:26

É dan a nyɔnɔ faa kyɛ ble lɛ balebanna ta, woo bɔvɔ saraka lé winyɔnɔ zé kɛla fɛan zo, a zo. ’Bɛ zo lé Balebanzan é dan minwiinzan lé wenyané ’yibo saraka bo lɛ yé Bale é dan a ma we vo lɛ.

Lévinu 4:35

Balebanzan é dan a nyɔnɔ faa si lɛ, woo bɔvɔ saraka ’blané nyɔnɔ sié fɛan zo a zo, yé é dan a kyɛ ble lɛ balebanna ta, saraka lé kyɛ a blé Gakelebale ’lɛ, a nya. ’Bɛ zo lé Balebanzan é dan mi ’ko lé wenyané ’yibo lɛ, yé Bale é dan a ma we vo lɛ.

Lévinu 5:10

É dan miané koɛzan nɔ lɛ balebanwi lé wa kyɛ blé, a nya, é kɛlɛbɛ yɛrama. ’Bɛ zo lé Balebanzan é dan mi ’ko lé wenyané ’yibo lɛ yé Bale é dan a ma we vo lɛ.

Lévinu 5:6

’Bɛ zuo, ’é wenyaa saraka bo trubɛda nya Gakelebale lɛ, wenyané lé é a kɛlɛ bɛ, a we ma; dé ’blada léé, dé bolida léé, ’é yee ɛ nɔ wenyané ’yibofɛ nya. Yé Balebanzan é dan alé wenyané ’yibo lɛ a nya.

Lévinu 8:21

É a bun‐annu valé a mɛnnu ma saa, yé é ’blagɔné faa kyɛ ble balebanna ta; balebanwi lé wa kyɛ blé, yee lé; saraka lé wa kyɛ ble, ’té Gakelebale a gin sié néné, yee lé, Gakelebale a fe Moizi lɛ fɛan zo, a zo.

Mi Nɔnɔle 15:25

Balebanzan é dan Izraɛlnu faa lé wenyané ’yibo lɛ, yé é wo ma we vo. Naa, wo wenyané kɛlɛ ’wo tanyila, yé wo balebanfɛ nɔ, saraka lé wa kyɛ blé Gakelebale lɛ, a tɔ bɔle we ma, a nya; wo wenyané ’yibofɛ nɔ maa Gakelebale lɛ, wenyané lé wa kɛlɛ ’wo tanyila, alé we ma.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 10:12

Naa, Balebanzan ’ko zé a é yɛrama. É wenyané ma saraka bo gɔnɔ do ’té, ’bɛ zuo, é nyana Kazambale bɛyila yé é a yifaama é nyanale ’bɛna,

Ébrunu 10:14

Naa, munu lé é wo kɛlɛ sauun é gun si wo ma lɛɛ faa zé nya saraka do kpen bole nya.

Ébrunu 9:12

Krist go fɛna sauun tinle na gɔnɔ do bléyi faa zé nya; é ’ka go lɛ ana boligɔné valé diriné nyɛ nya lo; naa, é go ébo nyɛ nya é lee. É kaa tabo ’bɛ zo ’té. We bɛ ’ka ’bɛ zuo monomono lo.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;