Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lévinu 4:3 - Kazambale lé Sebe Sauunu 1979

3 dé wenyanékɛlɛzan a Balebanzan lé wo nyɔnɔ zén a nwiin, a nya, yé we ’ko nya lé é we dɔ munu nwiin, é a lé ’élé wenyané ’yibo saraka bo Gakelebale lɛ, dirigɔné boroné lé we do kpen ’ka a ma lo, a nya; wenyané ’yibo saraka lé.

အခန်းကိုကြည့်ပါ။ ကော်ပီ




Lévinu 4:3
32 ပူးပေါင်းရင်းမြစ်များ  

Wo go dirigɔné sɔrafié koo, ’blagɔné sɔrafié koo, ’blané sɔrafié koo, boligɔné sɔrafié koo, wo nya, yé wo wo bo saraka nya, minwiinzan blɛn nyanana koo, fɛna sauun koo, Juda munu koo, wolé wenyané ’yibofɛ nya. Yé Arɔn benu lé ke Balebanzannu nya, minwiinzan blɛn lé wo lɛ léé, ’wo wo bo saraka nya Gakelebale banna.


Munu lé wo si luu gi yé wo da wo pa gi bɛ, winu lé wa kyɛ blé, wa nɔ Izraɛl lé Bale lɛ; dirigɔné vu ta fié a Izraɛl faa zé nya, wo valé ’blagɔné yɔ ziɛn wɔlɛ vu ta suiɛdo koo, ’blanénu yɔ yaa wɔlɛ vu ta sɔrafié koo, boligɔné vu ta fié lé ke wenyané ’yibofɛ nya koo, wa faa nɔ Gakelebale lɛ, winu lé wa kyɛ blé, wo nya.


Naa, dirigɔné wi koo, a kɔlɛ koo, a bo koo, i dan wo kyɛ ble lɛ sɔkɔn dɔna gini lɔ ma; wenyané ma ban lé.


Nyɛ lé ke balebanna ta valé nyɔnɔ lé wa zén‐é mi ta, bé si, yé bé nwɛɛn Arɔn valé ’élé sɔnu koo, a benu valé ’wolé sɔnu koo, wo ta. Arɔn valé ’élé sɔnu koo, a benu valé ’wolé sɔnu koo, ’i wo pa é yɛrama ’bɛ ɛ zo.


Nyɔnɔ lé wa zén‐é mi ta, i dan a si lɛ yé i dan a zén lɛ a nwiin.


Lɛɛ do gɔnɔ do Arɔn é dan wenyané ’yibofɛ gié lɛ balebanna bélinu ma; wenyané ’yibofɛ lé wa gyɛ, a nyɛ nya lé é dan wenyané ’yibowe kɛlɛ lɛ lɛɛ do do gi, ka kulunu faa va. É a fɛ ’lɛzan nya é baba Gakelebale yuɛ gi.


Tablé fié a é dɔrale kɔn lɛɛ kiéné bɛ fié la. Wo ta lé balebanwi lé wa kyɛ blé koo, wenyané ’yibo saraka koo, we nyaa saraka koo, woo wo bɔrɔ boo.


Mizan Gakelebale léma: Lévinu lé wo ke Sadɔk kululazannu nya, ’té wo ke Balebanzannu nya bɛ, ’té woo biéan an sɔnɔ an banle we ma bɛ, ’i dirigɔné boroné do si yé bé nɔ wo lɛ wenyané ’yibo saraka nya.


Yian nya lé é dan wɔra lɛ gɔrɔné gi fɛna sauun na, nyanama pale fɛna sauun na we ma, é dan élé wenyané ’yibo saraka bo lɛ. Yee lé Mizan Gakelebale a fe.


Dé ’blané lé é dan a nɔ lɛ, balebanwi lé wa kyɛ blé, a nya, ɛɛ, dé boli lé, a gɔné lé we do kpen ’ka a ma lo, ’é yee ɛ nɔ.


Dé diri lé é dan a nɔ lɛ balebanwi lé wa kyɛ blé, a nya, a gɔné lé, we do kpen ’ka a ma lo, ’é yee ɛ nɔ; é a nɔ zén‐ékevasɔkɔn ’léé, Gakelebale ’lɛ, Gakelebale kɛlɛle a zinzan nya we gi.


Arɔn é dan wenyané ’yibo saraka bo lɛ ’élé dirigɔné nya, yé é dan kɛlɛ lɛ yee valé ’élé kɔngimunu lé wenyané ’yibofɛ nya. É dan ’élé wenyané ’yibo dirigɔné bɔrɔ bo lɛ.


É a lé Arɔn ’é wɔra fɛna sauun tinle na fɛan zo, yee lé ke ’ko: É dan dirigɔné boroné si lɛ wenyané ’yibo saraka nya, yé é dan ’blagɔné si lɛ balebanwi lé wa kyɛ blé, a nya.


É dan boligɔné fié ye lɛ Izraɛl lé nénu lee wenyané ’yibo saraka nya, yé é dan ’blagɔné do ye lɛ wo lee, balebanwi lé wa kyɛ blé, a nya.


Arɔn é dan wenyané ’yibo saraka bo lɛ élé dirigɔné nya, yé é dan kɛlɛ lɛ yee valé élé kɔngimunu lé wenyané ’yibofɛ nya.


yé wenyané lé wa kɛlɛ yé a ta bɔra sin, é a lé munu wenyané ’yibo saraka bo dirigɔné boroné nya, yé wo da a nya zén‐ékevasɔkɔn ’lɛ.


yé é da ’élé wenyané ta bɔra lɛ, é dan saraka bo lɛ boligɔné lé we do kpen ’ka a ma lo, a nya.


yé é da ’élé wenyané ta bɔra lɛ, é dan saraka bo lɛ bolida lé we do kpen ’ka a ma lo, a nya; alé wenyané ma saraka lé.


Balebanzan lé wo nyɔnɔ zén a nwiin bɛ, é dan dirigɔné nyɛ si lɛ yé é dan da lɛ a nya zén‐ékevasɔkɔn gi;


’Bɛ zuo, ’é wenyaa saraka bo trubɛda nya Gakelebale lɛ, wenyané lé é a kɛlɛ bɛ, a we ma; dé ’blada léé, dé bolida léé, ’é yee ɛ nɔ wenyané ’yibofɛ nya. Yé Balebanzan é dan alé wenyané ’yibo lɛ a nya.


Bé fe Arɔn valé ’é benu lɛ léma: Wenyané ’yibo saraka lé bélidɔwe a ’ko zo: Balebanwi lé wa kyɛ blé, wa bɔrɔ boo fɛana, ana duo lé wo dan wenyané ’yibo saraka lé wi bɔrɔ bo lɛ Gakelebale ’lɛ; fɛ ’ko a Bale ’lɛfɛ nya.


É fɛ’lɛdɔ nyɔnɔ zén Arɔn nwiin, a dɔle Balebanzan nya we gi.


É lé Arɔn lɛ léé: ’I dirigɔnéné si wenyané ’yibo saraka nya, yé ’i ’blagɔné si balebanwi lé wa kyɛ blé, a nya, yé ’i Gakelebale ban wo nya. Té we do kpen é kɛlɛ wo fiénu ma lo.


Bé fe Izraɛl lé nénu lɛ léma: ’Ka boligɔné si wenyané ’yibo saraka nya, dirigɔnéné valé ’blané lé, wo lɛɛ kɛlɛ do yé we do kpen ’ka wo ma lo, ’ka wo si balebanwi lé wa kyɛ blé, a nya.


Moizinu dia ’wo bli la, yé wo léé: Oo Bale, munu faa lélinu lé Bale, mi do kpen wenyané kɛlɛ yé i bli fli munu faa maa?


’Bɛ zuo, ’wo dirigɔné boroné do si, yee valé balebanfɛ lé wa no yifaama; burupun zima lé wa vɔɔ nyɔnɔ nya, yee lé. Yé ’i dirigɔné boroné bɛ si wenyané ’yibofɛ nya.


Kaa dɔbɛ kyɛn bélidɔwe tua, amalé we lé bélidɔwe ’ka bɔa a kɛlɛle lɛ lo, Kazambale a kɛlɛ. É a kɛlɛ fɛan zo, yee lé ke ’ko: ébozen Be pa zia wenyané ma ban nya kɔlɛ lé é ke bélé kaalé wenyanékɔlɛ zo, a gi; ’bɛ kɛlɛlɛ nya lé é wenyané lɛgama mi dɔbɛ kyɛn gi.


Krist lé é ’ka wenyané dɔɔ lɛ monomono lo, Bale a kinin wenyané nya kolé we ma, léé, Kazambale ’é ko kɛlɛ tegele bélé ’é zo Krist gi.


É a blami nya, amalé é a lé é sarakanu bo ébo lé wenyanénu ma, bélé fɛan zo lé éé a boo munu lé wenyanénu ma, a zo.


Krist go fɛna sauun tinle na gɔnɔ do bléyi faa zé nya; é ’ka go lɛ ana boligɔné valé diriné nyɛ nya lo; naa, é go ébo nyɛ nya é lee. É kaa tabo ’bɛ zo ’té. We bɛ ’ka ’bɛ zuo monomono lo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ